വെള്ളക്കാരനു മുന്നിൽ നഗ്നനാകുന്നവർക്ക്​ സർക്കാറിന്​ ഡാറ്റ നൽകാൻ മടി-  കണ്ണന്താനം

ന്യൂഡൽഹി: സ്വകാര്യതയെ മാനിക്കുന്നവർക്ക്​ സർക്കാരിന്​ ഡാറ്റ നൽകുന്നത്​ പ്രശ്​നമാണെ​െങ്കിലും ​അമേരിക്കൻ വിസക്കുവേണ്ടി വെള്ളക്കാർക്ക്​ മുന്നിൽ നഗ്നരാകാൻ മടിയില്ലെന്ന്​ കേന്ദ്രമന്ത്രി അൽഫോൻസ്​ കണ്ണന്താനം. യു.എസ്​ വിസക്കുവേണ്ടി 10 പേജുള്ള അപേക്ഷ ഫോമാണ്​ പൂരിപ്പിച്ച്​ നൽകിയത്​. വിരലടയാളം നൽകുന്നതിനോ വെള്ളക്കാർക്കു​മുന്നിൽ നഗ്നരാകുന്നതിനോ നമുക്ക്​ മടിയില്ല. എന്നാൽ സർക്കാർ നിങ്ങളുടെ പേരുവിവരങ്ങളും വിലാസവും ചോദിക്കു​േമ്പാൾ അത്​ നൽകാൻ മടിയാണ്​. അതെ ചൊല്ലി വൻ ജനകീയ പ്രക്ഷോഭങ്ങളുണ്ടാകും. സർക്കാർ ജനങ്ങളുടെ സ്വകാര്യതയിലേക്കുള്ള കടന്നു കയറിയെന്ന പ്രചരണമാണ്​ പിന്നീട്​ നടക്കുകയെന്നും മന്ത്രി കൂട്ടിച്ചേർത്തു. 

കേംബ്രിഡ്​ജ് അനലിറ്റിക്കയുമായി ബന്ധപ്പെട്ട ‍ഡാറ്റ ചോർത്തൽ വിവാദം ഇന്ത്യയിലും പ്രതിഫലിച്ച  പശ്ചാത്തലത്തിലാണ്​ സർക്കാരിനു സ്വകാര്യ വിവരങ്ങൾ കൈമാറാനുള്ള പൗരൻമാരുടെ എതിർപ്പിനെ പരിഹസിച്ച് കണ്ണന്താനം രംഗത്തെത്തിയത്​. 

യു.​െഎ.ഡി.എ.​െഎയുടെ ആധാർ ഡാറ്റ ബാങ്ക്​ ചോർന്നിട്ടില്ലെന്നതാണ്​ സത്യം. പൗരൻമാരുടെ ആധാർ വിവരങ്ങൾ ചോരുന്നെന്ന വാർത്ത അടിസ്ഥാനരഹിതമാണെന്നും കണ്ണന്താനം പറഞ്ഞു.     

ഫേസ്​ബുക്ക്​ ഡാറ്റ ചോർത്തൽ വിവാദത്തിനു പിറകെ, പ്രധാനമന്ത്രി നരേന്ദ്ര മോദിയുടെ സ്വന്തം മൊബൈൽ ആപ്ലിക്കേഷനായ ‘നമോ ആപ്’ വഴിയും പൗരൻമാരുടെ ഡാറ്റ ചോർത്തുന്നുണ്ടെന്ന്​  വിവാദമുയർന്നിരുന്നു.