മുസ്​ലിങ്ങളെ ഇഷ്​ടമാണെന്ന വാട്​സ്​ആപ്പ്​ സന്ദേശമയച്ചതിന്​ മാനസിക പീഡനം; യുവതി ആത്മഹത്യ ചെയ്​തു

ബെംഗളൂരു:  വാട്​സ്​ആപ്പിൽ സുഹൃത്തിന്​ മുസ്​ലിങ്ങളെ ഇഷ്​ടമാണെന്ന സന്ദേശമയച്ചതിന്​ ബി​.ജെ.പി യുവ നേതാക്കളിൽ നിന്നും മാനസിക പീഡനം നേരിട്ട 20 വയസ്സുകാരി ആത്മഹത്യ ചെയ്​തു. സംഭവവുമായി ബന്ധപ്പെട്ട്​ ബി​.ജെ.പിയുടെ ഒരു ​പ്രാദേശിക യുവ നേതാവി​െന അറസ്​റ്റ്​ ചെയ്​തു.  മറ്റ്​ നാല്​ പേർക്ക്​ വേണ്ടിയുള്ള തിരച്ചലിലാണ് പൊലീസ്​​. ബി​.​കോം വിദ്യാർഥിനിയായ ധന്യശ്രീയാണ്​ സ്വന്തം റൂമിൽ തൂങ്ങി മരിച്ചത്​.

സന്തോഷ്​ എന്ന സുഹൃത്തുമായി ചാറ്റിങ്ങ്​ ചെയ്യുന്നതിനിടെയാണണ്​ ധന്യശ്രീ പ്രസ്​തുത സന്ദേശമയച്ചത്​. ചാറ്റിങ്​ ജാതി മത വിഷയങ്ങളിലേക്ക്​​ നീങ്ങുകയും ഇരുവരും തമ്മിലുള്ള തർക്കത്തിലേക്ക്​ നയിക്കുകയും ചെയ്​തു. തുടർന്ന്​ സന്തോഷ്​ ചോദിച്ച ചോദ്യത്തിന്​ മറുപടിയായാണ്​ ​‘െഎ ലവ്​ മുസ്​ലിംസ്​’ എന്ന്​ സന്ദേശ​ം ധന്യശ്രീ അയച്ചത്​. ഇത്​ കണ്ട്​ പ്രകോപിതനായ സുഹൃത്ത് മുസ്​ലിങ്ങള​ുമായി എന്തെങ്കിലും വിധത്തിലുള്ള ബന്ധം സ്​ഥാപിക്കുന്നതിൽ നിന്നും വിലക്കുകയും അയച്ച സന്ദേശം സ്​ക്രീൻഷോട്ട്​ എടുത്ത്​ ബജ്​രംഗ്​ ദളി​​​​​​​െൻറ പ്രാദേശിക നേതൃത്വത്തിനും വി.എച്ച്​.പി അംഗങ്ങൾക്കും അയക്കുകയായിരുന്നു. 

ബി​.​ജെ.പി യുവ മോർച്ച പ്രസിഡൻറ്​ അനിൽ രാജ്​

 

സന്ദേശത്തി​​​​​​​െൻറ സ്​ക്രീൻ ഷോട്ട്​ വ്യാപകമായി പ്രചരിച്ചു. ഇത്​ ധന്യശ്രീക്കും അവളുടെ അമ്മക്കും നേരെയുള്ള മാനസിക പീഡനത്തിലേക്ക്​ നയിക്കുകയുമായിരുന്നു. ബി.ജെ.പി യൂത്ത്​ വിങ്​ ലീഡർ അനിൽ രാജടക്കമുള്ള സംഘം ഇവരുടെ വീട്ടി​േലക്ക്​ വരികയും മുസ്​ലിങ്ങളുമായി സൗഹൃദം സൂക്ഷിക്കുന്നതിനെതിരെ ഭീഷണി മുഴക്കുകയും ചെയ്​തു. അനിൽ രാജിനെ അറസ്​റ്റ്​ ചെയ്​ത ​പൊലീസ്​ മറ്റ്​ പ്രതികൾക്കായി ശക്​തമായ തിരച്ചിലിലാണ്​. ‘ഇത്​ സദാചാര പൊലീസിങ്​ അല്ലെന്നും സദാചാര ഗുണ്ടായിസമാണെന്നും’ എസ്​.പി പറഞ്ഞു. സന്ദേശത്തി​​​​​​​െൻറ സ്​ക്രീൻ ഷോട്ട്​ പങ്ക്​ വെച്ചവർക്കെതിരെയും നടപടിയെടുക്കുമെന്ന്​ എസ്​.പി പ്രതികരിച്ചു.