ഗോവയിൽ കോവിഡ്​ കർഫ്യു നീട്ടി

പനാജി: കോവിഡ്​ രണ്ടാം തരംഗത്തെ തുടർന്ന്​ ഗോവയിൽ ഏർപ്പെടുത്തിയ കർഫ്യു വീണ്ടും നീട്ടി. ജൂൺ 21 വരെയാണ്​ നിയന്ത്രണങ്ങൾ നീട്ടിയിരിക്കുന്നത്​. ഗോവ മുഖ്യമന്ത്രി പ്രമോദ്​ സാവന്താണ്​ ഇക്കാര്യം അറിയിച്ചത്​. എന്നാൽ, സാമ്പത്തിക പ്രവർത്തനങ്ങൾ പുനഃരാരംഭിക്കുന്നതി​െൻറ ഭാഗമായി ചില ഇളവുകൾ ഗോവ സർക്കാർ നൽകിയിട്ടുണ്ട്​.

പഞ്ചായത്ത്​, മുൻസിപ്പൽ മാർക്കറ്റുകൾ തുറക്കാനുള്ള അനുമതിയാണ്​ നൽകിയത്​. ഗോവയിലെ പ്രധാനപ്പെട്ട ടൂറിസം കേന്ദ്രങ്ങളിലൊന്നാണ്​ പഞ്ചായത്ത്​, മുൻസിപ്പൽ മാർക്കറ്റുകൾ. വിവാഹ ചടങ്ങിൽ 50 പേർക്ക്​ പ​ങ്കെടുക്കാമെന്നും അറിയിച്ചിട്ടുണ്ട്​. 18 വയസ്​ കഴിഞ്ഞ എല്ലാവരും അടുത്തുള്ള വാക്​സിൻ കേന്ദ്രത്തിലെത്തി വാക്​സിൻ സ്വീകരിക്കണമെന്നും മുഖ്യമന്ത്രി അഭ്യർഥിച്ചു.

നേരത്തെ സെക്കൻഡറി, ഹയർ സെക്കൻഡറി പരീക്ഷകൾ ഗോവ സർക്കാർ റദ്ദാക്കിയിരുന്നു. കഴിഞ്ഞ ദിവസം ഗോവയിൽ 472 പേർക്കാണ്​ കോവിഡ്​ ബാധിച്ചത്​. 15 പേർ രോഗം ബാധിച്ച്​ മരിക്കുകയും ചെയ്​തു.