ആധാറിനെ തകർക്കാൻ ഗൂഗ്​ളും കാർഡ്​ ലോബിയും ശ്രമിക്കുന്നുവെന്ന്​ യു.​െഎ.ഡി.എ.​െഎ

ന്യൂഡൽഹി: ആധാറിനെ തകർക്കാൻ ഗൂഗ്​ളും സ്വകാര്യ കാർഡ്​ ലോബിയും ശ്രമിക്കുകയാണെന്ന ആരോപണവുമായി യു.​െഎ.ഡി.എ.​െഎ. സുപ്രീംകോടതിയിലാണ്​ യു.​െഎ.ഡി.​എ.​െഎ അഭിഭാഷകൻ ഇക്കാര്യം അറിയിച്ചത്​​​. ജനങ്ങളുടെ ​െഎഡൻറിറ്റി തിരിച്ചറിയുന്നതിനായി കുറ്റമറ്റ സംവിധാനമാണ്​ യു.​െഎ.ഡി.എ.​െഎ ആധാറിലുടെ വികസിപ്പിച്ചിരിക്കുന്നത്​. ഇതുമൂലം പല കമ്പനികൾക്കും തിരിച്ചടി നേരിടുമെന്നും ഇതാണ്​ ആധാറി​നെതിരെ നീങ്ങാൻ ഇവരെ പ്രേരിപ്പിക്കുന്നതെന്നും എജൻസി നൽകിയ സത്യവാങ്​മൂലത്തിൽ വ്യക്​തമാക്കുന്നു.

യുറോപ്യൻ രാജ്യങ്ങളിൽ നിലവിലുള്ള സ്​മാർട്ട്​ കാർഡിന്​ സമാനമാണ്​ ഇന്ത്യയിൽ ആധാർ കാർഡ്​. ആധാർ കാർഡ്​ വിജയമായാൽ ഇന്ത്യയിൽ സ്​മാർട്ട്​ കാർഡ്​ വ്യവസായത്തിനുള്ള സാധ്യതകൾ ഇല്ലാതാകും. ഇത്​ മൂലം ഗൂഗ്​ൾ ഉൾപ്പടെയുള്ള കമ്പനികൾ ആധാറി​നെ തകർക്കാൻ ശ്രമിക്കുകയാണെന്ന്​ യു.​െഎ.ഡി.​എ.​െഎക്ക്​ വേണ്ടി ഹാജരായ മുതിർന്ന അഭിഭാഷകൻ രാകേഷ്​ ദ്വിവേദി വാദിച്ചു.

അതേ സമയം, സാമൂഹികമാധ്യമങ്ങളിലെ വിവരങ്ങൾ ചോർന്നതിന്​ സമാനമായി ആധാർ വിവരങ്ങളും ചോരില്ലെ​യെന്ന സംശയം കോടതി ഉന്നയിച്ചു. കേംബ്രിഡ്​ജ്​ അനലറ്റിക്കയെ ആധാറുമായി ബന്ധിപ്പിക്കരുതെന്നായിരുന്നു ഇതിന്​ അഭിഭാഷകൻ നൽകിയ മറുപടി.