ഗോ​ര​ഖ്​​പു​ർ ദുരന്തം: ഒാക്​സിജനെത്തിച്ച ഡോ.കഫീൽ ഖാൻ അറസ്​റ്റിൽ

ഗോ​ര​ഖ്​​പു​ർ:  ബി.​ആ​ർ.​ഡി മെ​ഡി​ക്ക​ൽ കോ​ള​ജി​ൽ മ​സ്​​തി​ഷ്​​ക​ജ്വ​രം ബാ​ധി​ച്ച  കു​ട്ടി​ക​ൾ ഒാ​ക്​​സി​ജ​ൻ കി​ട്ടാ​തെ മ​രി​ച്ച സം​ഭ​വ​ത്തി​ൽ വാ​ർ​ഡി​​െൻറ നോ​ഡ​ൽ ഒാ​ഫി​സ​റാ​യി​രു​ന്ന ഡോ. ​ക​ഫീ​ൽ അ​ഹ്​​മ​ദ്​  ഖാ​നെ ഉ​ത്ത​ർ​പ്ര​ദേ​ശ്​ പൊ​ലീ​സ്​ അ​റ​സ്​​റ്റ്​ ചെ​യ്​​തു. ശ​നി​യാ​ഴ്​​ച രാ​വി​ലെ ഒ​ൻ​പ​ത്​ മ​ണി​യോ​ടെ ഗോ​ര​ഖ്​​പു​രി​ൽ​നി​ന്നാ​ണ്​ പ്ര​ത്യേ​ക അ​ന്വേ​ഷ​ണ സം​ഘം  അ​ദ്ദേ​ഹ​ത്തെ ക​സ്​​റ്റ​ഡി​യി​ലെ​ടു​ത്ത​ത്. ഖാ​ൻ ഉ​ൾ​പെ​ടെ​ ഒ​ൻ​പ​ത്​ പേ​ർ​ക്ക്​ എ​തി​രെ വെ​ള്ളി​യാ​ഴ്​​ച അ​ഡീ​ഷ​ന​ൽ സെ​ഷ​ൻ​സ്​ കോ​ട​തി ജാ​മ്യ​മി​ല്ല വാ​റ​ൻ​റ്​ ​ പു​റ​പ്പെ​ടു​വി​ച്ചി​രു​ന്നു. നൂ​റു കി​ട​ക്ക​ക​ളു​ള്ള കു​ട്ടി​ക​ളു​ടെ വാ​ർ​ഡി​​െൻറ മേ​ധാ​വി​യാ​യി​രു​ന്ന അ​ദ്ദേ​ഹ​ത്തെ സം​ഭ​വ​ത്തെ തു​ട​ർ​ന്ന്​ സ്ഥാ​ന​ത്തു​നി​ന്ന്​  നീ​ക്കി​യി​രു​ന്നു.  മെ​ഡി​ക്ക​ൽ കോ​ള​ജ്​ പ്രി​ൻ​സി​പ്പ​ൽ േഡാ. ​രാ​ജീ​വ്​ മി​ശ്ര, ഭാ​ര്യ പൂ​ർ​ണി​മ  എ​ന്നി​വ​രെ ആ​ഗ​സ്​​റ്റ്​ 29ന്​ ​അ​റ​സ്​​റ്റ്​ ​െച​യ്​​തി​രു​ന്നു. 

70 ല​ക്ഷ​ത്തോ​ളം രൂ​പ കു​ടി​ശ്ശി​ക അ​ട​ക്കാ​ത്ത​തി​നെ തു​ട​ര്‍ന്നാ​ണ് മെ​ഡി​ക്ക​ല്‍ കോ​ള​ജി​ലെ ഓ​ക്‌​സി​ജ​ന്‍ വി​ത​ര​ണം മു​ട​ങ്ങി​യ​ത്. ഓ​ക്‌​സി​ജ​ന്‍ ഇ​ല്ലാ​തി​രു​ന്ന​താ​ണ് കൂ​ട്ട​മ​ര​ണ​ത്തി​നി​ട​യാ​ക്കി​യ​ത്. ആ​ഗ​സ്​​റ്റ്​ പ​ത്തോ​ടെ ഓ​ക്‌​സി​ജ​ന്‍ വി​ത​ര​ണം മു​ട​ങ്ങു​മെ​ന്ന്​ അ​ധി​കൃ​ത​ര്‍ക്ക് അ​റി​യാ​മാ​യി​രു​ന്നു. എ​ന്നാ​ല്‍, സ​ര്‍ക്കാ​റി​ല്‍നി​ന്ന്​ ​  അ​നു​കൂ​ല ന​ട​പ​ടി ഉ​ണ്ടാ​യി​​ല്ല.  ശി​ശു​രോ​ഗ​വി​ഭാ​ഗം മേ​ധാ​വി​യാ​യ ക​ഫീ​ൽ, മ​റ്റ് ആ​ശു​പ​ത്രി​ക​ളി​ല്‍നി​ന്നും ക്ലി​നി​ക്കു​ക​ളി​ല്‍നി​ന്നു​മാ​യി 12 സി​ലി​ണ്ട​റു​ക​ള്‍ പ​ണം മു​ട​ക്കി വാ​ങ്ങി കു​ട്ടി​ക​ളു​ടെ ചി​കി​ത്സ​ക്കാ​യി എ​ത്തി​ച്ചി​രു​ന്നു.  ക​ഫീ​ല്‍ഖാ​ന്‍ ബി.​ആ​ർ.​ഡി  ആ​ശു​പ​ത്രി​യി​ല്‍നി​ന്ന്​  ഓ​ക്‌​സി​ജ​ന്‍ സി​ലി​ണ്ട​ര്‍ ത​​െൻറ സ്വ​കാ​ര്യ ക്ലി​നി​ക്കി​ലേ​ക്ക് ക​ട​ത്തി​യെ​ന്നാ​ണ് പ്ര​ത്യേ​ക അ​ന്വേ​ഷ​ണ സം​ഘ​ത്തി​​െൻറ ആ​രോ​പ​ണം. അ​ഴി​മ​തി, കെ​ടു​കാ​ര്യ​സ്ഥ​ത എ​ന്നീ കു​റ്റ​ങ്ങ​ളും ചു​മ​ത്തി​യി​ട്ടു​ണ്ട്. 

അതിനിടെ, ബി.​​ആ​​ർ.​​ഡി മെ​​ഡി​​ക്ക​​ൽ കോ​ള​ജ്​ ആ​ശു​പ​ത്രി​യി​ൽ ദു​ര​ന്ത​ങ്ങ​ൾ തു​ട​ർ​ക്ക​ഥ​യാ​വു​ന്നു. ക​ഴി​ഞ്ഞ ദി​വ​സം 24 മ​ണി​ക്കൂ​റി​നു​ള്ളി​ൽ ഇ​വി​ടെ 13 കു​ഞ്ഞു​ങ്ങ​ൾ​കൂ​ടി മ​രി​ച്ചു. ഇ​തോ​ടെ 2017ൽ​മാ​ത്രം ഇ​വി​ടെ മ​രി​ച്ച കു​ഞ്ഞു​ങ്ങ​ളു​ടെ എ​ണ്ണം 1,317 ആ​യി. ക​ഴി​ഞ്ഞ ദി​വ​സം മ​രി​ച്ച 13 കു​ഞ്ഞു​ങ്ങ​ളി​ൽ 10 കു​ഞ്ഞു​ങ്ങ​ൾ ന​വ​ജാ​ത ശി​ശു​ക്ക​ൾ​ക്കു​ള്ള ​തീ​വ്ര​പ​രി​ച​ര​ണ വി​ഭാ​ഗ​ത്തി​ലും മൂ​ന്ന്​ കു​ട്ടി​ക​ൾ കു​ട്ടി​ക​ളു​ടെ വാ​ർ​ഡി​ലു​മാ​ണെ​ന്ന്​ പു​തു​താ​യി ചാ​ർ​ജെ​ടു​ത്ത പ്രി​ൻ​സി​പ്പ​ൽ ഡോ. ​പി.​കെ. സി​ങ്​ അ​റി​യി​ച്ചു.  സെ​പ്​​റ്റം​ബ​റി​ൽ ര​ണ്ട്​ ദി​വ​സ​ത്തി​നി​ടെ 32 ക​ു​ട്ടി​ക​ൾ മ​രി​ച്ചു.