ഖൊരക്​പൂർ ദുരന്തം: ഖഫീൽ ഖാനെതിരെ വധശ്രമത്തിന്​ കേസ്​

ന്യൂഡൽഹി: ഖൊരക്​പൂർ ബി.ആർ.ഡി മെഡിക്കൽ കോളജ്​ ആശുപത്രിയിൽ കുഞ്ഞുങ്ങൾ കൂട്ടത്തോടെ മരിച്ച സംഭവത്തിൽ ആശുപത്രിയിലെ ശിശുരോഗ വിഭാഗം അസിസ്​റ്റൻറ്​ ​പ്രഫസർ ഡോക്​ടർ ഖഫീൽ ഖാനെതിരെ പൊലീസ്​ കുറ്റപ്പത്രം സമർപ്പിച്ചു. കുഞ്ഞുങ്ങളുടെ മരണവുമായി ബന്ധപ്പെട്ട്​ ഖാനെതിരെ വധശ്രമത്തിനും ക്രിമിനൽ ഗൂഢാലോചനക്കുമാണ്​ കേസ്​ ചുമത്തിയിട്ടുള്ള​െതന്ന്​ കുറ്റപ്പത്രത്തിൽ പറയുന്നു. അതേസമയം, ഡോക്​ടർക്കെതിരെ പൊലീസ്​ രജിസ്​റ്റർ ചെയ്​തിരുന്ന അഴിമതി നടത്തി, സ്വകാര്യാ പ്രാക്​ടീസ്​ നടത്തി എന്നീ കുറ്റങ്ങൾ തെളിവുകളുടെ അഭാവത്തിൽ ഒഴിവാക്കി. 

ആഗസ്​ത്​ 10ന്​ രാത്രി ആശുപത്രിയിൽ ഒാക്​സിജൻ  വിതരണം നിലച്ചതിനാൽ കുഞ്ഞുങ്ങൾ കൂട്ടത്തോടെ മരിച്ച സംഭവത്തെ തുടർന്നാണ്​ ആശുപത്രിയിലെ ഡോക്​ടർക്കെതി​െര കേസെടുത്തത്​. ആശുപത്രിയിൽ ഒാക്​സിജൻ നിലച്ചപ്പോൾ സമീപത്തുള്ള നഴ്​സിങ്ങ്​ ഹോമുകളിൽ നിന്ന്​ ഒക്​സിജൻ എത്തിച്ച്​ 100 ലേറെ കുഞ്ഞുങ്ങളുടെ ജീവൻ രക്ഷിച്ച ഡേക്​ടറുടെ സേവനത്തിന്​ ആദ്യം അഭിനന്ദനങ്ങൾ ലഭിച്ചിരുന്നു. എന്നാൽ കുഞ്ഞുങ്ങൾ മരിച്ച എൻസഫലൈറ്റിസ്​ വാർഡി​​െൻറ ചുമതലയുണ്ടായിരുന്ന ഖഫീലി​െനതിരെ പിന്നീട്​ പൊലീസ്​ കേസ്​ രജിസ്​റ്റർ ചെയ്യുകയായിരുന്നു. ഖഫീലിനെ കൂടാതെ മറ്റ്​ എട്ടു പേർക്കെതിരെയും കുറ്റം ചുമത്തിയിരുന്നു.  

ഒാക്​സിജൻ നിലച്ചതാണ്​ മരണകാരണമെന്നത്​ അധികൃതർ നിഷേധിക്കുകയും മസ്​തിഷ്​ക ജ്വരമാണ്​ സംഭവത്തിനു പിറകി​െലന്ന്​ അവകാശപ്പെടുകയും ചെയ്​തിരുന്നു. അതിനടുത്ത ദിവസങ്ങളിലാണ്​ ഖാനും മറ്റ്​ എട്ടു പേർക്കുമെതിരെ കേസെടുത്ത്​ അറസ്​റ്റ്​ ചെയ്​തത്​. ഖാനും കോളജ്​ പ്രിൻസിപ്പൽ രാജീവ്​ മിശ്രക്കുമെതിരെയാണ്​ ഗൊരഖ്​പൂർ സെഷൻസ്​ കോടതിയിൽ കുറ്റപ്പത്രം സമർപ്പിച്ചത്​. ഖാനെതി​െരയുള്ള കുറ്റങ്ങൾ ​തന്നെയാണ്​ മിശ്രക്കെതിരെയും ചുമത്തിയത്​. കൂടാതെ അഴിമതിക്കുറ്റവും രാജീവ്​ മിശ്രക്കെതിരെയുണ്ടെന്ന്​ ഹിന്ദുസ്​ഥാൻ ടൈംസ്​ റിപ്പോർട്ട്​ ചെയ്യുന്നു.