രാജ്യം ​ദുർഘട ഘട്ടം കടന്നു; ഫെബ്രുവരിയിൽ കോവിഡ്​ ബാധിതരുടെ എണ്ണം 105 ലക്ഷത്തിലെത്തും

ന്യൂഡൽഹി: രാജ്യത്ത്​ കോവിഡ്​ 19​െൻറ ദുർഘട ഘട്ടത്തെ മറികടന്നുവെന്ന്​ കേന്ദ്രസർക്കാർ. സെപ്​റ്റംബറോടെ രാജ്യം കോവിഡി​െൻറ ദുർഘട ഘട്ടത്തെ മറികടന്നു. 2021 ഫെബ്രുവരി അവസാനത്തോടെ മഹാമാരി അവസാനിക്കുമെന്നും കേന്ദ്രസർക്കാർ നിയമിച്ച സമിതി വ്യക്തമാക്കി.

കോവിഡി​െൻറ അതിസങ്കീർണ കാലഘട്ടം മറികടന്നുവെങ്കിലും സുരക്ഷ മുൻകരുതലുകൾ സ്വീകരിക്കുന്നതിൽ യാതൊരു വിട്ടുവീഴ്​ചയും ചെയ്യാൻ പാടില്ല. ഫെബ്രുവരി അവസാനത്തോടെ രാജ്യത്തെ കോവിഡ്​ ബാധിതരുടെ എണ്ണം 105 ലക്ഷത്തിലെത്തുമെന്നും അവർ വ്യക്തമാക്കി.

നിലവിൽ 75ലക്ഷത്തോളം പേർക്കാണ്​ കോവിഡ്​ സ്​ഥിരീകരിച്ചത്​. 74,94,552 ആണ്​ രോഗബാധിതരുടെ എണ്ണം. കഴിഞ്ഞ 24 മണിക്കൂറിനിടെ പുതുതായി 61,871 പേർക്ക്​ രോഗം സ്​ഥിരീകരിക്കുകയും ചെയ്​തിരുന്നു. ഒരുഘട്ടത്തിൽ പ്രതിദിനം കോവിഡ്​ സ്​ഥിരീകരിക്കുന്നവരുടെ എണ്ണം ഒരുലക്ഷം കടന്നിരുന്നു.

രാജ്യത്ത്​ മാർച്ചിൽ ലോക്​ഡൗൺ പ്രഖ്യാപിച്ചില്ലായിരുന്നുവെങ്കിൽ ആഗസ്​റ്റോടെ മരണസംഖ്യ 25 ലക്ഷത്തിലെത്തുമായിരുന്നു. നിലവിൽ 1.14ലക്ഷമാണ്​ കോവിഡ്​ ബാധിച്ച്​ മരിച്ചവരുടെ എണ്ണം.