2 ജി സ്​പെക്​ട്രം കേസ്​: സർക്കാർ അപ്പീൽ പോകണമെന്ന്​ സുബ്രഹ്​മണ്യൻ സ്വാമി

ന്യൂഡൽഹി: 2ജി സ്​പെക്​ട്രം അഴിമതിക്കേസിൽ എല്ലാ പ്രതികളെയും കുറ്റവിമുക്​തരാക്കിയ കോടതിവിധിക്കെതി​രെ സർക്കാർ ഉടൻ അപ്പീൽ പോകണമെന്ന്​ ബി.ജെ.പി നേതാവ്​ സുബ്രഹ്​മണ്യൻ സ്വാമി. 

ഹൈകോടതിയിൽ അപ്പീൽ നൽകിക്കൊണ്ട്​ സർക്കാർ വിശ്വാസം തെളിയിക്കണമെന്നാണ്​ 2ജി അഴിമതി വെളിച്ചത്തു കൊണ്ട​ു വന്ന സുബ്രഹ്​മണ്യൻ സ്വാമി വിധി വന്നയുടൻ ട്വീറ്റ്​ ചെയ്​തത്​. 

അനധികൃത സ്വത്ത്​ സമ്പാദന കേസിൽ ​മുൻ തമിഴ്​നാട്​ മുഖ്യമന്ത്രി ജയലളിതയെ കുറ്റവിമുക്​തയാക്കിയ കർണാടക ഹൈകോടതി വിധിക്കെതിരായി സുപ്രീം കോാടതി വിധി വന്നത്​ ഉദ്ധരിച്ചുകൊണ്ട്​ കോൺഗ്രസി​​െൻറ ആഘോഷം അപക്വമാണെന്നും സ്വാമി ട്വീറ്റ്​ ചെയ്​തു.