മണിപ്പൂരിലെ ക്രമസമാധാനം സർക്കാറിന്‍റെ ഉത്തരവാദിത്തം -സുപ്രീംകോടതി

ന്യൂ​ഡ​ല്‍ഹി: ക്ര​മ​സ​മാ​ധാ​ന​പാ​ല​നം തെ​ര​ഞ്ഞെ​ടു​ക്ക​പ്പെ​ട്ട സ​ര്‍ക്കാ​റു​ക​ളു​ടെ ഉ​ത്ത​ര​വാ​ദി​ത്ത​മാ​ണെ​ന്നും കോ​ട​തി​ക്ക്​ ഏ​​റ്റെ​ടു​ക്കാ​നാ​വി​ല്ലെ​ന്നും സു​പ്രീം​കോ​ട​തി. ​കോ​ട​തി ന​ട​പ​ടി​ക്ര​മ​ങ്ങ​ള്‍ മൂ​ലം അ​ക്ര​മ​വും മ​റ്റു പ്ര​ശ്ന​ങ്ങ​ളും വ​ള​രാ​ൻ പാ​ടി​ല്ല. സു​ര​ക്ഷ​യും ക്ര​മ​സ​മാ​ധാ​ന​വും കോ​ട​തി​യു​ടെ ഉ​ത്ത​ര​വാ​ദി​ത്ത​മ​ല്ല. ആ ​വി​ഷ​യ​ങ്ങ​ൾ കൈ​കാ​ര്യം ചെ​യ്യു​ന്ന​തി​ൽ കോ​ട​തി​ക്ക്​ പ​രി​മി​തി​ക​ളു​ണ്ട്. അ​തേ​സ​മ​യം ഇ​തൊ​രു മാ​നു​ഷി​ക പ്ര​ശ്‌​ന​മാ​ണ്. ഈ ​വ​ശ​ങ്ങ​ൾ മു​ൻ​നി​ർ​ത്തി മ​ണി​പ്പൂ​ർ വി​ഷ​യം പ​രി​ശോ​ധി​ക്കും -കോ​ട​തി വ്യ​ക്​​ത​മാ​ക്കി.

മ​ണി​പ്പൂ​ര്‍ സം​ഘ​ര്‍ഷം ത​ട​യു​ന്ന​തി​ന്​ സേ​ന​യെ വി​ന്യ​സി​ക്ക​ണ​മെ​ന്നാ​വ​ശ്യ​പ്പെ​ട്ട്​ മ​ണി​പ്പൂ​ര്‍ ട്രൈ​ബ​ല്‍ ഫോ​റ​വും മ​റ്റും ന​ൽ​കി​യ ഹ​ര​ജി​ക​ൾ പ​രി​ശോ​ധി​ക്കു​മ്പോ​ൾ ചീ​ഫ്​ ജ​സ്​​റ്റി​സ്​ ഡി.​വൈ. ച​ന്ദ്ര​ചൂ​ഡ്​ അ​ധ്യ​ക്ഷ​നാ​യ ബെ​ഞ്ചാ​ണ്​ ഈ ​നി​ല​പാ​ട്​ സ്വീ​ക​രി​ച്ച​ത്. ഹ​ര​ജി​ക​ളി​ൽ ചൊ​വ്വാ​ഴ്ച കോ​ട​തി വാ​ദം കേ​ൾ​ക്കും.

മ​ണി​പ്പൂ​രി​ലെ സ്ഥി​തി​ഗ​തി​ക​ളും സ​മാ​ധാ​നം പു​നഃ​സ്ഥാ​പി​ക്കാ​ന്‍ സ​ര്‍ക്കാ​റു​ക​ള്‍ ന​ട​ത്തു​ന്ന ശ്ര​മ​ങ്ങ​ളും വി​ശ​ദീ​ക​രി​ക്കു​ന്ന ത​ല്‍സ്ഥി​തി റി​പ്പോ​ര്‍ട്ട് സോ​ളി​സി​റ്റ​ര്‍ ജ​ന​റ​ല്‍ തു​ഷാ​ര്‍ മേ​ത്ത കോ​ട​തി​യി​ല്‍ സ​മ​ര്‍പ്പി​ച്ചു.

സു​ര​ക്ഷ, ക്ര​മ​സ​മാ​ധാ​നം എ​ന്നി​വ​യു​മാ​യി ബ​ന്ധ​പ്പെ​ട്ട് നി​ർ​ദേ​ശ​ങ്ങ​ൾ ന​ൽ​കാ​നു​ണ്ടെ​ങ്കി​ൽ സ്വീ​ക​രി​ക്കാ​മെ​ന്ന്​ ക​ക്ഷി​ക​ളെ കോ​ട​തി അ​റി​യി​ച്ചു.

സം​സ്ഥാ​ന​ത്തെ സാ​ഹ​ച​ര്യം കൂ​ടു​ത​ൽ വ​ഷ​ളാ​കാ​തി​രി​ക്കാ​ൻ ആ​രോ​പ​ണ​ങ്ങ​ൾ ഉ​ന്ന​യി​ക്കു​മ്പോ​ൾ മെ​യ്തേ​യി -കു​ക്കി വി​ഭാ​ഗ​ങ്ങ​ളു​ടെ അ​ഭി​ഭാ​ഷ​ക​ർ ശ്ര​ദ്ധി​ക്ക​ണ​മെ​ന്ന്​ ആ​വ​ശ്യ​പ്പെ​ട്ട കോ​ട​തി, പൊ​ലീ​സ്​ സ്റ്റേ​ഷ​നു​ക​ളി​ല്‍നി​ന്ന് ആ​യു​ധ​ങ്ങ​ള്‍ ത​ട്ടി​യെ​ടു​ത്ത സം​ഭ​വ​ത്തി​ല്‍ സ്വീ​ക​രി​ച്ച ന​ട​പ​ടി​ക​ളെ​ക്കു​റി​ച്ച് റി​പ്പോ​ര്‍ട്ട് ന​ല്‍കാ​ന്‍ മ​ണി​പ്പൂ​ര്‍ ചീ​ഫ് സെ​ക്ര​ട്ട​റി​ക്ക് നി​ർ​ദേ​ശം ന​ൽ​കി.

142 പേര്‍ കൊല്ലപ്പെ​ട്ടെന്ന്​ സർക്കാർ

ന്യൂ​ഡ​ൽ​ഹി: സം​സ്ഥാ​ന​ത്ത്​ ന​ട​ക്കു​ന്ന സം​ഘ​ര്‍ഷ​ത്തി​ല്‍ 142 പേ​ര്‍ കൊ​ല്ല​പ്പെ​ട്ട​താ​യി മ​ണി​പ്പൂ​ര്‍ സ​ര്‍ക്കാ​ര്‍ സു​പ്രീം​കോ​ട​തി​യി​ൽ.

സ്ഥി​തി​ഗ​തി​ക​ള്‍ നി​യ​ന്ത്ര​ണ​വി​ധേ​യ​മാ​ക്കാ​ന്‍ 5,995 കേ​സു​ക​ൾ ര​ജി​സ്റ്റ​ര്‍ ചെ​യ്ത​താ​യും 6,745 പേ​രെ ക​സ്റ്റ​ഡി​യി​ലെ​ടു​ത്ത​താ​യും സം​സ്ഥാ​ന സ​ർ​ക്കാ​ർ സു​പ്രീം​കോ​ട​തി​യി​ൽ സ​മ​ര്‍പ്പി​ച്ച ത​ൽ​സ്ഥി​തി റി​പ്പോ​ർ​ട്ടി​ൽ പ​റ​യു​ന്നു.

ആ​റ് കേ​സു​ക​ള്‍ സി.​ബി.​ഐ​ക്ക് കൈ​മാ​റി. സു​ര​ക്ഷ ക്ര​മീ​ക​ര​ണ​ങ്ങ​ള്‍ പ്ര​തി​ദി​നം അ​വ​ലോ​ക​നം ചെ​യ്യു​ന്നു​ണ്ട്. അ​ടി​യ​ന്ത​ര സാ​ഹ​ച​ര്യ​വും നേ​രി​ടാ​നു​ള്ള ന​ട​പ​ടി​ക്ര​മം ത​യാ​റാ​ക്കി​യി​ട്ടു​ണ്ട്. അ​ര്‍ധ​സൈ​നി​ക വി​ഭാ​ഗ​ത്തി​ന്‍റെ 124 സം​ഘ​ത്തെ​യും സാ​യു​ധ​ന സേ​ന​യു​ടെ 184 സം​ഘ​ത്തെ​യും സ​മാ​ധാ​നം നി​ല​നി​ര്‍ത്താ​ന്‍ സം​സ്ഥാ​ന​ത്ത് വി​ന്യ​സി​ച്ചു.

ഇ​ന്‍റ​ര്‍നെ​റ്റ് നി​രോ​ധ​നം ഇ​ള​വ് ചെ​യ്യാ​ൻ ന​ട​പ​ടി​ക​ള്‍ സ്വീ​ക​രി​ച്ചു​വ​രു​ക​യാ​ണ്. പ്രാ​ദേ​ശി​ക സാ​ഹ​ച​ര്യ​ങ്ങ​ള്‍ വി​ല​യി​രു​ത്തി​യ ശേ​ഷം ക​ര്‍ഫ്യൂ ഇ​ള​വ് സ​മ​യം കൂ​ട്ടു​മെ​ന്നും റി​പ്പോ​ർ​ട്ടി​ൽ പ​റ​യു​ന്നു.