‘​ശൗചാലയത്തിന്‍റെ മുമ്പിൽ നിന്നുള്ള സെൽഫിയില്ലെങ്കിൽ ശമ്പളമില്ല​​’- യു.പിയിൽ അപൂർവ ഉത്തരവ്​

സിതാപൂർ: ഉത്തർപ്രദേശിലെ സിതാപൂരിൽ സർക്കാർ ഉദ്യോഗസ്​ഥർക്ക്​ ഇൗ മാസത്തെ ശമ്പളം കിട്ടണമെങ്കിൽ ഒരു കടമ്പ കടക്കണം. മ​റ്റൊന്നുമല്ല, ഒരു സെൽഫിയെടുത്ത്​ സമർപ്പിക്കണം. വെറുതെ എടുത്താൽ പോര, സ്വന്തം വീട്ടിലെ ശൗചാലയത്തിനു മുമ്പിൽ നിന്നുള്ള സെൽഫിയാണ്​ നൽകേണ്ടത്​.

സിതാപൂർ ജില്ല മജിസ്​ട്രേറ്റാണ്​ കേന്ദ്ര സർക്കാർ നടപ്പാക്കുന്ന സ്വച്ഛ്​ ഭാരത്​ മിഷ​​​​െൻറ കാര്യക്ഷമത ഉറപ്പാക്കാനായി ഇത്തരത്തിൽ ഒരു ഉത്തരവിറക്കിയത്​. കൂടാതെ ഒാരോ വീട്ടിലും ശൗചാലയം ഉണ്ടെന്ന്​ ഉറപ്പിക്കുന്നതിനായി ശൗചാലയമുണ്ടെന്ന സർട്ടിഫിക്കറ്റും തെളിവായി സമർപ്പിക്കണമെന്നും മജിസ്​ട്രേറ്റിന്‍റെ ഉത്തരവിൽ പറയുന്നു.

സിതാപൂർ ജില്ലയിലെ തുറസായ സ്​ഥലങ്ങളെ മലവിസർജ്ജന മുക്തമാക്കുകയാണ്​ ഉത്തരവിലൂടെ ലക്ഷ്യമിടുന്നത്​. ഉത്തരവ്​ അനുസരിച്ചില്ലെങ്കിൽ ഉദ്യോഗസ്​ഥർക്ക്​ മെയ്​ മാസത്തിലെ ശമ്പളം തടസപ്പെടുമെന്ന മുന്നറിയിപ്പും ഉത്തരവിൽ നൽകുന്നുണ്ട്​.