എം.പിമാരെ ബഹുമാനിക്കാൻ പഠിക്കൂ; സ​ർ​ക്കാ​ർ ജീ​വ​ന​ക്കാരെ മാർഗനിർദേശം ഓർമിപ്പിച്ച് കേന്ദ്രം

ന്യൂ​ഡ​ൽ​ഹി: എം.​പി​മാ​രും എം.​എ​ൽ.​മാ​രു​മാ​യു​ള്ള ഔ​ദ്യോ​ഗി​ക ഇ​ട​പെ​ട​ലു​ക​ൾ ന​ട​ത്തു​ന്ന​തി​ന് സ​ർ​ക്കാ​ർ ജീ​വ​ന​ക്കാ​ർ​ക്ക് മാ​ർ​ഗ​നി​ർ​ദേ​ശം പു​റ​പ്പെ​ടു​വി​ച്ച് കേ​ന്ദ്രം. എം.​പി​മാ​രും എം.​എ​ൽ.​എ​മാ​രും ജ​ന​ങ്ങ​ളു​ടെ അം​ഗീ​കൃ​ത പ്ര​തി​നി​ധി​ക​ളാ​ണെ​ന്നും ജ​നാ​ധി​പ​ത്യ​സം​വി​ധാ​ന​ത്തി​ൽ ജ​ന​പ്ര​തി​നി​ധി​ക​ൾ​ക്ക് നി​ർ​ണാ​യ​ക പ​ങ്കാ​ണു​ള്ള​തെ​ന്നും പേ​ഴ്സ​ന​ൽ മ​ന്ത്രാ​ല​യം പു​റ​ത്തി​റ​ക്കി​യ ഉ​ത്ത​ര​വി​ൽ പ​റ​യു​ന്നു. ഇ​തു​സം​ബ​ന്ധി​ച്ച് 2011ൽ ​ഇ​റ​ക്കി​യ നി​ർ​ദേ​ശ​ത്തി​ന്റെ സ​മ​ഗ്ര​മാ​യ മാ​ർ​ഗ​നി​ർ​ദേ​ശ​ങ്ങ​ളാ​ണ് പു​റ​ത്തി​റ​ക്കി​യ​ത്. അ​ന്ന​ത്തെ നി​ർ​ദേ​ശ​ങ്ങ​ൾ ഒ​രി​ക്ക​ൽ​കൂ​ടി ഓ​ർ​മി​പ്പി​ക്കു​ക​യാ​ണെ​ന്ന് പേ​ഴ്സ​ന​ൽ മ​ന്ത്രാ​ല​യം വ്യ​ക്ത​മാ​ക്കി.

എം.​പി​മാ​ർ ന​ൽ​കു​ന്ന ക​ത്തും മ​റ്റും കേ​ന്ദ്ര, സം​സ്ഥാ​ന സ​ർ​ക്കാ​ർ ഉ​ദ്യോ​ഗ​സ്ഥ​ർ കൃ​ത്യ​മാ​യി കൈ​കാ​ര്യം ​ചെ​യ്യ​ണം. മ​ന്ത്രി​മാ​ർ​ക്കു​ള്ള ക​ത്തി​ന് ക​ഴി​യു​ന്ന​തും മ​ന്ത്രി​മാ​ർ ത​ന്നെ മ​റു​പ​ടി ന​ൽ​ക​ണം. ഇ​ല്ലെ​ങ്കി​ൽ സെ​ക്ര​ട്ട​റി റാ​ങ്കി​ലു​ള്ള ഉ​ദ്യോ​ഗ​സ്ഥ​ൻ മ​റു​പ​ടി ന​ൽ​ക​ണം. സ​ർ​ക്കാ​ർ ഓ​ഫി​സു​ക​ളി​ലെ​യും ദേ​ശ​സാ​ത്കൃ​ത ബാ​ങ്കു​ക​ളി​ലെ​യും ഓ​ഫി​സ് ത​ല​വ​ന്മാ​ർ​ക്കു​ള്ള എം.​പി​മാ​രു​ടെ ക​ത്തി​ന് അ​വ​ർ ത​ന്നെ മ​റു​പ​ടി ന​ൽ​ക​ണം. ന​യ​പ​ര​മാ​യ കാ​ര്യ​ങ്ങ​ളി​ൽ ഡെ​പ്യൂ​ട്ടി സെ​ക്ര​ട്ട​റി​മാ​രി​ൽ കു​റ​യാ​ത്ത ഉ​ദ്യോ​ഗ​സ്ഥ​രാ​ക​ണം എം.​പി​മാ​രു​​ടെ ക​ത്തു​ക​ൾ കൈ​കാ​ര്യം ചെ​യ്യേ​ണ്ട​ത്. മു​ൻ എം.​പി​മാ​രു​ടെ ക​ത്തു​ക​ളും ഇ​തേ​രീ​തി​യി​ൽ കൈ​കാ​ര്യം ​ചെ​യ്യ​ണം. പാ​ർ​ല​മെ​ന്റി​ൽ ഉ​ത്ത​രം ല​ഭി​ക്കാ​ത്ത ചോ​ദ്യ​ങ്ങ​ളു​മാ​യി ബ​ന്ധ​പ്പെ​ട്ട​വ ഒ​ഴി​കെ​യു​ള്ള​വ​ക്കെ​ല്ലാം മ​റു​പ​ടി ​കൊ​ടു​ക്ക​ണം. നേ​ര​ത്തേ, ത​യാ​റാ​ക്കി ​വെ​ച്ച മ​റു​പ​ടി​ക​ൾ പാ​ടി​ല്ല.

എം.​പി​യോ പൊ​തു​ജ​ന​മോ ഏ​തെ​ങ്കി​ലും സം​ഘ​ട​ന​ക​ളോ സ​മ​ർ​പ്പി​ക്കു​ന്ന അ​പേ​ക്ഷ​ക​ളും നി​ർ​ദേ​ശ​ങ്ങ​ളും 15 ദി​വ​സ​ത്തി​ന​കം സ്വീ​ക​രി​ച്ച് അ​ടു​ത്ത 15 ദി​വ​സ​ത്തി​ന​കം മ​റു​പ​ടി ന​ൽ​ക​ണം. മ​റ്റു മ​ന്ത്രാ​ല​യ​ങ്ങ​ളി​ൽ​നി​ന്ന് വി​വ​ര​ങ്ങ​ൾ ല​ഭി​ക്കാ​നു​ണ്ടെ​ങ്കി​ൽ ഇ​ട​ക്കാ​ല ക​ത്തി​ലൂ​ടെ അ​ക്കാ​ര്യം അ​റി​യി​ക്ക​ണ​മെ​ന്നും ഉ​ത്ത​ര​വി​ലു​ണ്ട്.

എം.​പി​മാ​​രോ​ടും എം.​എ​ൽ.​എ​മാ​രോ​ടും സ​ർ​ക്കാ​ർ ജീ​വ​ന​ക്കാ​ർ മാ​ന്യ​മാ​യി പെ​രു​മാ​റ​ണ​മെ​ന്നും കേ​ന്ദ്ര പേ​ഴ്സ​ന​ൽ മ​ന്ത്രാ​ല​യം ഓ​ർ​മി​പ്പി​ച്ചു. ജ​ന​പ്ര​തി​നി​ധി​ക​ളു​ടെ ആ​വ​ലാ​തി​ക​ൾ ക്ഷ​മ​യോ​ടെ കേ​ൾ​ക്ക​ണം. നി​ശ്ച​യി​ച്ച തീ​യ​തി​യി​ൽ കൂ​ടി​ക്കാ​ഴ്ച ന​ട​ത്താ​ൻ പ​റ്റി​യി​ല്ലെ​ങ്കി​ൽ ജ​ന​പ്ര​തി​നി​ധി​ക്ക് കൂ​ടി സ​മ്മ​ത​മാ​കു​ന്ന ദി​വ​സ​ത്തേ​ക്ക് മാ​റ്റാം. മൊ​ബൈ​ൽ ഫോ​ൺ, ഇ-​മെ​യി​ൽ സ​ന്ദേ​ശ​ങ്ങ​ളും അ​വ​ഗ​ണി​ക്ക​രു​ത്. കേ​ന്ദ്ര സെ​ക്ര​ട്ട​റി​മാ​രേ​ക്കാ​ൾ പ്രോ​ട്ടോ​കോ​ളി​ൽ ഉ​യ​ർ​ന്ന​താ​യ​തി​നാ​ൽ പൊ​തു​പ​രി​പാ​ടി​ക​ളി​ൽ ആ​വ​ശ്യ​മാ​യ ബ​ഹു​മാ​നം എം.​പി​മാ​രോ​ട് പു​ല​ർ​ത്ത​ണം. സ​ർ​ക്കാ​ർ ജീ​വ​ന​ക്കാ​ർ ജ​ന​പ്ര​തി​നി​ധി​ക​ളെ വ്യ​ക്തി​പ​ര​മാ​യ ആ​വ​ശ്യ​ത്തി​നാ​യി സ​മീ​പി​ക്ക​രു​ത്.