റോഹിങ്ക്യകളെ പുറത്താക്കുകയാണ്​ അടുത്ത ലക്ഷ്യം -കേന്ദ്രമന്ത്രി

ശ്രീനഗർ: റോഹിങ്ക്യകളെ രാജ്യത്ത്​ നിന്ന്​ പുറത്താക്കുകയാണ്​ സർക്കാറി​​െൻറ അടുത്ത ലക്ഷ്യമെന്ന്​ കേന്ദ്രസഹമ ന്ത്രി ജിതേന്ദ്ര സിങ്​. പൗരത്വ ഭേദഗതി നിയമവുമായി ബന്ധപ്പെട്ട പ്രതിഷേധങ്ങൾ ശക്​തമാകുന്നതിനിടെയാണ്​ മന്ത്രിയുടെ പ്രതികരണം.

ജമ്മുകശ്​മീർ ഉൾപ്പടെ രാജ്യത്തി​​െൻറ എല്ലാ ഭാഗത്തും പൗരത്വ ഭേദഗതി നിയമം ബാധകമാവും. അടുത്ത ലക്ഷ്യം റോഹിങ്ക്യകളെ രാജ്യത്ത്​ നിന്ന്​ പുറത്താക്കുകയാണ്​. ജമ്മുകശ്​മീരിൽ കുറേ റോഹിങ്ക്യകളു​ണ്ട്​. അവരെ രാജ്യത്ത്​ നിന്ന്​ പുറത്താക്കാനാണ്​ ഉദ്ദേശം. സി.എ.എ അവർക്ക്​ സംരക്ഷണം നൽകില്ലെന്നും ജിതേന്ദ്ര സിങ്​ പറഞ്ഞു.

റോഹിങ്ക്യകൾ ഇന്ത്യയുടെ മൂന്ന്​ അയൽരാജ്യങ്ങളിലെ മതന്യൂനപക്ഷങ്ങളല്ല. അവർ മ്യാൻമറിൽ നിന്നുള്ളവരാണ്​. റോഹിങ്ക്യകൾ തിരികെ പോകണം. അയൽരാജ്യങ്ങളി​െൽ ആറ്​ ന്യൂനപക്ഷങ്ങൾക്ക്​ മാത്രമാണ്​ സി.എ.എയുടെ ആനുകൂല്യം നൽകുന്നത്​. റോഹിങ്ക്യകൾ ഇതിൽ ഉൾപ്പെടുന്നില്ലെന്നും അദ്ദേഹം വ്യക്​തമാക്കി.