10 വർഷമായ ഡീസൽ വാഹനങ്ങൾക്ക്​ ഡൽഹിയിൽ വിലക്ക്​ തുടരും

ന്യൂഡല്‍ഹി: അന്തരീക്ഷ മലിനീകരണം ഭീതിദമായ തോതില്‍ വര്‍ധിച്ച ഡല്‍ഹിയില്‍ പത്തുവർഷം കഴിഞ്ഞ ഡീസൽ  വാഹനങ്ങൾക്ക്​ ഏർപ്പെടുത്തിയ നിരോധനം പിൻവലിക്കാൻ ദേശീയ ഹരിത ട്രൈബ്യൂണൽ വിസമ്മതിച്ചു. ജനങ്ങളുടെ ആരോഗ്യത്തിന്​ 10 വർഷം കഴിഞ്ഞ ഡീസൽ വാഹനങ്ങൾ ഹാനിയുണ്ടാക്കുന്നില്ലെന്ന്​ തെളിയിക്കാൻ കേന്ദ്ര സർക്കാറിന്​ കഴിഞ്ഞില്ലെന്ന്​ ചൂണ്ടിക്കാട്ടിയാണ്​ ഡീസൽ വാഹനങ്ങൾക്കുള്ള നിരോധനം തുടരുമെന്ന്​ ​ൈ​ട്രബ്യൂണൽ വ്യക്​തമാക്കിയത്​.  

ഡീസൽ വാഹനങ്ങളിൽനിന്നുള്ള മലിനീകരണം അർബുദമുണ്ടാക്കുന്ന​താണെന്ന്​ ട്രൈബ്യൂണൽ ചൂണ്ടിക്കാട്ടി. കേന്ദ്ര മലിനീകരണ നിയന്ത്രണ ബോർഡ്​ റിപ്പോർട്ട്​ പ്രകാരം ഒരു ഡീസൽ കാർ 24 പെട്രോൾ കാറുകളും 84 സി.എൻ.ജി കാറുകളുമുണ്ടാക്കുന്ന മലിനീകരണം സൃഷ്​ടിക്കുന്നുണ്ട്​.  

അതിനാൽ, നിരോധന ഉത്തരവിൽ ഭേദഗതി ആവശ്യപ്പെട്ട്​ കേന്ദ്ര സർക്കാർ സമർപ്പിച്ച ഹരജി തള്ളുകയാണെന്നും ​ൈട്രബ്യൂണൽ പറഞ്ഞ​ു. ഒറ്റ ഇരട്ട നമ്പറുകളുടെ അടിസ്ഥാനത്തില്‍ സ്വകാര്യവാഹനങ്ങള്‍ക്ക്  ആം ആം ആദ്മി സര്‍ക്കാര്‍ ഏര്‍പ്പെടുത്തിയ നിയന്ത്രണം പര്യാപ്തമല്ലെന്ന് വിലയിരുത്തിയാണ് ഡല്‍ഹിയില്‍ പത്തുവർഷം കഴിഞ്ഞ ഡീസൽ  വാഹനങ്ങൾക്ക്​ നിരോധനം ഏർപ്പെടുത്തി ട്രൈബ്യൂണല്‍ ഉത്തരവ് പുറപ്പെടുവിച്ചത്.