ജി.എസ്​.ടി ഒരു മോശം വാക്കായി മാറി-പി. ചിദംബരം

ന്യൂഡൽഹി: ചരക്കു സേവന നികുതി(ജി.എസ്​.ടി) നടപ്പിലാക്കിയതി​​െൻറ ഒന്നാം വാർഷികത്തിൽ കേന്ദ്ര സർക്കാറിനെതിരെ ആഞ്ഞടിച്ച്​ മുൻ ധനമന്ത്രി പി.ചിദംബരം. ബിസിനസുകാർക്കും  തൊഴിലാളികൾക്കും കയറ്റുമതിക്കാർക്കും സാധാരണക്കാർക്കും ജി.എസ്​.ടി എന്നത്​ ഒരു മോശം വാക്കായി മാറിയെന്ന്​ ചിദംബരം പറഞ്ഞു. 

സർക്കാർ മോശം കാര്യങ്ങൾ വലിയ രീതിയിലും വലിയ കാര്യങ്ങളെ മോശം രീതിയിലുമാണ്​ ചെയ്യുന്നതെന്ന്​ നോട്ടു നിരോധന​ത്തേയുംജി.എസ്​.ടിയേയും സൂചിപ്പിച്ചുകൊണ്ട്​ അദ്ദേഹം പരിഹസിച്ചു. ജി.എസ്​.ടിയുടെ രൂപരേഖ, ഘടന, ഭൗതിക സാഹചര്യങ്ങൾ, നിരക്ക്​ എന്നിവയിലും അത്​ നടപ്പിലാക്കിയതിലും പിഴവ്​ വരുത്തിയതിനാലാണ്​ ജനങ്ങൾക്കിടയിൽ അതൊരു മോശം പദമായി മാറിയ​െതന്നും അദ്ദേഹം പറഞ്ഞു. 

ജി.എസ്​.ടി ബില്ലുമായി ബന്ധപ്പെട്ട്​ മുഖ്യ സാമ്പത്തിക ഉപദേഷ്​ടാവി​​െൻറ ഉപദേശം കേന്ദ്ര സർക്കാർ അവഗണിച്ചതായും ചിദംബരം കുറ്റപ്പെടുത്തി.