ജി.​എ​സ്.​ടി വെ​ട്ടി​പ്പ്​ ത​ട​യൽ; ഉ​ദ്യോ​ഗ​സ്ഥ​ർ​ക്ക്​ കൂ​ടു​ത​ൽ അ​ധി​കാ​രം

ന്യൂ​ഡ​ൽ​ഹി: ജി.​എ​സ്.​ടി ഉ​ദ്യോ​ഗ​സ്ഥ​ർ​ക്ക്​ വ്യാ​പാ​ര സ്ഥാ​പ​ന​ങ്ങ​ളി​ൽ മി​ന്ന​ൽ​പ​രി​ശോ​ധ​ന ന​ട​ത്താ​നും ആ​വ​ശ്യ​​മെ​ങ്കി​ൽ ജ​പ്തി ന​ട​പ​ടി​ക​ളി​ലേ​ക്ക്​ ക​ട​ക്കാ​നും അ​ധി​കാ​രം ന​ൽ​കി കേ​ന്ദ്ര ധ​ന​മ​ന്ത്രാ​ല​യം വി​ജ്ഞാ​പ​ന​മി​റ​ക്കി. ജ​നു​വ​രി ഒ​ന്നു​മു​ത​ൽ പ്രാ​ബ​ല്യ​ത്തി​ൽ വ​രും. ക​ണ​ക്കു​ക​ളി​ൽ പി​ഴ​വു​ണ്ടെ​ങ്കി​ൽ നേ​ര​േ​ത്ത നോ​ട്ടി​സ്​ ന​ൽ​കാ​തെ​ത​ന്നെ ഉ​ദ്യോ​ഗ​സ്ഥ​ർ​ക്ക്​ പ​രി​ശോ​ധ​ന​ക്കെ​ത്താം. ചൊ​വ്വാ​ഴ്ച​യാ​ണ്​ ഇ​തു​സം​ബ​ന്ധി​ച്ച ഗ​സ​റ്റ്​ വി​ജ്ഞാ​പ​നം വ​ന്ന​ത്.

വാ​ർ​ഷി​ക വി​റ്റു​വ​ര​വ്​ അ​ഞ്ചു​കോ​ടി​യി​ൽ കൂ​ടു​ത​ലാ​ണെ​ങ്കി​ൽ ജി.​എ​സ്.​ടി പ്ര​കാ​രം ര​ണ്ടു രൂ​പ​ത്തി​ലാ​ണ്​ റി​ട്ടേ​ൺ ന​ൽ​കേ​ണ്ട​ത്. ജി.​എ​സ്.​ടി.​ആ​ർ-​വ​ണ്ണും ജി.​എ​സ്.​ടി.​ആ​ർ-​ത്രീ ബി​യും. ഇ​തി​ൽ ആ​ദ്യ​ത്തേ​ത്​ വി​ൽ​പ​ന ബി​ല്ലു​ക​ളു​ടെ വി​ശ​ദാം​ശം അ​ട​ങ്ങു​ന്ന​തും ര​ണ്ടാ​മ​ത്തേ​ത്​ ജി.​എ​സ്.​ടി ബാ​ധ്യ​ത​ക​ളു​ടെ വി​വ​ര​ങ്ങ​ൾ ഉ​ൾ​പ്പെ​ടു​ന്ന​തു​മാ​ണ്. ഈ ​മാ​സ​ത്തെ ജി.​എ​സ്.​ടി.​ആ​ർ-​വ​ൺ അ​ടു​ത്ത മാ​സം 11നു​ള്ളി​ൽ ന​ൽ​ക​ണം. അ​ടു​ത്ത​മാ​സം 20നു​ള്ളി​ലാ​ണ്​ ജി.​എ​സ്.​ടി.​ആ​ർ-​ത്രീ ബി ​ന​ൽ​കേ​ണ്ട​ത്. അ​ഞ്ചു​കോ​ടി വ​രെ വി​റ്റു​വ​ര​വു​ള്ള​വ​ർ​ക്ക്​ വേ​ണ​മെ​ങ്കി​ൽ മൂ​ന്നു​മാ​സ​ത്തി​ലൊ​രി​ക്ക​ലും റി​ട്ടേ​ൺ ന​ൽ​കാം.

വി​ൽ​പ​ന സം​ബ​ന്ധി​ച്ച്​ ജി.​എ​സ്.​ടി.​ആ​ർ-​വ​ണ്ണി​ൽ കാ​ണി​ച്ച​തി​ന​നു​സ​രി​ച്ച​ല്ല ജി.​എ​സ്.​ടി.​ആ​ർ-​ത്രീ​ബി​യി​ലെ നി​കു​തി​യെ​ങ്കി​ൽ ശേ​ഷി​ക്കു​ന്ന തു​ക​യു​ടെ നി​കു​തി ഈ​ടാ​ക്കാ​ൻ ഉ​ദ്യോ​ഗ​സ്ഥ​രെ​ത്തും. ഇ​തി​ന്​ നേ​ര​േ​ത്ത അ​റി​യി​പ്പു​ണ്ടാ​കി​ല്ല. ഇ​തോ​ടൊ​പ്പം ജി.​എ​സ്.​ടി ര​ജി​സ്​​ട്രേ​ഷ​ൻ, റീ​ഫ​ണ്ടി​ങ്, ര​ജി​സ്​​ട്രേ​ഷ​ൻ പു​നഃ​സ്ഥാ​പി​ക്ക​ൽ എ​ന്നി​വ​ക്ക്​ ആ​ധാ​റും നി​ർ​ബ​ന്ധ​മാ​ക്കി. ഇ​തും ജ​നു​വ​രി ഒ​ന്നു​മു​ത​ലാ​ണ്​ നി​ല​വി​ൽ​വ​രു​ന്ന​ത്.