ഗുജറാത്തിലെ സ്വതന്ത്ര എം.എൽ.എയെ​ അയോഗ്യനാക്കി

അഹ്​മദാബാദ്​: ഗുജറാത്തിൽ അസാധുവായ ജാതി സർട്ടിഫിക്കറ്റ്​ ഹാജരാക്കി മത്സരിച്ച്​ ജയിച്ച സ്വതന്ത്ര എം.എൽ.എയെ ഗവർണർ അയോഗ്യനാക്കി. മോർവ ഹഡാഫ്​ പട്ടികവർഗ മണ്ഡലത്തിൽനിന്ന്​ വിജയിച്ച ഭുപേന്ദ്ര കാന്തിനെയാണ്​ ഗവർണർ ഒ.പി കോഹ്​ലി അയോഗ്യനാക്കിയത്​.

ഉത്തരവ്​ നിയമസഭ സ്​പീക്കർക്ക്​ കൈമാറി. ഇതിനെതിരെ സുപ്രീം കോടതിയെ സമീപിക്കുമെന്ന്​ ഭുപേന്ദ്ര മാധ്യമപ്രവർത്തകരോട്​ പറഞ്ഞു. നേരത്തേ ഹൈകോടതിയെ സമീപിച്ചപ്പോൾ വിധി എതിരായിരുന്നു.