വ​കു​പ്പി​ൽ ഉ​ട​ക്കി നി​തി​ൻ പ​ട്ടേ​ൽ; ഗു​ജ​റാ​ത്തി​ൽ പ്രതിസന്ധി രൂക്ഷം

അഹ്​മദാബാദ്​: കടുത്ത പോരാട്ടത്തിലൂടെ ഗുജറാത്തിൽ ഭരണം നിലനിർത്തിയ ബി.ജെ.പിയി​െല അധികാരത്തർക്കം രൂക്ഷമായതോടെ മന്ത്രിസഭ പ്രതിസന്ധിയിൽ. സുപ്രധാന വകുപ്പുകൾ ലഭിക്കാത്തതി​​െൻറ പേരിൽ ഉപമുഖ്യമന്ത്രി നിതിൻ പ​േട്ടൽ കലാപക്കൊടി ഉയർത്തിയതിനൊപ്പം​ വകുപ്പു വിഭജനത്തിൽ വഡോദര മേഖലയിലെ പാർട്ടി എം.എൽ.എമാർ അതൃപ്​തി പ്രകടിപ്പിക്കുകയും ചെയ്​തു. മുഖ്യമന്ത്രിപദം ആഗ്രഹിച്ച നിതിൻ പ​േട്ടൽ മുൻസർക്കാറിൽ കൈകാര്യം ചെയ്​ത സുപ്രധാന വകുപ്പുകൾപോലും ലഭിക്കാത്തതിൽ കടുത്ത അതൃപ്​തിയിലാണ്​. 

തർക്കം ‘ആത്മാഭിമാന പ്രശ്​ന’മായി പ്രഖ്യാപിച്ച നിതിൻ പ​േട്ടലിനെ അനുനയിപ്പിക്കാൻ ശനിയാഴ്​ചയും നേതൃത്വം നടത്തിയ ശ്രമങ്ങൾ അദ്ദേഹത്തി​​െൻറ ഉറച്ച നിലപാടുമൂലം പരാജയപ്പെട്ടു. 10 എം.എൽ.എമാരുമായി നിതിൻ പ​േട്ടൽ ബി.ജെ.പി വിട്ടാൽ കോൺഗ്രസിൽ അർഹമായ പദവിയും അംഗീകാരവും നേടിത്തരാമെന്ന വാഗ്​ദാനവുമായി ഹാർദിക്​ പ​േട്ടൽ രംഗത്തെത്തി. സാഹചര്യം സൂക്ഷ്​മമായി നിരീക്ഷിക്കുകയാണെന്നാണ്​ കോൺഗ്രസ്​ നിലപാട്​. ഇതോടെ ദേശീയ രാഷ്​ട്രീയ ശ്രദ്ധ വീണ്ടും ഗുജറാത്തിലേക്ക്​ തിരിയുകയാണ്​. 

കഴിഞ്ഞ സർക്കാറിൽ ധനം, നഗര വികസനം, ഭവനം, പെട്രോകെമിക്കൽസ്​ എന്നീ പ്രധാന വകുപ്പുകളാണ്​ നിതിൻ പ​േട്ടൽ ​ൈ​കകാര്യം ചെയ്​തിരുന്നത്​. ഇത്തവണ റോഡ്​, കെട്ടിടം, ആരോഗ്യം, കുടും​ബക്ഷേമം, മെഡിക്കൽ വിദ്യാഭ്യാസം എന്നിവയാണ്​ നൽകിയത്​. വെള്ളിയാഴ്​ച ഒാഫിസിലെത്താതെ വിട്ടുനിന്ന നിതിൻ പ​േട്ടൽ ശനിയാഴ്​ചയും ചുമതലയേറ്റില്ല. ​ഇതേതുടർന്ന്​ മുതിർന്ന നേതാക്കളായ കൗശിക്​ പ​േട്ടൽ, പ്രദീപ്​സിങ്​ ജദേജ, ഭൂപേന്ദ്രസിങ്​ എന്നിവർ വൈകുന്നേരം ഒൗദ്യോഗിക വസതിയിലെത്തി നിതിൻ പ​േട്ടലുമായി ചർച്ച നടത്തി. എന്നാൽ, പഴയ വകുപ്പുകൾ തിരിച്ചുകിട്ടണമെന്ന നിലപാടിൽ അദ്ദേഹം ഉറച്ചുനിന്നതോടെ ചർച്ച പരാജയപ്പെടുകയായിരുന്നു. 

ബി.ജെ.പിയിലെ 19 എം.എൽ.എമാർ പിന്തുണ അറിയിച്ചിട്ടുണ്ടെങ്കിലും പാർട്ടി വിടാനോകോൺഗ്രസിനൊപ്പം ചേരാനോ ആലോചിക്കുന്നില്ലെന്നാണ്​ നിതിൻ പ​േട്ടൽ പറഞ്ഞത്​.  നിതിൻ പ​േട്ടല​ിനെ മുഖ്യമന്ത്രിയാക്കണമെന്ന്​ പാട്ടീദാർമാരുടെ സംഘടനയായ സർദാർ പ​േട്ടൽ ​ഗ്രൂപ്​ കൺവീനർ ലാൽജിഭായി പ​േട്ടൽ ആവശ്യപ്പെട്ടു. അനുയായികൾക്കൊപ്പം ഗാന്ധിനഗറിലെ  വസതിയിലെത്തി നിതിൻ പ​േട്ടലിനെ കണ്ട ലാൽജി, ​പ​േട്ടൽ സമുദായം അദ്ദേഹത്തിനൊപ്പം നിൽക്കുമെന്ന്​ അറിയിച്ചു. ബി.ജെ.പി നേതൃത്വത്തെ സമ്മർദത്തിലാക്കാൻ  തിങ്കളാഴ്​ച നിതിൻ പ​േട്ടലി​​െൻറ മണ്ഡലമായ മെഹ്​സനയിൽ ബന്ദിന്​ ലാൽജി ആഹ്വാനം ചെയ്​തിട്ടുണ്ട്​.