കോവിഡ്​ ആർ.ടി-പി.സി.ആർ ടെസ്​റ്റിന്​ 800 രൂപ മാത്രം; നിരക്ക്​ നിയന്ത്രിച്ച്​ ഗുജറാത്ത്​

ഗാന്ധിനഗർ: ഗുജറാത്ത്​ സർക്കാർ ആർ.ടി-പി.സി.ആർ കോവിഡ്​ ടെസ്​റ്റി​െൻറ നിരക്ക്​ പരമാവധി 800 രൂപയാക്കി കുറച്ചു. ഉപമുഖ്യമന്ത്രി നിധിൻ ഭായ്​ പ​ട്ടേലാണ്​ പ്രഖ്യാപനം നടത്തിയത്​. വീട്ടിൽ വന്ന്​ സാംപ്​ൾ ശേഖരിച്ച്​ ടെസ്​റ്റ്​ നടത്തുന്നതിന്​ പരമാവധി 1100 രൂപ വരെ ഇൗടാക്കാനും അനുവാദം നൽകിയിട്ടുണ്ട്​.

1500 രൂപ മുതൽ 2000 രൂപ വരെയാണ്​ ഗുജറാത്തിൽ സ്വകാര്യ ലാബുകൾ ആർ.ടി-പി.സി.ആർ ടെസ്​റ്റിന്​ തുക ഈടാക്കിയിരുന്നത്​. ഇനി മുതൽ​ 800 രൂപ വരെയാണ്​ പരമാവധി ഈടാക്കാനാകുക.

ആർ.ടി-പി.സി.ആർ ടെസ്​റ്റിന്​ കേരളത്തിൽ ഈടാക്കുവുന്ന തുകയായി സർക്കാർ നിശ്ചയിച്ചത്​ 2100 രൂപയാണ്​.