ഗുജറാത്തിൽ തകർത്ത ആരാധനാലയങ്ങൾക്ക്​ മുഴ​ുവൻ തുകയും നൽകേണ്ട -സുപ്രീംകോടതി

ന്യൂഡൽഹി: പ്രധാനമന്ത്രി നരേന്ദ്ര മോദി മുഖ്യമന്ത്രിയായിരിക്കെ നടന്ന ഗുജറാത്ത്​ വംശഹത്യയിൽ തകർക്കപ്പെട്ട ആരാധനാലയങ്ങളുടെ പുനർനിർമാണത്തിന്​ മുഴുവൻ ചെലവും സംസ്​ഥാന സർക്കാർ നൽകണമെന്ന ഗുജറാത്ത്​ ഹൈകോടതി വിധി ചീഫ്​ ജസ്​റ്റിസ്​ ദീപക്​ മിശ്ര, ജസ്​റ്റിസ്​ പ്രഫുല്ല സി. പന്ത്​ എന്നിവരടങ്ങുന്ന സുപ്രീംകോടതി ബെഞ്ച്​ റദ്ദാക്കി. നികുതിദായകരിൽനിന്ന്​ പിരിക്കുന്ന പണം ഏതെങ്കിലും മതവിഭാഗത്തി​​​െൻറ സ്​ഥാപനങ്ങളുണ്ടാക്കാൻ നൽകുന്നത്​ ഭരണഘടനയുടെ 27ാം അനുച്ഛേദത്തി​​െൻറ ലംഘനമാണെന്ന്​ ചീഫ്​ ജസ്​റ്റിസ്​ സ്വന്തംനിലക്ക്​ എഴുതിയ വിധിപ്രസ്​താവത്തിൽ വ്യക്​തമാക്കി. അതേസമയം, ഗുജറാത്തിൽ തകർത്ത ആരാധനാലയങ്ങൾക്ക്​ 50,000 രൂപ വരെ നൽകാൻ മുമ്പത്തെ മോദി സർക്കാർ പദ്ധതി തയാറാക്കിയത്​ ഭരണഘടനാപരമാണെന്നും ഹരജിക്കാർക്ക്​ ആ പദ്ധതിക്ക്​ അപേക്ഷ നൽകാമെന്നും ചീഫ്​ ജസ്​റ്റിസ്​ കൂട്ടിച്ചേർത്തു. 

ഭരണഘടനയുടെ 27ാം അനുച്ഛേദം അനുസരിച്ച്​ ഏതെങ്കിലും മതത്തെയോ മതവിഭാഗത്തെയോ പരിപാലിക്കാനോ പ്രോത്സാഹിപ്പിക്കാനോവേണ്ടി മാത്രം ഒരു പൗരനെയും ഏതെങ്കിലും നികുതി അടക്കാൻ നിർബന്ധിക്കരുത്​ എന്നും അതിനാൽ ആരാധനാലയങ്ങൾ പുനർനിർമിക്കാനുള്ള പൂർണചെലവ്​ സർക്കാർ വഹിക്കേണ്ടതില്ലെന്നും ചീഫ്​ ജസ്​റ്റിസ്​ ദീപക്​ മിശ്ര വിധിച്ചു​. അതേസമയം, പിരിച്ചെടുത്ത നികുതിയുടെ ഒരു ഭാഗം ഉപയോഗിച്ച്​​ ഏതെങ്കിലും മതവിഭാഗങ്ങൾക്ക്​ വേണ്ട സൗകര്യങ്ങളും ഇളവുകളും നൽകുന്നതിൽ ഭരണഘടനയുടെ 27ാം അനുച്ഛേദമനുസരിച്ച് തെറ്റില്ലതാനും. 

ഗുജറാത്ത്​ സർക്കാർ സമർപ്പിച്ച അപ്പീൽ പരിഗണിക്കുന്ന വേളയിലാണ്​ ഗ​ുജറാത്തിലെ നരേന്ദ്ര മോദി സർക്കാർ 2013 ഒക്​ടോബർ 18ന്​​ ഇത്ത​രമൊരു പദ്ധതിയുണ്ടാക്കിയത്​. തകർന്ന ആരാധനാലയങ്ങൾക്ക്​ പരമാവധി 50,000 രൂപ വരെ ലഭിക്കുന്ന പദ്ധതിക്ക്​ അപേക്ഷ നൽകാൻ ആരാധനാലയങ്ങൾ നിയമവിധേയമാകണമെന്നും പൊതുനിരത്തിലും ​ൈകയേറ്റഭൂമിയിലുമുള്ള ആരാധനാലയങ്ങൾ ആകരുതെന്നും വ്യവസ്​ഥ ചെയ്​തിരുന്നു. തകർക്കപ്പെട്ട മതസ്​ഥാപനങ്ങളിൽ 545ഉം മ​ുസ്​ലിംകളുടേതായിരുന്നു. പള്ളികളും ദർഗകളും ഖബർസ്​ഥാനുകളും ഇവയിലുൾപ്പെടും. ഇവ പുനർനിർമിക്കാൻ ഗുജറാത്തിലെ ഇസ്​ലാമിക്​ റിലീഫ്​ കമ്മിറ്റി സമർപ്പിച്ച ഹരജിയിലായിരുന്നു മോദി സർക്കാറിന്​ തിരിച്ചടിയായ വിധി ഹൈകോടതി പുറപ്പെടുവിച്ചത്​.  മോദി സർക്കാറി​​െൻറ ഭരണവീഴ്​ചയാണ്​ ആരാധനാലയങ്ങൾ തകർക്കാൻ ഇടയാക്കിയതെന്നും എല്ലാ ആരാധനാലയങ്ങൾക്കും മുഴുവൻ നഷ്​ടപരിഹാരവും വകവെച്ചു കൊടുക്കണമെന്നുമായിരുന്നു ഗുജറാത്ത്​ ഹൈകോടതി വിധി. അത്​ ചോദ്യംചെയ്​താണ്​ ഗുജറാത്ത്​ സർക്കാർ ഹരജി നൽകിയത്​.

മൗലികാവകാശങ്ങൾ ഹനിക്കപ്പെടു​േമ്പാൾ കോടതികളെ സമീപിക്കാമെന്നും അസാധാരണഘട്ടങ്ങളിൽ കോടതിക്ക്​ ഭരണഘടനയുടെ 21ാം അനുച്ഛേദം അനുസരിച്ച്​ ഇടപെടാമെന്നും ഗുജറാത്ത്​ കലാപക്കേസിൽ അതാണ്​ സംഭവിച്ചതെന്നും ഹരജിക്കാർ ബോധിപ്പിച്ചത്​ അംഗീകരിക്കാനാവില്ല എന്ന്​ സുപ്രീംകോടതി വിധിയിൽ പറഞ്ഞു. ആരാധനാലയങ്ങൾക്കുണ്ടായ കേടുപാടുകൾ ഒരു പ്രത്യേക സമുദായത്തി​​െൻറ അന്തസ്സിനെ ബാധിക്കുമെന്ന അനുമാനത്തിൽ നിന്നാണ്​ ഇത്തരമൊരു വാദമെന്ന്​ സുപ്രീംകോടതി ചൂണ്ടിക്കാട്ടി. എന്നാൽ, മതേതരത്വമെന്ന സങ്കൽപമനുസരിച്ച്​ ഇത്തരം കാര്യങ്ങൾക്ക്​ പണം ചെലവഴിക്കാൻ ഭരണകൂടത്തോട്​ നിർദേശിക്കുന്നത്​ അനുചിതമാണെന്ന ഗുജറാത്ത്​ സർക്കാറി​​െൻറ മറിച്ചുള്ള വാദം സുപ്രീംകോടതി ശരിവെക്കുകയും ചെയ്​തു. വാദം പൂർത്തിയാക്കി വിധി പറയാൻ മാറ്റിവെച്ച കേസിൽ ഒരു വർഷവും നാലു​ മാസവും കഴിഞ്ഞാണ്​ ഗുജറാത്ത്​ വംശഹത്യയുമായി ബന്ധപ്പെട്ട ഇൗ കേസിലെ വിധി പുറപ്പെടുവിച്ചത്​.