വീണ്ടും ഗോരക്ഷാ ഗുണ്ടകളുടെ മർദനം

അഹമ്മദാബാദ്​: ഗുജറാത്തിൽ കന്നുകാലികളെ കടത്തിയതിന്​ 50കാരനെ ഗോരക്ഷാ ഗുണ്ടകൾ മർദിച്ച്​ അവശനാക്കി. ഗുജറാത്തിലെ അലംപൂർ സ്വദേശിയായ ഡ്രൈവർ ഫകിർ മുഹ​മ്മദ്​ സെയ്​ദിനാണ്​ മർദനമേറ്റത്​. ഗുരുതര പരിക്കേറ്റ സെയ്​ദ്​ ഗാന്ധി നഗർ ആശുപത്രിയിൽ ചികിത്​സയിലാണ്​. 

മെഹ്​സാന ജില്ലയിലെ കാദിയിൽ നിന്ന്​ അഹമ്മദാബാദിലേക്ക്​ കന്നുകാലികളെ കടത്തിയതിനാണ്​​ വാഹനത്തി​​​െൻറ ഡ്രൈവറെ മർദിച്ചത്​. സെയ്​ദി​​​െൻറ ശരീരത്തി​ലെ ഒന്നിലേറെ എല്ലുകൾ പൊടിയുകയും നിരവധി പരിക്കുകൾ ഏൽക്കുകയും ചെയ്​തിട്ടുണ്ട്​. പ്രതികളായ മൂന്ന്​ ഗോരക്ഷാ ഗുണ്ടകളെ പൊലീസ്​ അറസ്​റ്റ്​ ചെയ്​തു. അഹമ്മദാബാദിലെ ഘട്​ലോദിയ മേഖലയിൽ നിന്നുള്ള ആനന്ദ്​ റാബരി, ലഭു റാബരി, രഘു റാബരി എന്നിവരാണ്​ അറസ്​റ്റിലായവർ. 

നാലു കാളകളും ഒരു പോത്തുമായിരുന്നു വാഹനത്തിലുണ്ടായിരുന്നതെന്ന്​ സെയ്​ദ്​ പറഞ്ഞു. യാത്രക്കിടെ അദലാജിൽ രണ്ടുപേർ വാഹനം തടഞ്ഞു നിർത്തി. അവർ വാഹനം കൈയടക്കി മറ്റൊരു വഴിയിലൂടെ കൊണ്ടുപോയി. ത​​​െൻറ ഫോണും 10,000 രൂപയും പിടിച്ചു വാങ്ങി. അതിനു ശേഷം അവിടേക്ക്​ 10 പേർ കൂടി വന്നു. താൻ കന്നുകാലികളെ കശാപ്പിന്​ കൊണ്ടുപോവുകയായിരുന്നെന്ന്​ കുറ്റസമ്മതം നടത്തണമെന്ന്​ അവർ നിർബന്ധിച്ചു. അതി​​​െൻറ ദൃശ്യങ്ങൾ പകർത്തുകയും ചെയ്​തു. അതിനു ശേഷം ത​​​െൻറ വലതു കാൽ ഒടിഞ്ഞു തൂങ്ങും വരെ മരക്കഷണം കൊണ്ട്​ മർദിച്ചുവെന്നും സെയ്​ദ്​ പറഞ്ഞു. 

മൃഗങ്ങളെ രക്ഷിച്ച ശേഷം തന്നെയും വാഹനവും കത്തിക്കുമെന്ന്​ ഭീഷണി​െപ്പടുത്തിയതായും സെയ്​ദ്​ പറയുന്നു. ഗാന്ധി നഗറിലെ അദലാജ്​ പൊലീസാണ്​ കേസ്​ രജിസ്​റ്റർ ചെയ്​തത്​. സെയിദിനെതിരെയും പൊലീസ്​ കേസെടുത്തിട്ടുണ്ട്​. കന്നുകാലികളെ അനുമതിയില്ലാതെ കടത്തിയതിനാണ്​ സെയിദിനെതിരെ കേസെടുത്തിട്ടുള്ളത്​.