കശ്​മീരിലെ ദോഡയിൽ ഏറ്റുമുട്ടൽ; ജവാന്​ വീരമൃത്യു, ഭീകരനെ വധിച്ചു

ശ്രീനഗർ: ജമ്മു കശ്​മീരിലെ ദോഡ ജില്ലയിൽ സുരക്ഷസേനയും ഭീകരരും തമ്മിൽ ഏറ്റുമുട്ടലിൽ ജവാന്​ വീരമൃത്യു. ഹിസ്​ബുൽ മുജാഹിദീൻ  ഭീകരനും കൊല്ലപ്പെട്ടതായി പ്രതിരോധ വക്​താവ്​ ലഫ്​. കേണൽ ദേവേന്ദർ ആനന്ദ്​  പറഞ്ഞു. ഏറ്റുമുട്ടൽ തുടരുകയാണ്​. 

ഒരു ഹിസ്​ബ്​ ഭീകരന്​ പരിക്കേറ്റിട്ടുണ്ട്​. കഴിഞ്ഞ ദിവസം വധിച്ച ഹാരൂൺ അബ്ബാസ്​ വാനിയുമായി ബന്ധപ്പെട്ടവരാണിവരെന്ന്​ പൊലീസ്​ വ്യക്തമാക്കി. കഴിഞ്ഞ ദിവസം രാത്രിയാണ്​ ദോഡയിൽ ഓപറേഷൻ തുടങ്ങിയത്​.