'കേന്ദ്രത്തി​​ന്‍റെ വിശ്വസ്തൻ'; മുഖ്യ തെരഞ്ഞെടുപ്പ് കമീഷണറായി ചുമതലയേറ്റ് ഗ്യാ​നേ​ഷ് കു​മാ​ർ

ന്യൂ​ഡ​ൽ​ഹി: കേ​ന്ദ്ര സ​ർ​ക്കാ​റി​​ന്റെ നി​ർ​ണാ​യ​ക ദൗ​ത്യ​ങ്ങ​ളു​ടെ ചു​മ​ത​ല​ക്കാ​ര​നാ​യി​രു​ന്ന ഗ്യാ​നേ​ഷ് കു​മാ​ർ മുഖ്യ തെരഞ്ഞെടുപ്പ് കമീഷണറായി ചുമതലയേറ്റു. രാ​ജീ​വ് കു​മാ​റി​​ന്റെ പി​ൻ​ഗാ​മി​യാ​യി 26ാമ​ത് മു​ഖ്യ തെ​ര​ഞ്ഞെ​ടു​പ്പ് ക​മീ​ഷ​ണ​റാ​യാ​ണ് അ​ദ്ദേ​ഹം അ​ധി​കാ​ര​മേ​ൽ​ക്കു​ന്ന​ത്. 18 വയസ്സ് പൂർത്തിയായ എല്ലാവരും തെരഞ്ഞെടുപ്പ് നടപടിക്രമങ്ങളുടെ ഭാഗമാകണമെന്ന് മുഖ്യതെരഞ്ഞെടുപ്പ് കമീഷണറായി സ്ഥാനമേറ്റ ​ശേഷം അദ്ദേഹം പറഞ്ഞു.

2023ലെ ​നി​യ​മ​മ​നു​സ​രി​ച്ച് രൂ​പ​വ​ത്ക​രി​ച്ച സെ​ല​ക്ഷ​ൻ സ​മി​തി മു​ഖ്യ തെ​ര​ഞ്ഞെ​ടു​പ്പ് ക​മീ​ഷ​ണ​റെ​യും (സി.​ഇ.​സി) തെ​ര​ഞ്ഞെ​ടു​പ്പ് ക​മീ​ഷ​ണ​ർ​മാ​രെ​യും നി​യ​മി​ച്ച​തി​നെ​തി​രാ​യ ഹ​ര​ജി​ക​ൾ സു​പ്രീം​കോ​ട​തി ഇന്ന് പരിഗണിക്കാനിരിക്കെയാണ് ഗ്യാ​നേ​ഷ് കു​മാ​ർ ചുമതലയേറ്റത്.

ആ​ഭ്യ​ന്ത​ര മ​ന്ത്രാ​ല​യ​ത്തി​ൽ സേ​വ​ന​മ​നു​ഷ്ഠി​ക്ക​വെ ജ​മ്മു-ക​ശ്മീ​രി​ന് പ്ര​ത്യേ​ക പ​ദ​വി ന​ൽ​കി​യ ആ​ർ​ട്ടി​ക്കി​ൾ 370 റ​ദ്ദാ​ക്കു​ന്ന​തി​ലും അ​യോ​ധ്യ​യി​ൽ രാ​മ​ക്ഷേ​ത്രം നി​ർ​മി​ക്കു​ന്ന​തി​നു​ള്ള രാ​മ​ക്ഷേ​ത്ര ട്ര​സ്റ്റി​​ന്റെ രൂ​പ​വ​ത്ക​ര​ണ​ത്തി​ലും ഗ്യാ​നേ​ഷ് കു​മാ​ർ നി​ർ​ണാ​യ​ക പ​ങ്കു​വ​ഹി​ച്ചി​രു​ന്നു.

ക​ഴി​ഞ്ഞ വ​ർ​ഷം ജ​നു​വ​രി 31ന് ​സ​ഹ​ക​ര​ണ മ​ന്ത്രാ​ല​യ​ത്തി​ൽ സെ​ക്ര​ട്ട​റി​യാ​യി വി​ര​മി​ച്ച ഗ്യാ​നേ​ഷ് കു​മാ​ർ മാ​ർ​ച്ചി​ലാ​ണ് തെ​ര​ഞ്ഞെ​ടു​പ്പ് ക​മീ​ഷ​ണ​റാ​യി നി​യ​മി​ത​നാ​യ​ത്. ക​മീ​ഷ​ണ​റാ​യ സു​ഖ്ബീ​ർ സി​ങ്ങും ഇ​തേ ദി​വ​സ​മാ​ണ് നി​യ​മി​ത​നാ​യ​ത്. തെ​ര​ഞ്ഞെ​ടു​പ്പ് ക​മീ​ഷ​ണ​ർ​മാ​രെ നി​യ​മി​ക്കു​ന്ന​തി​നു​ള്ള പു​തി​യ നി​യ​മം നി​ല​വി​ൽ വ​ന്ന​ശേ​ഷം ആ​ദ്യ​മാ​യി മു​ഖ്യ തെ​ര​ഞ്ഞെ​ടു​പ്പ് ക​മീ​ഷ​ണ​റാ​യി നി​യ​മി​ത​നാ​കു​ന്ന വ്യ​ക്തി​യാ​ണ് ഗ്യാ​നേ​ഷ് കു​മാ​ർ. 2029 ജ​നു​വ​രി 26 വ​രെ​യാ​ണ് ഗ്യാ​നേ​ഷ് കു​മാ​റി​​ന്റെ കാ​ലാ​വ​ധി.

1988 ബാ​ച്ച് കേ​ര​ള കേ​ഡ​ർ ഐ.​എ.​എ​സ് ഓ​ഫി​സ​റാ​യ ഗ്യാ​നേ​ഷ് കു​മാ​ർ ഐ.​ഐ.​ടി കാ​ൺ​പൂ​രി​ൽ​നി​ന്നാ​ണ് സി​വി​ൽ എ​ൻ​ജി​നീ​യ​റി​ങ്ങി​ൽ ബി.​ടെ​ക് നേ​ടി​യ​ത്. എ​റ​ണാ​കു​ളം അ​സി. ക​ല​ക്ട​ർ, അ​ടൂ​ർ സ​ബ് ക​ല​ക്ട​ർ, പ​ട്ടി​ക​ജാ​തി, പ​ട്ടി​ക വ​ർ​ഗ​ങ്ങ​ൾ​ക്കു​വേ​ണ്ടി​യു​ള്ള കേ​ര​ള സ്റ്റേ​റ്റ് ​ഡെ​വ​ല​പ്മെ​ന്റ് കോ​ർ​പ​റേ​ഷ​ൻ മാ​നേ​ജി​ങ് ഡ​യ​റ​ക്ട​ർ, കൊ​ച്ചി​ൻ കോ​ർ​പ​റേ​ഷ​ൻ ക​മീ​ഷ​ണ​ർ എ​ന്നീ പ​ദ​വി​ക​ളും വ​ഹി​ച്ചു.

കേ​ര​ള സ​ർ​ക്കാ​റി​ൽ സെ​ക്ര​ട്ട​റി​യെ​ന്ന നി​ല​യി​ൽ വി​വി​ധ വ​കു​പ്പു​ക​ളു​ടെ ചു​മ​ത​ല വ​ഹി​ച്ച​ശേ​ഷ​മാ​ണ് കേ​ന്ദ്ര​ത്തി​ലേ​ക്ക് മാ​റി​യ​ത്. പ്ര​തി​രോ​ധ മ​ന്ത്രാ​ല​യ​ത്തി​ൽ ജോ. ​സെ​ക്ര​ട്ട​റി, ആ​ഭ്യ​ന്ത​ര മ​ന്ത്രാ​ല​യ​ത്തി​ൽ ജോ. ​സെ​ക്ര​ട്ട​റി, അ​ഡീ​ഷ​ന​ൽ സെ​ക്ര​ട്ട​റി, പാ​ർ​ല​മെ​ന്റ​റി​കാ​ര്യ മ​ന്ത്രാ​ല​യം, സ​ഹ​ക​ര​ണ മ​ന്ത്രാ​ല​യം എ​ന്നി​വ​യി​ൽ ​സെ​ക്ര​ട്ട​റി എ​ന്നീ ചു​മ​ത​ല​ക​ളും വ​ഹി​ച്ചു.