ഗ്യാൻവാപി കേസ്: ഹൈകോടതിയിൽ അഡ്വ. ജനറലിന്റെ സാന്നിധ്യം ചോദ്യം ചെയ്ത് മുസ്‍ലിം പക്ഷം

പ്ര​യാ​ഗ് രാ​ജ്: ഗ്യാ​ൻ​വാ​പി മ​സ്ജി​ദി​ന്റെ നി​ല​വ​റ​യി​ൽ പൂ​ജ അ​നു​വ​ദി​ച്ച വാ​രാ​ണ​സി ജി​ല്ല കോ​ട​തി വി​ധി​ക്കെ​തി​രെ മ​സ്ജി​ദ് ക​മ്മി​റ്റി​യു​ടെ ഹ​ര​ജി​യി​ൽ ​ഹൈ​കോ​ട​തി​യി​ൽ വാ​ദം തു​ട​രു​ന്ന​തി​നി​ടെ കോ​ട​തി​മു​റി​യി​ൽ അ​ഡ്വ. ജ​ന​റ​ലി​ന്റെ (എ.​ജി) സാ​ന്നി​ധ്യം ചോ​ദ്യം​ചെ​യ്ത് മു​സ്‍ലിം പ​ക്ഷം. സം​സ്ഥാ​ന സ​ർ​ക്കാ​ർ കേ​സി​ൽ ക​ക്ഷി​യ​ല്ലാ​തി​രി​ക്കെ, എ.​ജി കോ​ട​തി​മു​റി​യി​ലെ​ത്തി​യ​തെ​ന്തി​നാ​ണെ​ന്നും സ​ർ​ക്കാ​റും ഹി​ന്ദു​പ​ക്ഷ​വും ത​മ്മി​ൽ അ​വി​ശു​ദ്ധ ബ​ന്ധ​മു​ണ്ടോ​യെ​ന്നും മു​സ്‍ലിം പ​ക്ഷ​ത്തി​നാ​യി ഹാ​ജ​രാ​യ മു​തി​ർ​ന്ന അ​ഭി​ഭാ​ഷ​ക​ൻ എ​സ്.​എ​ഫ്.​എ ന​ഖ്‍വി ചോ​ദി​ച്ചു.

എ​ന്നാ​ൽ, അ​ദ്ദേ​ഹം അ​ഭി​ഭാ​ഷ​ക​നെ സ​ഹാ​യി​ക്കാ​നെ​ത്തി​യ​താ​ണെ​ന്നാ​യി​രു​ന്നു ജ​സ്റ്റി​സ് രോ​ഹി​ത് ര​ഞ്ജ​ൻ അ​ഗ​ർ​വാ​ളി​ന്റെ മ​റു​പ​ടി. കേ​സി​ൽ സം​സ്ഥാ​ന സ​ർ​ക്കാ​റി​നെ ക​ക്ഷി ​ചേ​ർ​ക്കേ​ണ്ട​തു​ണ്ടോ​യെ​ന്ന് നേ​ര​ത്തെ എ.​ജി​യോ​ട് ജ​ഡ്ജി ചോ​ദി​ച്ചി​രു​ന്നു. തീ​രു​മാ​ന​മെ​ടു​ക്കാ​ൻ സ​മ​യം വേ​ണ​മെ​ന്ന് അ​ദ്ദേ​ഹം മ​റു​പ​ടി ന​ൽ​കി. 1993ൽ ​മു​ലാ​യം സ​ർ​ക്കാ​ർ നി​ർ​ത്ത​ലാ​ക്കും​വ​രെ മ​സ്ജി​ദി​ന്റെ നി​ല​വ​റ​യി​ൽ സോം​നാ​ത് വ്യാ​സും കു​ടും​ബ​വും പൂ​ജ ന​ട​ത്തി​യി​രു​ന്നു​വെ​ന്ന് ഹി​ന്ദു​പ​ക്ഷ​ത്തി​നു​വേ​ണ്ടി ഹാ​ജ​രാ​യ ഹ​രി​ശ​ങ്ക​ർ ജെ​യി​ൻ വാ​ദി​ച്ചു.

എ​ന്നാ​ൽ, ഇ​തി​നെ ഖ​ണ്ഡി​ച്ച ന​ഖ്‍വി, മ​സ്ജി​ദ് കെ​ട്ടി​ടം എ​ല്ലാ​യ്പ്പോ​ഴും മു​സ്‍ലിം​ക​ളു​ടെ കീ​ഴി​ലാ​യി​രു​ന്നു​വെ​ന്ന് ചൂ​ണ്ടി​ക്കാ​ട്ടി. ഗ്യാ​ൻ​വാ​പി​യു​ടെ മ​ത​പ​ര​മാ​യ സ്വ​ഭാ​വം സം​ബ​ന്ധി​ച്ച സി​വി​ൽ ത​ർ​ക്കം 1942ലെ ​ദീ​ൻ മു​ഹ​മ്മ​ദ് കേ​സി​ൽ അ​ല​ഹ​ബാ​ദ് ഹൈ​കോ​ട​തി വി​ധി​യി​ലൂ​ടെ വ്യ​ക്ത​മാ​യ​താ​ണെ​ന്നും മു​സ്‍ലിം​ക​ൾ​ക്ക് അ​നു​കൂ​ല​മാ​യി​രു​ന്നു​വെ​ന്നും അ​ദ്ദേ​ഹം പ​റ​ഞ്ഞു. എ​ന്നാ​ൽ, ദീ​ൻ മു​ഹ​മ്മ​ദ് കേ​സി​ൽ ന​മ​സ്കാ​ര​ത്തി​നു​ള്ള അ​വ​കാ​ശം മാ​ത്ര​മാ​ണ് മു​സ്‍ലിം​ക​ൾ​ക്ക് ന​ൽ​കി​യ​തെ​ന്നും വ്യാ​സ് കു​ടും​ബ​ത്തി​ന്റെ പൂ​ജ​ക്കു​ള്ള അ​വ​കാ​ശ​വാ​ദം ത​ള്ളി​ക്ക​ള​യാ​നാ​കി​ല്ലെ​ന്നും ജ​ഡ്ജി അ​ഭി​പ്രാ​യ​പ്പെ​ട്ടു. ഹി​ന്ദു വി​ഭാ​ഗ​ത്തി​ന് നി​ല​വ​റ​യു​ടെ അ​വ​കാ​ശം ന​ൽ​കി​യി​ട്ടി​ല്ലെ​ന്നും പ​ള്ളി​യു​ടെ സ്റ്റോ​ർ റൂ​മാ​യാ​ണ് അ​ത് ഉ​പ​യോ​ഗി​ച്ചു​വ​ന്നി​രു​ന്ന​തെ​ന്നും ന​ഖ്‍വി ചൂ​ണ്ടി​ക്കാ​ട്ടി.

ഇ​രു​പ​ക്ഷ​വും അ​വ​കാ​ശ​വാ​ദം തെ​ളി​യി​ക്കാ​ൻ കൂ​ടു​ത​ൽ രേ​ഖ​ക​ൾ ഹാ​ജ​രാ​ക്ക​ണ​മെ​ന്നാ​വ​​ശ്യ​പ്പെ​ട്ട് തു​ട​ർ​വാ​ദം ഹൈ​കോ​ട​തി ഫെ​ബ്രു​വ​രി 12ലേ​ക്ക് മാ​റ്റി.