ബി.ജെ.പി വ്യാജ ലൈംഗിക സി.ഡി  പുറത്തിറക്കാൻ സാധ്യതയുണ്ടെന്ന്​ ഹാർദിക്

ന്യൂഡൽഹി: തന്നെ അപമാനിക്കാൻ ബി.ജെ.പി വ്യാജ​ ലൈംഗിക സി.ഡി പുറത്തിറക്കാൻ സാധ്യതയുണ്ടെന്ന ആരോപണവുമായി പാട്ടീദാർ നേതാവ്​ ഹാർദിക്​ പ​േട്ടൽ. തനിക്കെതിരെ ബി.ജെ.പി ലൈംഗിക സി.ഡി തയാറാക്കുകയാണ്​. തെരഞ്ഞെടുപ്പിന്​ മുമ്പ്​  അത്​ പുറത്തിറക്കാനാണ്​ ബി.ജെ.പിയുടെ പദ്ധതിയെന്നും ഹാർദിക്​ പറഞ്ഞു.

​കേടുവന്ന വോട്ടിങ്​ യന്ത്രങ്ങളാണ്​ ഗുജറാത്ത്​ തെരഞ്ഞെടുപ്പിൽ ഉപയോഗിക്കുന്നതെന്നും ഹാർദിക്​ ആരോപിച്ചു. ​ തെരഞ്ഞെടുപ്പിനായി കൊണ്ടുവന്ന 3,550 വോട്ടിങ്​ യന്ത്രങ്ങൾ പരിശോധനകളിൽ പരജായപ്പെട്ടന്നും അദ്ദേഹം​ പറഞ്ഞു.അതേ സമയം,  ഹാർദിക്​ പ​േട്ടലി​​െൻറ ആരോപണങ്ങൾ നിഷേധിച്ച്​ ബി.ജെ.പി സംസ്ഥാന പ്രസിഡൻറ്​ ജിതു വാഹാനി രംഗത്തെത്തി.

നേരത്തെ ഗുജറാത്ത്​ തെരഞ്ഞെടുപ്പിൽ കോൺഗ്രസിനെ പിന്തുണ​ക്കുമെന്ന്​ പാട്ടീദാർ നേതാവ്​ വ്യക്​തമാക്കിയിരുന്നു. ബി.ജെ.പിയെ അധികാരത്തിൽ നിന്ന്​ മാറ്റി നിർത്തുക എന്നതാണ്​ തങ്ങളുടെ മുഖ്യലക്ഷ്യമെന്നും അദ്ദേഹം പറഞ്ഞിരുന്നു.