ഹരിദ്വാർ വിദ്വേഷ പ്രസംഗം; പ്രതിഷേധം കനക്കുന്നു

ന്യൂഡൽഹി: ഹ​​രി​​ദ്വാ​​റി​​ലെ ധ​​ര്‍മ സ​​ന്‍സ​​ദ് സ​​ന്യാ​​സി സ​​മ്മേ​​ള​​ന​​ത്തി​​ൽ വി​ദ്വേ​ഷ പ്ര​സം​ഗം ന​ട​ത്തി​യ​വ​​ർ​ക്കെ​തി​രെ ക​ർ​ശ​ന ന​ട​പ​ടി​ വേ​ണ​മെ​ന്ന്​ ആവ​ശ്യപ്പെട്ട്​ രാജ്യത്തൊട്ടാകെ പ്രതിഷേധം കനക്കുന്നു. പ്ര​സം​ഗ​ങ്ങ​ൾ​ക്കെ​തി​രെ വിവിധ രാഷ്​​ട്രീയ നേതാക്കളും മുൻ സൈനിക മേധാവികളുമടക്കം നിരവധി പേർ രംഗത്തെത്തി.

ന​മ്മു​ടെ ജ​വാ​ൻ​മാ​ർ ര​ണ്ട്​ വ​ശ​ങ്ങ​ളി​ലും ശ​ത്രു​ക്ക​ളു​മാ​യി മു​ഖാ​മു​ഖം നി​ൽ​ക്കു​ന്ന ഈ ​ഘ​ട്ട​ത്തി​ൽ സ​മു​ദാ​യ​ങ്ങ​ൾ ത​മ്മി​ൽ ര​ക്​​ത​ച്ചൊ​രി​ച്ചി​ലും അ​തു​വ​ഴി അ​ന്താ​രാ​ഷ്ട്ര സ​മൂ​ഹ​ത്തി​ന്​ മു​ന്നി​ൽ മു​ഖം​ നഷ്ടപെട​േണാ​യെ​ന്ന്​ റി​ട്ട. അ​ഡ്​​മി​റ​ൽ അ​രു​ൺ പ്ര​കാ​ശ്​ ചോ​ദി​ച്ചു. ഇ​തേ അ​ഭി​പ്രാ​യ​വു​മാ​യി കാ​ർ​ഗി​ൽ യു​ദ്ധ​കാ​ല​ത്തെ സൈ​നി​ക മേ​ധാ​വി​യാ​യി​രു​ന്ന റി​ട്ട. ജ​ന​റ​ൽ പ്ര​കാ​ശ്​ മാ​ലി​കും രം​ഗ​ത്തു​വ​ന്നു. വി​ദ്വേ​ഷ പ്ര​സം​ഗം ന​ട​ത്തി​യ​വ​​ർ​ക്കെ​തി​രെ ക​ർ​ശ​ന ന​ട​പ​ടി​ വേ​ണ​മെ​ന്ന്​ കോ​ൺ​ഗ്ര​സ് ജ​ന​റ​ൽ സെ​ക്ര​ട്ട​റി​ പ്രി​യ​ങ്ക ഗാ​ന്ധിയും ആവശ്യപ്പെട്ടു.

ഒ​രു സ​മു​ദാ​യ​ത്തി​നു​നേ​രെ ആ​​യു​​ധ​​മെ​​ടു​​ക്കാ​​ൻ ആ​​ഹ്വാ​​നം ചെ​യ്യു​ന്ന പ്ര​സം​ഗം ഭ​ര​ണ​ഘ​ട​ന​യു​ടെ​യും നി​യ​മ​ത്തി‍െൻറ​യും ലം​ഘ​ന​മാ​ണ്. മു​ൻ പ്ര​ധാ​ന​മ​ന്ത്രി​യെ കൊ​ല​പ്പെ​ടു​ത്താ​നും വി​വി​ധ സ​മു​ദാ​യ​ങ്ങ​ളി​ൽ​പ്പെ​ട്ട ആ​ളു​ക​ൾ​ക്കെ​തി​രെ അ​ക്ര​മം അ​ഴി​ച്ചു​വി​ടാ​നും പ​ര​സ്യ​മാ​യി ആ​ഹ്വാ​നം ചെ​യ്യു​ന്ന​വ​ർ ര​ക്ഷ​പ്പെ​ടു​ന്ന​ത് നി​ന്ദ്യ​മാ​ണെ​ന്നും പ്രി​യ​ങ്ക ട്വീ​റ്റ് ചെ​യ്തു. ഹിം​സ​യും വെ​റു​പ്പു​മാ​ണ്​ ഹി​ന്ദു​ത്വ​വാ​ദി​ക​ൾ എ​പ്പോ​ഴും പ​ര​ത്തി​യ​തെ​ന്നും എ​ല്ലാ സ​മു​ദാ​യ​ങ്ങ​ളും അ​തി‍െൻറ പേ​രി​ൽ അ​നു​ഭ​വി​ക്കേ​ണ്ടി​വ​രു​ക​യാ​ണെ​ന്നും കോ​ൺ​​ഗ്ര​സ്​ നേ​താ​വ്​ രാ​ഹു​ൽ ഗാ​ന്ധി പറഞ്ഞു.

ഹിം​സ​ക്ക്​ എ​തി​രാ​യ ഇ​ന്ത്യ​യി​ൽ ഇ​ത്​ ഇ​നി​യും സം​ഭ​വി​ക്ക​രു​തെ​ന്നും അ​ദ്ദേ​ഹം പ​റ​ഞ്ഞു. ശ​ക്​​ത​മാ​യ നി​യ​മ​ന​ട​പ​ടി സ്വീ​ക​രി​ക്ക​ണ​മെ​ന്ന്​ സി.​പി.​എം പോ​ളി​റ്റ്ബ്യൂ​റോയും ആ​വ​ശ്യ​പ്പെ​ട്ടു. മു​ൻ പ്ര​ധാ​ന​മ​ന്ത്രി മ​ൻ​മോ​ഹ​ൻ സി​ങ്ങി​നെ​തി​രാ​യ​ത​ട​ക്ക​മു​ള്ള തീ​വ്ര​വാ​ദ പ്ര​വ​ർ​ത്ത​ന​ങ്ങ​ളെ പി​ന്തു​ണ​ക്കു​ന്ന പ്ര​സം​ഗ​ങ്ങ​ളാ​ണ് പുറത്തുവന്ന​ത്. ബി.​ജെ.​പി സ​ർ​ക്കാ​റി​െൻറ സം​ര​ക്ഷ​ണ​മു​ള്ള​തു​കൊ​ണ്ടാ​ണ് മൂ​ന്നു ദി​വ​സം വി​ദ്വേ​ഷ​പ്ര​സം​ഗ​ങ്ങ​ൾ അ​വി​ടെ തു​ട​രാ​ൻ സാ​ധി​ച്ച​ത്. വി​ഡി​യോ പു​റ​ത്തു​വ​ന്നി​ട്ടും ആ​ളു​ക​ളു​ടെ പേ​രു​ക​ൾ പോ​ലു​മി​ല്ലാ​തെ എ​ഫ്.​ഐ.​ആ​ർ ര​ജി​സ്​​റ്റ​ർ ചെ​യ്ത​ത് ല​ജ്ജാ​ക​ര​വും രാ​ജ്യ​ത്തെ നി​യ​മ​വ്യ​വ​സ്ഥ​യെ പ​രി​ഹ​സി​ക്കു​ന്ന​തു​മാ​ണ്.

എ​ഫ്.​ഐ.​ആ​റി​ൽ കു​റ്റം ചെ​യ്ത​വ​രു​ടെ പേ​രു​ക​ൾ ഉ​ൾ​പ്പെ​ടു​ത്ത​ണ​മെ​ന്നും വി​ദ്വേ​ഷ​പ്ര​സം​ഗം ന​ട​ത്തി​യ​വ​രെ​യും ആ​ക്ര​മ​ണ​ത്തി​ന് പ്രേ​ര​ണ ന​ൽ​കി​യ​വ​രെ​യും ഉ​ട​ൻ അ​റ​സ്​​റ്റ്​ ചെ​യ്യ​ണ​മെ​ന്നും പ്ര​സ്​​താ​വ​ന​യി​ൽ ആ​വ​ശ്യ​പ്പെ​ട്ടു.

കേസെടുത്തു; യു.എ.പി.എ ചുമത്താനാവില്ലെന്ന്​ പൊലീസ്​

ന്യൂ​ഡ​ൽ​ഹി: മു​സ്​​ലിം വം​ശ​ഹ​ത്യ​ക്ക്​ ആ​ഹ്വാ​നം ചെ​യ്ത്​ തീ​​വ്ര ഹി​ന്ദു​ത്വ ശ​ക്തി​ക​ൾ സം​ഘ​ടി​പ്പി​ച്ച പ​രി​പാ​ടി വി​വാ​ദ​മാ​യ​തോ​ടെ കേ​സെ​ടു​ത്ത്​ പൊ​ലീ​സ്. അതേസമയം, യു.​എ.​പി.​എ ചു​മ​ത്താ​നാ​വി​ല്ലെ​ന്ന്​ സം​സ്ഥാ​ന ഡി.​ജി.​പി അ​ശോ​ക് കു​മാ​ര്‍ പ​റ​ഞ്ഞു. ​േകസിൽ ഇതുവരെ ആരെയും അറസ്റ്റ്​ ചെയ്തിട്ടില്ല.​ അടു​ത്തി​ടെ ഹി​ന്ദു​മ​ത​ത്തി​ലേ​ക്ക്​ പ​രി​വ​ർ​ത്ത​നം ന​ട​ത്തി​യ വ​സീം റി​സ്​​വി എ​ന്ന ജി​തേ​ന്ദ​ർ നാ​രാ​യ​ൺ ത്യാ​ഗി​ക്കും പേ​രു പ​രാ​മ​ർ​ശി​ക്കാ​ത്ത ചി​ല​ർ​ക്കു​മെ​തി​രെ​യാ​ണ്​ 153 എ ​വ​കു​പ്പു പ്ര​കാ​രം കേ​സ്​ എ​ടു​ത്ത​ത്. ര​ണ്ടു വി​ഭാ​ഗ​ങ്ങ​ള്‍ ത​മ്മി​ല്‍ ശ​ത്രു​ത​യു​ണ്ടാ​ക്കു​ന്ന​തു​മാ​യി ബ​ന്ധ​പ്പെ​ട്ട 153 എ ​വ​കു​പ്പ് ചു​മ​ത്തി​യി​ട്ടു​ണ്ടെ​ന്നും സം​ഭ​വ​ത്തെ​ത്തു​ട​ര്‍ന്ന് അ​ക്ര​മ​മോ കൊ​ല​പാ​ത​ക​​മോ ന​ട​ക്കാ​ത്ത​തി​നാ​ൽ യു.​എ.​പി.​എ വ​കു​പ്പു​ക​ള്‍ ചു​മ​ത്താ​നാ​വി​ല്ലെ​ന്നും ഡി.​ജി.​പി പ​റ​ഞ്ഞു. വാ​ളു​ക​ളും ത്രി​ശൂ​ല​ങ്ങ​ളും ച​ട​ങ്ങി​ല്‍ പ്ര​ദ​ര്‍ശി​പ്പി​ച്ച​ത് പാ​ര​മ്പ​ര്യ​രീ​തി​യാ​ണെ​ന്നും അ​വി​ടെ ആ​യു​ധ​സം​ഭ​ര​ണം ന​ട​ന്നി​ട്ടി​ല്ലെ​ന്നു​മാ​ണ്​ പൊ​ലീ​സ്​ വി​ശ​ദീ​ക​ര​ണം. തൃ​ണ​മൂ​ൽ നേ​താ​വ്​ സാ​കേ​ത്​ ഗോ​ഖ​ലെ ന​ൽ​കി​യ പ​രാ​തി പ്ര​കാ​ര​മാ​ണ്​ ന​ട​പ​ടി.