ഹോളി ആഘോഷത്തിനിടെ രാസവസ്​തുക്കളടങ്ങിയ നിറങ്ങൾ മുഖത്തെറിഞ്ഞതായി ബി.ജെ.പി എം.പിയുടെ പരാതി

കൊൽക്കത്ത: ഹോളി ആഘോഷത്തിനിടെ രാസവസ്​തുക്കളടങ്ങിയ നിറങ്ങൾ മുഖത്തെറിഞ്ഞതായി ബി.ജെ.പി എം.പിയുടെ പരാതി. ഹൂഗ്ലി എം.പിയായ ലോക്കറ്റ്​ ചാറ്റർജിയാണ്​ പരാതിയുമായെത്തിയത്​. ബംഗാളിൽ ആദ്യഘട്ട വോ​ട്ടെടുപ്പ്​ പുരോഗമിക്കുന്നതനിടെയാണ്​ സംഭവം.

തുണി ഉപയോഗിച്ച്​ കണ്ണ്​ മറച്ചിരിക്കുന്ന ലോക്കറ്റ്​ ചാറ്റർജിയുടെ ചിത്രങ്ങൾ പുറത്തുവന്നു. കൊഡാലിയയിൽ പ്രചാരണം പുരോഗമിക്കുന്നതിനിടെ വഴിയിൽ സ്​ത്രീകൾ ഹോളി ആഘോഷിക്കുന്നുണ്ടായിരുന്നു. കുട്ടികളും സ്​ത്രീകളും പാട്ട്​ പാടുകയും നൃത്തം ചെയ്യുകയുമായിരുന്നു. അവർ ഹോളി ആഘോഷിക്കാൻ ക്ഷണിച്ച​േപ്പാൾ കൊറോണയായതിനാൽ ആവശ്യം നിരസിച്ചു. പകരം നിറങ്ങൾ ദേഹത്തെറിഞ്ഞോളാൻ സ്​ത്രീകളോട്​ പറഞ്ഞു. എന്നാൽ അവിടെയുണ്ടായിരുന്ന രണ്ടു​പുരുഷൻമാർ മുന്നോട്ടുവരികയും തീർച്ചയായും നിറങ്ങൾ വിതറാമെന്ന്​ പറയുകയുമായിരുന്നു. അവർ സ്​ത്രീകളുടെ സംഘത്തിൽപ്പെട്ടവരാണെന്നാണ്​ കരുതിയിരുന്നതെന്നും ലോക്കറ്റ്​ ചാറ്റർജി പറഞ്ഞു.

നിമിഷങ്ങൾക്കകം പുരുഷൻമാർ നിറങ്ങളുമായി വരികയും മുഖത്തേക്ക്​ എറിയുകയുമായിരുന്നു. കണ്ണട വെച്ചിരുന്നതിനാൽ കണ്ണിന്​ ഒന്നും പറ്റിയില്ലെന്നും എന്നാൽ കണ്ണിന്‍റെ വശങ്ങളിൽ പൊള്ളൽ അനുഭവ​െപ്പടുന്നുണ്ടെന്നും അവർ പറഞ്ഞു.

ആരാണ്​ തന്‍റെ കണ്ണിലേക്ക്​ നിറങ്ങളെറിഞ്ഞതെന്ന്​ നോക്കിയപ്പോൾ തൃണമൂൽ ബാഡ്​ജ്​ ധരിച്ച്​ മൂന്നുനാലുപേർ അൽപ്പം അകലെ നിൽക്കുന്നുണ്ടായിരുന്നുവെന്നും അവരിൽ ഒരാളാണ്​ രാസവസ്​തുക്കൾ അടങ്ങിയ നിറങ്ങൾ മുഖത്തേക്ക്​ എറിഞ്ഞതെന്നും അവർ ആരോപിച്ചു.

ലോക്കറ്റ്​ ചാറ്റർജിയെ തൃണമൂൽ കോൺഗ്രസ്​ ഗുണ്ടകൾ ആക്രമിച്ചുവെന്ന്​ കാട്ടി ബി.ജെ.പി ബംഗാൾ ഘടകം എം.പിയുടെ വിഡിയോയും പങ്കുവെച്ചു. ​തൃണമൂൽനേതാവ്​ ജി.പി. പ്രധാൻ ബിദ്യുത്​ ബിശ്വാസിന്‍റെ നേതൃത്വത്തിലാണ്​ ആക്രമണമെന്നും പരാജയ​ ഭീതിയെ തുടർന്നാണിതെന്നും ബി.ജെ.പി പറഞ്ഞു. ​