ഡൽഹിയിൽ നിന്ന്​ വരുന്നവർ ​െകാറോണ വാഹകർ; അവർക്ക്​ പാസ്​ നൽകരുത്​ -ഹരിയാന

ന്യൂഡൽഹി: ഡൽഹിയിൽ ജോലി ചെയ്​ത്​ ഹരിയാനയിൽ താമസിക്കാൻ വരുന്നവർ അധികവും കൊറോണ വാഹകരാ​െണന്ന്​ ഹരിയാന ആഭ്യന് തരമന്ത്രി അനിൽ വിജ്. അത്തരക്കാർക്ക് അവിടെത്തന്നെ താമസിക്കാൻ സംവിധാനം ഏർപ്പെടുത്തണമെന്നും ഹരിയാനയിലേക്ക്​ വ രാൻ പാസ്​ നൽകരുതെന്നും അദ്ദേഹം ഡൽഹി സർക്കാരിനോട് ആവശ്യപ്പെട്ടു.

തലസ്​ഥാന നഗരിയുടെ ഭാഗമായ ഹരിയാനയിലെ ജില്ലകളായ സോണിപത്, ഗുഡ്ഗാവ്, ഫരീദാബാദ് എന്നിവിടങ്ങളിൽ രോഗം കണ്ടെത്തിയ പലർക്കും ഡൽഹിയിൽനിന്നാണ്​ വൈറസ്​ ബാധിച്ചതെന്ന്​ മന്ത്രി പറഞ്ഞു. ഡൽഹിയിൽ ജോലി ചെയ്യുന്നവർ ദിവസേന ഹരിയാനയിലെ വീടുകളിലേക്ക് പോകുന്നതായും ഇവർ “കൊറോണ കാരിയറുകൾ” ആണെന്നും മന്ത്രി ആരോപിച്ചു.

ഇത്തരം യാത്ര തടയ​ണമെന്നാവശ്യപ്പെട്ട്​ ഹരിയാന ചീഫ് സെക്രട്ടറി കെഷ്നി ആനന്ദ് അറോറ ഞായറാഴ്ച ഡൽഹി സർക്കാറിന്​ കത്തുനൽകി.

ഞായറാഴ്ച ഒൻപത് പേർക്ക് കൂടി രോഗം സ്​ഥിരീകരിച്ചതോടെ ഹരിയാനയിൽ കൊറോണ ബാധിതരുടെ എണ്ണം 296 ആയതായി സംസ്ഥാന ആരോഗ്യ വകുപ്പ് അറിയിച്ചു. നുഹ് ജില്ലയിൽ 57, ഗുഡ്ഗാവ് (51), ഫരീദാബാദ് (45), പൽവാൾ (34), സോണിപത് (20), പഞ്ചകുല (18) എന്നിവയാണ് ഹരിയാനയിൽ ഏറ്റവും കൂടുതൽ ബാധിക്കപ്പെട്ട ജില്ലകൾ.