ഹരിയാന തപാൽ വോട്ട്: കോ​ൺഗ്രസിന് ലഭിച്ചത് ബി.ജെ.പിയെക്കാൾ ഇരട്ടി

ന്യൂ​ഡ​ൽ​ഹി: ഹ​രി​യാ​ന നി​യ​മ​സ​ഭ തെ​ര​ഞ്ഞെ​ടു​പ്പി​ൽ ത​പാ​ൽ വോ​ട്ടി​ൽ കോ​ൺ​ഗ്ര​സ് ഭൂ​രി​ഭാ​ഗം മ​ണ്ഡ​ല​ങ്ങ​ളി​ലും ബി.​ജെ.​പി​യെ​ക്കാ​ൾ ബ​ഹു​ദൂ​രം മു​ന്നി​ൽ. ആ​കെ പോ​ൾ ചെ​യ്ത 80,105 ത​പാ​ൽ ബാ​ല​റ്റു​ക​ളി​ൽ 41,417 എ​ണ്ണം കോ​ൺ​ഗ്ര​സി​ന് ല​ഭി​ച്ച​പ്പോ​ൾ ബി.​ജെ.​പി​ക്ക് കി​ട്ടി​യ​ത് 27,952 വോ​ട്ടു​ക​ളാ​ണെ​ന്ന് തെ​ര​ഞ്ഞെ​ടു​പ്പ് ക​മീ​ഷ​ന്റെ ക​ണ​ക്കു​ക​ൾ വ്യ​ക്ത​മാ​ക്കു​ന്നു. 90 സീ​റ്റു​ക​ളി​ൽ 74-ലും ​ബി.​ജെ.​പി സ്ഥാ​ർ​ഥി​ക​ളെ​ക്കാ​ൾ കൂ​ടു​ത​ൽ പോ​സ്‌​റ്റ​ൽ ബാ​ല​റ്റു​ക​ൾ കോ​ൺ​ഗ്ര​സ് സ്ഥാ​നാ​ർ​ഥി​ക​ൾ​ക്ക് നേ​ടാ​നാ​യി.

ബി.​ജെ.​പി ജ​യി​ച്ച 34 മ​ണ്ഡ​ല​ങ്ങ​ളി​ൽ കോ​ൺ​ഗ്ര​സ് സ്ഥാ​നാ​ർ​ഥി​ക​ൾ​ക്ക് ല​ഭി​ച്ച ത​പാ​ൽ വോ​ട്ടു​ക​ൾ 50 ശ​ത​മാ​ന​ത്തി​ന് മു​ക​ളി​ലാ​ണ്. ഈ ​സീ​റ്റു​ക​ളി​ൽ 35 ശ​ത​മാ​ന​ത്തി​ൽ താ​ഴെ​യാ​ണ് ബി.​ജെ.​പി സ്ഥാ​നാ​ർ​ഥി​ക​ൾ​ക്ക് ല​ഭി​ച്ച​ത്. ത​പാ​ൽ ബാ​ല​റ്റു​ക​ളും ഇ​ല​ക്‌​ട്രോ​ണി​ക് വോ​ട്ടി​ങ് യ​ന്ത്ര​ത്തി​ൽ (ഇ.​വി.​എം) രേ​ഖ​പ്പെ​ടു​ത്തി​യ വോ​ട്ടു​ക​ളും ക​ണ​ക്കി​ലെ​ടു​ത്താ​ൽ കോ​ൺ​ഗ്ര​സി​ന് 39.09 ശ​ത​മാ​ന​വും ബി.​ജെ.​പി​ക്ക് 39.94 ശ​ത​മാ​ന​വു​മാ​ണ് ല​ഭി​ച്ച​ത്. ത​പാ​ൽ വോ​ട്ടി​ലെ വ​ലി​യ അ​ന്ത​രം ചൂ​ണ്ടി​ക്കാ​ട്ടി​യാ​ണ് ഇ.​വി.​എ​മ്മു​ക​ളി​ൽ കൃ​ത്രി​മം കാ​ണി​ച്ചി​ല്ലെ​ങ്കി​ൽ പാ​ർ​ട്ടി ജ​യി​ക്കു​മാ​യി​രു​ന്നു​​വെ​ന്ന് പ്ര​ധാ​ന​മാ​യും കോ​ൺ​ഗ്ര​സ് പ​റ​യു​ന്ന​ത്.

എ​ന്നാ​ൽ, പ​ഴ​യ പെ​ൻ​ഷ​ൻ സം​വി​ധാ​നം പു​നഃ​സ്ഥാ​പി​ക്കു​മെ​ന്ന വാ​ഗ്ദാ​ന​മാ​ണ് ത​പാ​ൽ വോ​ട്ടി​നെ സ്വാ​ധീ​നി​ച്ച​തെ​ന്ന വി​ല​യി​രു​ത്ത​ലു​മു​ണ്ട്.

2023ലെ ​മ​ധ്യ​പ്ര​ദേ​ശ് നി​യ​മ​സ​ഭ തെ​ര​ഞ്ഞെ​ടു​പ്പി​ൽ 230 സീ​റ്റു​ക​ളി​ൽ 163ൽ ​ബി.​ജെ.​പി വി​ജ​യി​ച്ച​പ്പോ​ൾ 57 ശ​ത​മാ​നം ത​പാ​ൽ ബാ​ല​റ്റു​ക​ളും കോ​ൺ​ഗ്ര​സ് നേ​ടി​യി​രു​ന്നു.