ഈ വേദന താങ്ങാനുള്ള ശക്തി ദൈവം തരട്ടെ -ആൾദൈവം ഭോലെ ബാബ

ലഖ്നോ: ഉ​ത്ത​ർ​പ്ര​ദേ​ശി​ലെ ഹാഥറസിൽ പ്രാ​ർ​ഥ​നാ യോ​ഗ​ത്തി​നി​ടെ തി​ക്കി​ലും തി​ര​ക്കി​ലും പെ​ട്ട് 121 പേ​രു​ടെ മ​ര​ണ​ത്തി​നി​ട​യാ​ക്കി​യ സം​ഭ​വ​ത്തി​ൽ ദുഃഖം രേഖപ്പെടുത്തി സ്വയം പ്രഖ്യാപിത ആൾദൈവമായ ഭോലെ ബാബ. തിക്കിലും തിരക്കിലുംപെട്ട് താൻ വിഷാദത്തിലായിരുന്നെന്നും ജുഡീഷ്യറിയിൽ വിശ്വസിക്കാൻ ദുരിതബാധിതരായ കുടുംബങ്ങളോട് അഭ്യർത്ഥിച്ചിട്ടുണ്ടെന്നും സ്വയം പ്രഖ്യാപിത ആൾദൈവമായ 'ഭോലെ ബാബ' എന്ന നാ​രാ​യ​ൺ സ​ക​ർ വി​ശ്വ​ഹ​രി ഭോ​ലെ ബാ​ബ പറഞ്ഞു. 121 പേരുടെ മരണത്തിനിടയാക്കിയ സംഭവത്തിൽ മുഖ്യപ്രതി ദേവ് പ്രകാശ് മധുകർ ന്യൂഡൽഹിയിൽ പൊലീസിന് കീഴടങ്ങി മണിക്കൂറുകൾക്ക് ശേഷമാണ് ഭോലെ ബാബയുടെ പ്രസ്താവന വരുന്നത്. ഭോ​ലെ ബാ​ബ ഒ​ളി​വി​ലാ​ണെ​ന്നും ഇ​യാ​ളെ ക​ണ്ടെ​ത്താ​ൻ അ​ന്വേ​ഷ​ണം ഊ​ർ​ജി​ത​മാ​ക്കി​യ​താ​യും ആ​ഗ്ര അ​ഡീ​ഷ​ന​ൽ ഡി​ജി​പി അ​നു​പം കു​ല​ശ്രേ​ഷ്ഠ പ​റ​ഞ്ഞു.

'ദൈവം ഞങ്ങൾക്ക് ഈ വേദന താങ്ങാനുള്ള ശക്തി നൽകട്ടെ. ദയവായി സർക്കാരിലും ഭരണത്തിലും വിശ്വസിക്കുക. അരാജകത്വം സൃഷ്ടിച്ച ആരെയും വെറുതെ വിടില്ലെന്ന് എനിക്ക് വിശ്വാസമുണ്ട്. മരിച്ചുപോയവർക്കും അവരുടെ കുടുംബങ്ങൾക്കും പരിക്കേറ്റവർക്കും ഒപ്പമാണ് ഞാൻ. അവരോടൊപ്പം നിൽക്കാനും അവരുടെ ജീവിതത്തിലുടനീളം അവരെ സഹായിക്കാനും എന്‍റെ അഭിഭാഷകൻ എ.പി. സിംഗ് മുഖേന, ഞാൻ കമ്മിറ്റി അംഗങ്ങളോട് അഭ്യർത്ഥിച്ചിട്ടുണ്ട്'. ഭോലെ ബാബ പറഞ്ഞു. മാധ്യമങ്ങളെ സത്സംഗത്തിൽ നിന്ന് എപ്പോഴും അകറ്റിനിർത്തുന്ന ‘ബാബ’ വ്യക്തിപരമായ വിവരങ്ങളൊന്നും പങ്കുവെക്കാറില്ല. സംസ്ഥാന ഭരണകൂടവുമായും പൊലീസുമായും സഹകരിക്കാൻ ഭോലെ ബാബ തയ്യാറാണെന്നും മുഴുവൻ വിഷയത്തിലും അന്വേഷണം ആവശ്യപ്പെട്ടിട്ടുണ്ടെന്നും ഭോലെ ബാബയുടെ അഭിഭാഷകൻ അറിയിച്ചു.

ഡ​ൽ​ഹി​യി​ൽ കീ​ഴ​ട​ങ്ങി​യ ദേ​വ് പ്ര​കാ​ശ് മ​ധു​കാ​റി​നെ യു​.പി പൊലീ​സ് അ​റ​സ്റ്റ് ചെ​യ്തു. ഉ​ത്ത​ർ​പ്ര​ദേ​ശ്, രാ​ജ​സ്ഥാ​ൻ, ഹ​രി​യാ​ന എ​ന്നി​വ​ട​ങ്ങ​ൾ കേ​ന്ദ്രീ​ക​രി​ച്ച് പൊ​ലീ​സ് അ​ന്വേ​ഷ​ണം ന​ട​ത്തു​ന്ന​തി​നി​ടെ​യാ​ണ് ദേ​വ് പ്ര​കാ​ശ് മ​ധു​കാ​ർ ഡ​ൽ​ഹി​യി​ൽ കീ​ഴ​ട​ങ്ങി​യ​ത്. ജൂ​ലൈ ര​ണ്ടി​ന് ന​ട​ന്ന സം​ഭ​വ​ത്തി​നു​ശേ​ഷം ഒ​ളി​വി​ൽ​പോ​യ പ്ര​തി​യെ ക​ണ്ടെ​ത്തു​ന്ന​തി​നാ​യി പൊലീ​സ് ഒ​രു​ല​ക്ഷം രൂ​പ ഇ​നാം പ്ര​ഖ്യാ​പി​ച്ചി​രു​ന്നു. സ​മ്മേ​ള​ന​ത്തി​ന്‍റെ സം​ഘാ​ട​ക​രാ​യ ര​ണ്ട് വ​നി​ത​ക​ൾ ഉ​ൾ​പ്പ​ടെ ആ​റു​പേ​രെ നേ​ര​ത്തെ പൊലീ​സ് അ​റ​സ്റ്റ് ചെ​യ്തി​രു​ന്നു. പ്രാ​ർ​ഥ​നാ യോ​ഗ​ത്തി​നി​ടെ​യു​ണ്ടാ​യ തി​ക്കി​ലും തി​ര​ക്കി​ലും പെ​ട്ട് 121 പേ​ർ മ​രി​ക്കാ​നി​ട​യാ​യ​തി​ൽ സം​ഘാ​ട​ക​ർ​ക്ക് പ​ങ്കു​ണ്ടെ​ന്ന് ക​ണ്ടെ​ത്തി​യ​താ​യി പൊലീ​സ് പ​റ​ഞ്ഞു.