പാക് വെടിവെപ്പിൽ ഗുരുതര പരിക്കേറ്റ സൈനികൻ മരിച്ചു

ജമ്മു: വെടിനിർത്തൽ കരാർ ലംഘിച്ച് പാകിസ്താൻ നടത്തിയ വെടിവെപ്പിൽ ഗുരുതര പരിക്കേറ്റ സൈനികൻ മരിച്ചു. ഹവിൽദാർ ചരൺഗീത് സിങ് ആണ് മരണത്തിന് കീഴടങ്ങിയത്. 

ഏപ്രിൽ 17ന് ജമ്മു കശ്മീരിലെ സുന്ദർബനി മേഖലയിലെ സൈനിക പോസ്റ്റിൽ വെച്ചാണ് ചരൺഗീതിന് വെടിയേറ്റത്. ഉടൻതന്നെ സൈനിക ആശുപത്രിയിൽ എത്തിച്ച് ഹവിൽദാറിന് ചികിത്സ നൽകിയിരുന്നു. 

രജൗറി ജില്ലയിലെ നൗഷാര താലൂക്കിലെ കൽസിയൽ ഗ്രാമവാസിയാണ് 42കാരനായ ചരൺഗീത് സിങ്. പൂർണ സൈനിക ബഹുമതികളോടെ സംസ്കാര ചടങ്ങുകൾ നടക്കും.