'മാജിക്​ മണൽ' ഉരുക്കിയാൽ സ്വർണമാകും; ജ്വല്ലറി ഉടമയിൽനിന്ന്​ 50ലക്ഷം തട്ടി

പുണെ: ചൂടാകു​േമ്പാൾ സ്വർണമാകുന്ന 'മാജിക്​ മണലെ'ന്ന്​ വിശ്വസിപ്പിച്ച്​ ജ്വല്ലറി ഉടമയിൽനിന്ന്​ 50ലക്ഷം തട്ടിയതായി പരാതി. പുണെയിലെ ഹഡസ്​പുരിലാണ്​​ സംഭവം.

ഒരു വർഷം മുമ്പ്​ ജ്വല്ലറി ഉടമയുമായി പരിചയപ്പെട്ടയാൾ​ ഉരുക്കിയാൽ സ്വർണമാകുന്ന മണലാണെന്ന്​ വിശ്വസിപ്പിക്കുകയായിരുന്നു. നാലുകിലോഗ്രാം മണൽ നൽകിയതിന്​ 30ലക്ഷം രൂപയും 20ലക്ഷത്തിന്‍റെ സ്വർണവുമാണ്​ ജ്വല്ലറി ഉടമ കൈമാറിയത്​.

ജ്വല്ലറി ഉടമ പരാതിയുമായി പൊലീസിന്‍റെ അടുത്തെത്തിയതോടെയാണ്​ സംഭവം പുറത്തറിയുന്നത്​. ഒരു വർഷം മുമ്പ്​ കടയിലെത്തിയ യുവാവ്​ ഉടമയുമായി പരിചയത്തിലാകുകയായിരുന്നു. തന്‍റെ കുടുംബത്തിന്​ ജ്വല്ലറി ബിസിനസാണെന്നും ഡയറി ഉൽപ്പന്നങ്ങൾ വിതരണം ചെയ്യലാണ്​ തന്‍റെ ജോലിയെന്നും ഉടമയെ തെറ്റിദ്ധരിപ്പിച്ചു.

പിന്നീട്​ നാലുകി​േലാ മണൽ ജ്വല്ലറി ഉടമക്ക്​ നൽകി. ബംഗാളിൽനിന്ന്​ ഇറക്കുമതി ചെയ്​തതാണെന്നും ചൂടാക്കിയാൽ സ്വർണമാകുമെന്നും പറഞ്ഞു വിശ്വസിപ്പിച്ചു. ഇതിന്​ പ്രതിഫലമായി പരാതിക്കാരൻ 30ലക്ഷം പണമായും 20ലക്ഷം സ്വർണമായും നൽകുകയായിരുന്നു. മണൽ തീയിൽ ഉരുക്കി നോക്കിയതോടെ താൻ കബളിപ്പിക്കപ്പെട്ട വിവരം ഉടമ മനസിലാക്കുകയായിരുന്നു. തട്ടിപ്പ്​ നടത്തിയയാൾക്കെതിരെ പൊലീസ്​ കേസ്​ രജിസ്റ്റർ ചെയ്​ത്​ അന്വേഷണം തുടങ്ങി.