തമിഴ്​നാട്ടിലും പോണ്ടി​ച്ചേരിയിലും കനത്തമഴക്ക്​ സാധ്യത:

ചെന്നൈ: തമിഴ്​നാട്ടിലും പുതുച്ചേരിയിലും അടുത്ത രണ്ടു ദിവസങ്ങളിലായി കനത്ത മഴക്ക്​ സാധ്യതയുണ്ടെന്ന്​ ഇന്ത്യൻ മീറ്ററോളിജിക്കൽ ഡിപ്പാർട്ട്മെൻറ്​ അറിയിച്ചു. ചെ​ന്നൈയിലും തമിഴ്​നാടി​െൻറ മറ്റു കേന്ദ്രങ്ങളിലും കനത്ത മഴയുണ്ടാകുമെന്നാണ്​ സൂചന.കേരളത്തിൽ ഒറ്റപ്പെട്ട സ്ഥലങ്ങളിൽ മഴ ലഭിക്കാൻ സാധ്യതയുണ്ട്​.

ബംഗാൾ ഉൾക്കടലിൽ ന്യൂനമർദ്ദം മൂലം രൂപംകൊണ്ട ചുഴലിക്കാറ്റ്​ ഡിസംബർ രണ്ടിന്​ തമിഴ്​നാട്, പുതുച്ചേരി ​വടക്കൻ തീരങ്ങളിലേക്ക്​ ആഞ്ഞടിക്കാൻ സാധ്യതയുണ്ടെന്നും കാലാവസ്ഥാ നിരീക്ഷണ കേന്ദ്രം മുന്നറിയിപ്പ്​ നൽകിയിട്ടുണ്ട്​.

കർണാടകയുടെ തെക്കൻ പ്രദേശങ്ങൾ, ആന്ധ്രാ തീരങ്ങൾ എന്നിവിടയും ഡിസംബർ ഒന്നു മുതൽ മഴക്ക്​ സാധ്യതയുണ്ട്​.