600 കോടിയുമായി ബി.ജെ.പി നേതാക്കളായ 'ഹെലികോപ്​റ്റർ ബ്ര​േദഴ്​സ്​' മുങ്ങി

ചെന്നൈ: പണം ഇരട്ടിപ്പിച്ച് നൽകാമെന്ന് വിശ്വസിച്ച്​ നിരവധിപേരിൽ നിന്ന്​ 600 കോടിയോളം രൂപ തട്ടിയെടുത്ത ബി.ജെ.പി നേതാക്കൾ മുങ്ങി. ബി.ജെ.പി വ്യാപാരി സംഘടന നേതാക്കളായ 'ഹെലികോപ്റ്റർ സഹോദരൻമാർ' എന്നറിയപ്പെടുന്ന ഗണേഷും സ്വാമിനാഥനുമാണ്​ മുങ്ങിയത്​. ഇവർക്കെതിരെ ഐപിസി 406, 420, 120 (ബി) വകുപ്പുകൾ പ്രകാരം തഞ്ചാവൂർ ജില്ലാ ക്രൈംബ്രാഞ്ച് കേസെടുത്തു.

തിരുവാരൂർ സ്വദേശികളായ ഇരുവരും ആറു വർഷം മുൻപാണ്​ കുഭകോണത്തേക്ക്​ താമസം മാറ്റിയത്​. ക്ഷീരോൽപന്ന കമ്പനിയായിരുന്നു ആദ്യം തുടങ്ങിയത്​. പിന്നീട്​ വിക്​ടറി ഫിനാൻസ്​ എന്നപേരിൽ ധനകാര്യ സ്ഥാപനവും 2019ൽ അർജുൻ ഏവിയേഷൻ പ്രൈവറ്റ് ലിമിറ്റഡ് എന്ന പേരിൽ വ്യോമയാന കമ്പനിയും തുടങ്ങി. ഗ​േണഷിന്‍റെ കുട്ടിയുടെ പിറന്നാളിന് സ്വന്തം ഹെലികോപ്റ്ററിൽനിന്ന്​ പുഷ്പവൃഷ്ടി നടത്തിയതോടെയാണ് ഇരുവരും ഹെലികോപ്റ്റർ ബ്രദേഴ്സ് എന്ന്​ അറിയപ്പെടാൻ തുടങ്ങിയത്​.

രാജകീയ ജീവിതമായിരുന്നു ഇരുവരും നയിച്ചിരുന്നത്​. ബി.ജെ.പിയുടെ പ്രധാന നേതാക്കളുമായി ഉറ്റബന്ധം പുലർത്തിയിരുന്നു. ഒരു വർഷം കൊണ്ട് ഇരട്ടിയാക്കി നൽകാമെന്ന് പറഞ്ഞാണ് നാട്ടുകാരൽനിന്ന്​ പണം കൈപ്പറ്റിയിരുന്നത്​. ആദ്യഘട്ടത്തിലൊക്കെ ഇത്​ കൃത്യമായി പാലിച്ചത്​ ഇടപാടുകാരിൽ വിശ്വാസ്യത ജനിപ്പിച്ചു. ഇതോടെ ആളുകൾ കൂടുതൽ കൂടുതൽ പണം നിക്ഷേപിക്കാൻ തുടങ്ങി. പിന്നീട്​ പണം തിരികെ നൽകുന്നതിൽ വീഴ്ചവന്നു. ഇതേക്കുറിച്ച്​ ചോദിച്ചപ്പോൾ കോവിഡ് പ്രതിസന്ധി ബിസിനസിനെ ബാധിച്ചു​വെന്നും ഉടൻ ശരിയാകുമെന്നുമായിരുന്നു മറുപടി.

എന്നാൽ, തട്ടിപ്പാണെന്ന്​ ​േബാധ്യമായതോടെ 15 കോടി രൂപ നിക്ഷേപിച്ച ദമ്പതികൾ പൊലീസിൽ പരാതി നൽകി. ജാഫറുല്ലയും ഭാര്യ ഫൈറാജ് ഭാനുവുമാണ്​ തഞ്ചാവൂർ എസ്പി ദേശ്മുഖ് ശേഖർ സഞ്ജയ്ക്ക് പരാതി നൽകിയത്​. ഹെലികോപ്റ്റർ സഹോദരങ്ങളുടെ ഉടമസ്ഥതയിലുള്ള ധനകാര്യ സ്ഥാപനത്തിൽ തങ്ങൾ 15 കോടി രൂപ നിക്ഷേപിച്ചതായും പണം തിരികെ ചോദിക്കു​േമ്പാൾ ഇരുവരും ഭീഷണിപ്പെടുത്തുന്നുവെന്നും ഇവർ പരാതിയിൽ പറഞ്ഞു. ഇതോടെയാണ് തട്ടിപ്പിനെ കുറിച്ച്​ നാട്ടുകാർ അറിഞ്ഞത്. കേസും വിവാദവുമായതോടെ ഗണേഷും സ്വാമിനാഥനും കടന്നുകളഞ്ഞു.

സുഹൃത്തുക്കളിൽനിന്നും കുടുംബക്കാരിൽനിന്നും വായ്പ വാങ്ങിയാണ് 25 ലക്ഷം രൂപ നിക്ഷേപിച്ചതെന്ന്​ തട്ടിപ്പിനിരയായ മറ്റൊരു നിക്ഷേപകൻ ഗോവിന്ദരാജ് പറഞ്ഞു. ഒരു വർഷമായിട്ടും ലാഭം ലഭിക്കാതായതോടെ പണം തിരിച്ചുതരാൻ ആവശ്യപ്പെട്ടു. എന്നാൽ, ഗുണ്ടകളെ അയച്ച്​ ഇരുവരും തന്നെ ഭീഷണിപ്പെടുത്തിയതായി ഗോവിന്ദരാജ് പറയുന്നു. പ്രതികൾക്കെതിരെ കർശന നടപടി സ്വീകരിക്കണമെന്ന് മറ്റൊരു നിക്ഷേപകനായ എസി‌എൻ രാജൻ ആവശ്യപ്പെട്ടു. ''മകളുടെ ആഭരണങ്ങൾ പണയം വെച്ച്​ കിട്ടിയ 10 ലക്ഷം രൂപയും സുഹൃത്തുക്കളിൽ നിന്ന് വാങ്ങിയ 40 ലക്ഷം രൂപയുമടക്കം 50 ലക്ഷം രൂപയാണ്​ ഒരു വർഷത്തെ പദ്ധതിയിൽ ഞാൻ നിക്ഷേപിച്ചത്​. എന്നാൽ, എനിക്ക് പലിശയോ ലാഭവിഹിതമോാ ലഭിച്ചില്ല. ഇരുവർക്കുമെതിരെ നടപടിയെടുക്കാനും പണം തിരികെ കിട്ടാൻ ഞങ്ങളെ സഹായിക്കാനും സർക്കാരിനോട് അഭ്യർഥിക്കുന്നു'' -രാജൻ പറഞ്ഞു.

ഹെലികോപ്​റ്റർ സഹോദരൻമാർക്കെതിരെ നടപടിയെടുക്കണമെന്ന് ആവശ്യപ്പെട്ട് ജില്ലയിലുടനീളം പോസ്റ്ററുകൾ പതിച്ചിട്ടുണ്ട്​. ഇരുവരും ഇപ്പോൾ ഒളിവിലാണ്. ഇവരുടെ ധനകാര്യ കമ്പനിയുടെ മാനേജർ എന്ന് കരുതുന്ന ഒരാളെ പോലീസ് അറസ്റ്റ് ചെയ്തിട്ടുണ്ട്​. അതേസമയം, വിവാദത്തിന്‍റെ പശ്ചാത്തലത്തിൽ ഇരുവ​െ​രയും പുറത്താക്കിയതായി ബി.ജെ.പി നേതാക്കൾ അറിയിച്ചു.

''അവർക്ക്​ ക്ഷീരോൽപന്ന കച്ചവടത്തിനുപുറമെ നിരവധി അന്താരാഷ്ട്ര ബിസിനസുകളുമുണ്ടെന്ന് പറയപ്പെടുന്നു. സംശയാസ്പദമായ പ്രവർത്തനങ്ങളാണ് ഇരുവരും നടത്തിയത്. ശരിയായ രീതിയിൽ അന്വേഷണം നടത്തണം. പണം നൽകിയവർ നിക്ഷേപിച്ചത്​ കള്ളപ്പണമാ​ണോ എന്ന കാര്യവും അന്വേഷിക്കേണ്ടതുണ്ട്" -ഹനുമാൻ സേന ജില്ലാ സെക്രട്ടറി പറഞ്ഞു.