600 കോടി തട്ടിയ ബി.ജെ.പിക്കാരായ 'ഹെലികോപ്ടർ സഹോദരന്മാ​രു'ടെ ഓഫിസിൽ റെയ്​ഡ്​; 12 ആഡംബര കാറുകളും രേഖക​ളും കണ്ടെടുത്തു

ചെ​ന്നൈ: 600 കോ​ടി രൂ​പ​ുമായി മുങ്ങിയ കും​ഭ​കോ​ണ​ത്തെ​ 'ഹെ​ലി​കോ​പ്ട​ർ സ​ഹോ​ദ​ര​ന്മാ​ർ' എ​ന്ന​റി​യ​പ്പെ​ടു​ന്ന ര​ണ്ടു​ ബി.​ജെ.​പി നേതാക്കളുടെ തഞ്ചാവൂരിലെ ഓഫിസിലും വസതിയിലും റെയ്​ഡ്​ നടത്തി. 12 ആഡംബര കാറുകളും പണമിടപാടുമായി ബന്ധപ്പെട്ട നിരവധി രേഖകളും പിടിച്ചെടുത്തു. ഫി​നാ​ൻ​സ്​ ക​മ്പ​നി മാ​നേ​ജ​രാ​യ ശ്രീ​കാ​ന്തി​നെ (56) പൊ​ലീ​സ്​ ക​സ്​​റ്റ​ഡി​യി​ലെ​ടു​ത്തി​ട്ടു​ണ്ട്.

പ​ണ​മി​ര​ട്ടി​പ്പ്​ വാ​ഗ്​​ദാ​നം ചെ​യ്​​താ​ണ്​ ത​ഞ്ചാ​വൂ​ർ കും​ഭ​കോ​ണം ശ്രീ​ന​ഗ​ർ കോ​ള​നി​യി​ലെ സ​ഹോ​ദ​ര​ങ്ങ​ളാ​യ എം.​ആ​ർ. ഗ​ണേ​ഷ്, എം.​ആ​ർ. സ്വാമി​നാ​ഥ​ൻ എന്നിവർ പൊ​തു​ജ​ന​ങ്ങ​ളി​ൽ​നി​ന്ന്​ പ​ണം ത​ട്ടി​യെ​ടു​ത്ത​ത്. ബി.​ജെ.​പി വ്യാ​പാ​രി വി​ഭാ​ഗം ഭാ​ര​വാ​ഹി​ക​ളാ​ണി​വ​ർ. നിക്ഷേപകർ പരാതി നൽകിയ​തോടെ ഇരുവരും ഒളിവിൽ പോയതായി പൊലീസ്​ പറഞ്ഞു.

15 കോ​ടി രൂ​പ​യു​ടെ നി​ക്ഷേ​പം ന​ട​ത്തി വ​ഞ്ചി​ക്ക​പ്പെ​ട്ട ദു​ബൈ​യി​ലെ വ്യാ​പാ​രി​ക​ളാ​യ ജാ​ഫ​റു​ല്ല-​ഫി​റോ​സ്​​ബാ​നു ദ​മ്പ​തി​ക​ളാണ്​ ആദ്യം പരാതിയുമായി രംഗത്തെത്തിയത്​. പ​രാ​തി​യു​ടെ അ​ടി​സ്​​ഥാ​ന​ത്തി​ൽ ത​ഞ്ചാ​വൂ​ർ ജി​ല്ല ക്രൈം​ബ്രാ​ഞ്ച്​ വ​ഞ്ച​ന, വി​ശ്വാ​സ​ലം​ഘ​നം, ക്രി​മി​ന​ൽ ഗൂ​ഢാ​ലോ​ച​ന എ​ന്നീ വ​കു​പ്പു​ക​ൾ​പ്ര​കാ​രം കേ​സ്​ ര​ജി​സ്​​റ്റ​ർ ചെ​യ്​​തു. തു​ട​ർ​ന്നാണ്​​ പ്ര​തി​ക​ളു​ടെ വ​സ​തി​ക​ളി​ലും ധ​ന​കാ​ര്യ സ്​​ഥാ​പ​ന​ത്തി​ലും പൊ​ലീ​സ്​ റെ​യ്​​ഡ്​ ന​ട​ത്തിയത്​.

പാൽ കച്ചവടത്തിൽ തുടങ്ങി; പണമിരട്ടിപ്പിൽ കുടുങ്ങി

തിരുവാരൂർ സ്വദേശികളായ ഗ​ണേ​ഷും സ്വാമി​നാ​ഥ​നും ആറു വർഷം മുൻപാണ്​ കുഭകോണത്തേക്ക്​ താമസം മാറ്റിയത്​. ക്ഷീരോൽപന്ന കമ്പനിയായിരുന്നു ആദ്യം തുടങ്ങിയത്​. പിന്നീട്​ വിക്​ടറി ഫിനാൻസ്​ എന്നപേരിൽ ധനകാര്യ സ്ഥാപനവും 2019ൽ അർജുൻ ഏവിയേഷൻ പ്രൈവറ്റ് ലിമിറ്റഡ് എന്ന പേരിൽ വ്യോമയാന കമ്പനിയും തുടങ്ങി. ഗ​േണഷിന്‍റെ കുട്ടിയുടെ പിറന്നാളിന് സ്വന്തം ഹെലികോപ്റ്ററിൽനിന്ന്​ പുഷ്പവൃഷ്ടി നടത്തിയതോടെയാണ് ഇരുവരും ഹെലികോപ്റ്റർ ബ്രദേഴ്സ് എന്ന്​ അറിയപ്പെടാൻ തുടങ്ങിയത്​.

രാജകീയ ജീവിതമായിരുന്നു ഇരുവരും നയിച്ചിരുന്നത്​. ബി.ജെ.പിയുടെ പ്രധാന നേതാക്കളുമായി ഉറ്റബന്ധം പുലർത്തിയിരുന്നു. ഒരു വർഷം കൊണ്ട് ഇരട്ടിയാക്കി നൽകാമെന്ന് പറഞ്ഞാണ് നാട്ടുകാരൽനിന്ന്​ പണം കൈപ്പറ്റിയിരുന്നത്​. ആദ്യഘട്ടത്തിലൊക്കെ ഇത്​ കൃത്യമായി പാലിച്ചത്​ ഇടപാടുകാരിൽ വിശ്വാസ്യത ജനിപ്പിച്ചു. ഇതോടെ ആളുകൾ കൂടുതൽ കൂടുതൽ പണം നിക്ഷേപിക്കാൻ തുടങ്ങി. പിന്നീട്​ പണം തിരികെ നൽകുന്നതിൽ വീഴ്ചവന്നു. ഇതേക്കുറിച്ച്​ ചോദിച്ചപ്പോൾ കോവിഡ് പ്രതിസന്ധി ബിസിനസിനെ ബാധിച്ചു​വെന്നും ഉടൻ ശരിയാകുമെന്നുമായിരുന്നു മറുപടി.

എന്നാൽ, തട്ടിപ്പാണെന്ന്​ ​േബാധ്യമായതോടെയാണ്​ ഗൾഫിൽ വ്യവസായികളായ ജാഫറുല്ലയും ഭാര്യ ഫിറോസ്​ ബാനുവും പൊലീസിൽ പരാതി നൽകിയത്​. ഹെലികോപ്റ്റർ സഹോദരങ്ങളുടെ ഉടമസ്ഥതയിലുള്ള ധനകാര്യ സ്ഥാപനത്തിൽ തങ്ങൾ 15 കോടി രൂപ നിക്ഷേപിച്ചതായും പണം തിരികെ ചോദിക്കു​േമ്പാൾ ഇരുവരും ഭീഷണിപ്പെടുത്തുന്നുവെന്നും ഇവർ പരാതിയിൽ പറഞ്ഞു. ഇതോടെയാണ് തട്ടിപ്പിനെ കുറിച്ച്​ നാട്ടുകാർ അറിഞ്ഞത്. കേസും വിവാദവുമായതോടെ ഗണേഷും സ്വാമിനാഥനും കടന്നുകളഞ്ഞു.

സുഹൃത്തുക്കളിൽനിന്നും കുടുംബക്കാരിൽനിന്നും വായ്പ വാങ്ങിയാണ് 25 ലക്ഷം രൂപ നിക്ഷേപിച്ചതെന്ന്​ തട്ടിപ്പിനിരയായ മറ്റൊരു നിക്ഷേപകൻ ഗോവിന്ദരാജ് പറഞ്ഞു. ഒരു വർഷമായിട്ടും ലാഭം ലഭിക്കാതായതോടെ പണം തിരിച്ചുതരാൻ ആവശ്യപ്പെട്ടു. എന്നാൽ, ഗുണ്ടകളെ അയച്ച്​ ഇരുവരും തന്നെ ഭീഷണിപ്പെടുത്തിയതായി ഗോവിന്ദരാജ് പറയുന്നു. പ്രതികൾക്കെതിരെ കർശന നടപടി സ്വീകരിക്കണമെന്ന് മറ്റൊരു നിക്ഷേപകനായ എസി‌എൻ രാജൻ ആവശ്യപ്പെട്ടു. ''മകളുടെ ആഭരണങ്ങൾ പണയം വെച്ച്​ കിട്ടിയ 10 ലക്ഷം രൂപയും സുഹൃത്തുക്കളിൽ നിന്ന് വാങ്ങിയ 40 ലക്ഷം രൂപയുമടക്കം 50 ലക്ഷം രൂപയാണ്​ ഒരു വർഷത്തെ പദ്ധതിയിൽ ഞാൻ നിക്ഷേപിച്ചത്​. എന്നാൽ, എനിക്ക് പലിശയോ ലാഭവിഹിതമോാ ലഭിച്ചില്ല. ഇരുവർക്കുമെതിരെ നടപടിയെടുക്കാനും പണം തിരികെ കിട്ടാൻ ഞങ്ങളെ സഹായിക്കാനും സർക്കാരിനോട് അഭ്യർഥിക്കുന്നു'' -രാജൻ പറഞ്ഞു.

ഹെലികോപ്​റ്റർ സഹോദരൻമാർക്കെതിരെ നടപടിയെടുക്കണമെന്ന് ആവശ്യപ്പെട്ട് ജില്ലയിലുടനീളം പോസ്റ്ററുകൾ പതിച്ചിട്ടുണ്ട്​. അതേസമയം, വിവാദത്തിന്‍റെ പശ്ചാത്തലത്തിൽ ഇരുവ​െ​രയും പുറത്താക്കിയതായി ബി.ജെ.പി നേതാക്കൾ അറിയിച്ചു.