എട്ടാം ക്ലാസ്​ യോഗ്യതയുള്ളയാൾ വിദ്യാഭ്യാസ മന്ത്രി​: തെറ്റില്ലെന്ന്​ കുമാരസ്വാമി

ബംഗളൂരു: എട്ടാം ക്ലാസ്​ യോഗ്യത മാത്രമുള്ള ജി.ടി. ദേവഗൗഡയെ ഉന്നത വിദ്യാഭ്യാസ വകുപ്പ്​ മന്ത്രിയാക്കിയ നടപടിയിൽ തെറ്റില്ലെന്ന്​ കർണാടക മുഖ്യമന്ത്രി കുമാരസ്വാമി. ‘ഞാനെത്ര വരെ പഠിച്ചു.? ഇന്ന്​ ഞാൻ മുഖ്യമന്ത്രിയാണ്​​’ -അദ്ദേഹം മാധ്യമ പ്രവർത്തകരോട്​​ പറഞ്ഞു. 

ചിലർക്ക്​ പ്രത്യേക വകുപ്പുകൾ വേണമെന്ന ആഗ്രഹമുണ്ടാകും. എന്നാൽ എല്ലാ വിഭാഗത്തിലും കാര്യക്ഷമമായി പ്രവർത്തിക്കാൻ അവസരമുണ്ട്​. ഇക്കാര്യത്തിൽ തീരുമാനങ്ങൾ എടുക്കുന്നത്​ പാർട്ടിയാണ്​. ആദ്യം മന്ത്രിയാകണമെന്ന ആഗ്രഹമുണ്ടാവുന്നതും പിന്നീട്​ ചില പ്രത്യേക വകുപ്പുകൾ ആവശ്യ​െപ്പടുന്നതും  സാധാരണ സംഭവമാണെന്നും കുമാരസ്വാമി പറഞ്ഞു.