ഹിമാചലിൽ കോൺഗ്രസ് തമാശ ക്ലബെന്ന് നരേന്ദ്ര മോദി

ഷിംല: ഹിമാചൽപ്രദേശിൽ കോൺഗ്രസ് തമാശ ക്ലബായി മാറിയിരിക്കുകയാണെന്ന് പ്രധാനമന്ത്രി നരേന്ദ്ര മോദി. ഷിംലയിലെ തെരഞ്ഞെടുപ്പ് റാലിയിൽ സംസാരിക്കു​േമ്പാഴാണ്​ മോദി കോൺഗ്രസിനെ വിമർശിച്ച്​ രംഗത്തെത്തിയത്​. 

രാജ്യത്തെ ജനങ്ങളെ ഇത്ര നാളും ശിക്ഷിച്ചതെന്തിനാണെന്ന് കോൺഗ്രസ് പറയണം. രൂക്ഷമായ അഴിമതി ആരോപണങ്ങൾ ഹിമാചൽ മുഖ്യമന്ത്രി വീരഭദ്ര സിങ്ങിനെതിരെ ഉണ്ടായിട്ടും അഴിമതിയില്ലെന്ന് പറയുകയാണ് ഇക്കൂട്ടർ. ദേവഭൂമിയിൽ നിന്നും രാക്ഷസൻമാരെ ഒാടിക്കാൻ സമയമായെന്നും മോദി പറഞ്ഞു.​

നേരത്തെ ഹിമാചലിൽ ബി.ജെ.പിയുടെ മുഖ്യമന്ത്രി സ്ഥാനാർഥിയായി പ്രേംകുമാർ ദുമലിനെ അമിത് ഷാ പ്രഖ്യാപിച്ചിരുന്നു. നവംബർ ഒമ്പതിനാണ്​ ഹിമാചൽപ്രദേശിൽ വോ​െട്ടടുപ്പ്​ നടക്കുന്നത്​. ഡിസംബർ 18നാണ്​ വോ​െട്ടണ്ണൽ.