ഹിമാചൽ പ്രദേശിൽ വോട്ടെടുപ്പ് തുടങ്ങി

ന്യൂ​ഡ​ൽ​ഹി: ഹി​മാ​ച​ൽ പ്ര​ദേ​ശ്​ നിയമസഭാ തെരഞ്ഞെടുപ്പിനുള്ള വോട്ടെടുപ്പ് തുടങ്ങി. 19 വ​നി​ത​ക​ൾ ഉ​ൾ​പ്പെ​ടെ 338 സ്ഥാ​നാ​ർ​ഥി​ക​ളാ​ണ്​ മ​ത്സ​ര രം​ഗ​ത്തു​ള്ള​ത്. മു​ഖ്യ​മ​ന്ത്രി സ്​​ഥാ​നാ​ർ​ഥി​ക​ളാ​യ കോ​ൺ​ഗ്ര​സിന്‍റെ വീ​ര​ഭ​ദ്ര​സി​ങ്ങും ബി.​ജെ.​പി​യു​ടെ പ്രേം​കു​മാ​ർ ധു​മ​ലു​മാ​ണ്​  മ​ത്സ​ര​രം​ഗ​ത്തെ പ്ര​മു​ഖ​ർ. 50,25,941 വോ​ട്ട​ർ​മാ​രാ​ണ്​ ഇന്ന് സ​മ്മ​തി​ദാ​ന അ​വ​കാ​ശം വി​നി​യോ​ഗി​ക്കു​ക. 

കേ​ന്ദ്ര സ​ർ​ക്കാ​റി​ന്‍റെ നോ​ട്ട്​ നി​രോ​ധ​നം, ജി.​എ​സ്.​ടി ന​ട​പ്പാ​ക്ക​ൽ എ​ന്നി​വ കാ​ര​ണം സ​മ്പ​ദ്​ വ്യ​വ​സ്ഥ​ക്കും സാ​ധാ​ര​ണ​ക്കാ​ർ​ക്കും വി​നോ​ദ സ​ഞ്ചാ​രം അ​ട​ക്ക​മു​ള്ള മേ​ഖ​ല​ക്കും ഉ​ണ്ടാ​യ ന​ഷ്​​ടം ഉ​യ​ർ​ത്തി​യാ​ണ്​ കോ​ൺ​ഗ്ര​സ്​ സം​സ്ഥാ​ന​മെ​മ്പാ​ടും ബി.​ജെ.​പി​ക്ക്​ എ​തി​രെ പ്ര​ചാ​ര​ണം ന​ട​ത്തി​യ​ത്. കോ​ൺ​ഗ്ര​സ്​ സ​ർ​ക്കാ​റി​ന്​ എ​തി​രെ അ​ഴി​മ​തി, ക്ര​മ​സ​മാ​ധാ​ന ത​ക​ർ​ച്ച, വി​ക​സ​ന​മി​ല്ലാ​യ്​​മ എ​ന്നി​വ ഉ​യ​ർ​ത്തി​യാ​ണ്​ പ്ര​ധാ​ന​മ​ന്ത്രി ന​രേ​ന്ദ്ര മോ​ദി, അ​മി​ത്​ ഷാ, ​കേ​ന്ദ്ര മ​ന്ത്രി​മാ​ർ എ​ന്നി​വ​രു​ടെ നേ​തൃ​ത്വ​ത്തി​ൽ ബി.​ജെ.​പി പ്ര​ചാ​ര​ണം കൊ​ഴു​പ്പി​ച്ച​ത്. 

ര​ണ്ടു പാ​ർ​ട്ടി​ക​ൾ​ക്കും സാ​ധ്യ​ത ക​ൽ​പി​ച്ച്​ ഫ​ല​പ്ര​വ​ച​ന​ങ്ങ​ൾ വ​ന്നി​ട്ടു​ണ്ട്. കോ​ൺ​ഗ്ര​സ്​ സം​സ്ഥാ​ന പ്ര​സി​ഡ​ൻ​റ്​ ശു​ഖ്​​വി​ന്ത​ർ സി​ങ്, മു​തി​ർ​ന്ന ബി.​ജെ.​പി നേ​താ​വ്​ ര​വീ​ന്ദ​ർ ര​വി, അ​നി​ൽ ശ​ർ​മ, എ.​െ​എ.​സി.​സി സെ​ക്ര​ട്ട​റി ആ​ഷാ കു​മാ​ർ എ​ന്നി​വ​രാ​ണ്​ മ​ത്സ​രരം​ഗ​ത്തെ മ​റ്റു പ്ര​മു​ഖ​ർ.