പ്രതിരോധം ഇടിയുന്നു; പ്രത്യാക്രമണവുമായി ഹിൻഡൻബർഗിന്റെ കുതിപ്പ്

ന്യൂ​ഡ​ൽ​ഹി: അ​ദാ​നി ഗ്രൂ​പ്പു​മാ​യി ബ​ന്ധ​പ്പെ​ട്ട ര​ഹ​സ്യ വി​ദേ​ശ നി​ക്ഷേ​പ​ങ്ങ​ളി​ൽ പ​ങ്കാ​ളി​ത്ത​മു​​ണ്ടെ​ന്ന ആ​രോ​പ​ണ​ത്തി​ൽ സെ​ബി (സെ​ക്യൂ​രി​റ്റീ​സ് ആ​ൻ​ഡ് എ​ക്സ്ചേ​ഞ്ച് ബോ​ർ​ഡ് ഓ​ഫ് ഇ​ന്ത്യ) മേ​ധാ​വി മാ​ധ​ബി ബു​ച്ച് ന​ൽ​കി​യ മ​റു​പ​ടി​യി​ൽ​ത്ത​ന്നെ അ​വ​രെ കു​രു​ക്കി ഹി​ൻ​ഡ​ൻ​ബ​ർ​ഗി​ന്റെ പ്ര​ത്യാ​ക്ര​മ​ണം. ഇ​തോ​ടെ സെ​ബി​യും അ​ദാ​നി​യും കേ​ന്ദ്ര സ​ർ​ക്കാ​റും ബി.​ജെ.​പി​യും തീ​ർ​ത്ത പ്ര​തി​രോ​ധം ദു​ർ​ബ​ല​മാ​യി. റി​യ​ൽ എ​സ്റ്റേ​റ്റ് ക​ൺ​സ​ൾ​ട്ടി​ങ് സ്ഥാ​പ​ന​ങ്ങ​ളു​മാ​യി മു​ന്നോ​ട്ടു​പോ​കു​ന്ന സെ​ബി ചേ​യ​ർ​പേ​ഴ്സ​ന് സു​പ്രീം​കോ​ട​തി അ​ന്വേ​ഷ​ണം നി​ർ​ദേ​ശി​ച്ച അ​ദാ​നി​യു​ടെ ഓ​ഹ​രി​ക​ളി​ലും നി​ക്ഷേ​പ​മു​ണ്ടെ​ന്ന് തെ​ളി​ഞ്ഞ​തോ​ടെ പ്ര​തി​രോ​ധി​ച്ച​വ​ർ​ക്ക് ഉ​ത്ത​രം മു​ട്ടി.

സെ​ബി മേ​ധാ​വി പ​റ​ഞ്ഞ​തി​ല​പ്പു​റം സ​ർ​ക്കാ​റി​ന് ഒ​ന്നും പ​റ​യാ​നി​ല്ലെ​ന്ന് കേ​ന്ദ്ര സ​ർ​ക്കാ​റി​നു​വേ​ണ്ടി സാ​മ്പ​ത്തി​ക കാ​ര്യ സെ​ക്ര​ട്ട​റി അ​ജ​യ് സേ​ഥി​യും ബി.​ജെ.​പി​ക്കു വേ​ണ്ടി മു​തി​ർ​ന്ന നേ​താ​വും മു​ൻ കേ​ന്ദ്ര മ​ന്ത്രി​യു​മാ​യ ര​വി​ശ​ങ്ക​ർ ​പ്ര​സാ​ദും തി​ങ്ക​ളാ​ഴ്ച പ്ര​തി​ക​രി​ച്ചു.

സെ​ബി മേ​ധാ​വി​യു​ടെ രാ​ജി, അ​ദാ​നി ഓ​ഹ​രി കും​ഭ​കോ​ണ​ത്തി​ൽ ജെ.​പി.​സി (സം​യു​ക്ത പാ​ർ​ല​മെ​ന്റ​റി സ​മി​തി) അ​ന്വേ​ഷ​ണം എ​ന്നീ പ്ര​തി​പ​ക്ഷ ആ​വ​ശ്യ​ങ്ങ​ൾ ബി.​ജെ.​പി ത​ള്ളി. മാ​ധ​ബി​യു​ടെ​യും ഭ​ർ​ത്താ​വി​​ന്റെ​യും മ​റു​പ​ടി ആ​യു​ധ​മാ​ക്കി ഹി​ൻ​ഡ​ൻ​ബ​ർ​ഗ് തൊ​ടു​ത്തു​വി​ട്ട ചോ​ദ്യ​ങ്ങ​ൾ​ക്ക് മ​റു​പ​ടി പ​റ​യാ​നാ​കാ​തെ കേ​ന്ദ്ര സ​ർ​ക്കാ​റും ബി.​ജെ.​പി​യും ഒ​രു​പോ​ലെ കു​ഴ​ങ്ങി. മാ​ധ​ബി ബു​ച്ചി​ന്റെ ഭ​ർ​ത്താ​വ് ധാ​വ​ൽ ബു​ച്ചി​ന് ‘ബ്ലാ​ക്ക് സ്റ്റോ​ൺ’ ക​മ്പ​നി​യി​ലു​ള്ള വ​ലി​യ നി​ക്ഷേ​പം ചൂ​ണ്ടി​ക്കാ​ട്ടി റി​യ​ൽ എ​സ്റ്റേ​റ്റ് നി​ക്ഷേ​പ ട്ര​സ്റ്റു​ക​ളെ പ്രോ​ത്സാ​ഹി​പ്പി​ക്കു​ന്ന സെ​ബി ചെ​യ​ർ​പേ​ഴ്സ​ന്റെ ന​ട​പ​ടി​യും ഹി​ൻ​ഡ​ൻ​ബ​ർ​ഗ് ചോ​ദ്യം ചെ​യ്തു.

ഹി​ൻ​ഡ​ൻ​ബ​ർ​ഗി​ന്റെ ചോ​ദ്യ​ങ്ങ​ൾ

1. പൂ​ർ​ണ​മാ​യും സു​താ​ര്യ​ത വാ​ഗ്ദാ​നം ചെ​യ്യു​ന്ന സെ​ബി ചെ​യ​ർ​പേ​ഴ്സ​ൻ സിം​ഗ​പ്പൂ​രി​ലെ​യും ഇ​ന്ത്യ​യി​ലെ​യും ക​ൺ​സ​ൾ​ട്ടി​ങ് സ്ഥാ​പ​ന​ങ്ങ​ൾ വ​ഴി​യോ അ​ല്ലാ​തെ​യോ ത​ന്നെ ക​ൾ​സ​ൾ​ട്ട് ചെ​യ്യു​ന്ന മു​ഴു​വ​ൻ ക​ക്ഷി​ക​ൾ ആ​രൊ​ക്കെ​യാ​ണെ​ന്നും അ​വ​രു​ടെ വി​ശ​ദാം​ശ​ങ്ങ​ൾ എ​ന്തൊ​ക്കെ​യാ​ണെ​ന്നു​മു​ള്ള പൂ​ർ​ണ പ​ട്ടി​ക പു​റ​ത്തു​വി​ടു​മോ?
2. ഈ ​വി​ഷ​യ​ങ്ങ​ളി​ൽ സ​മ​ഗ്ര​വും സു​താ​ര്യ​വും സ്വ​ത​ന്ത്ര​വു​മാ​യ അ​ന്വേ​ഷ​ണ​ത്തി​ന് ​​​സെ​ബി ചെ​യ​ർ​പേ​ഴ്സ​ൻ ഉ​ത്ത​ര​വി​ടു​മോ?

മ​റു​പ​ടി​ക്കു​ശേ​ഷം ഹി​ൻ​ഡ​ൻ​ബ​ർ​ഗ് പു​റ​ത്തു​വി​ട്ട​ത്

• സെ​ബി​യു​ടെ മു​ഴു​സ​മ​യ അം​ഗ​മാ​യി മാ​റി​യ ശേ​ഷ​വും സിം​ഗ​പ്പൂ​രി​ലെ ‘അ​ഗോ​ഡ പാ​ർ​ട്ണേ​ഴ്സി’​ൽ 100 ശ​ത​മാ​നം ഓ​ഹ​രി പ​ങ്കാ​ളി​ത്തം 2022 മാ​ർ​ച്ച് 16 വ​രെ മാ​ധ​ബി ബു​ച്ചി​നു​ണ്ടാ​യി​രു​ന്നു.
• സെ​ബി​യു​ടെ മു​ഴു​സ​മ​യ അം​ഗ​മാ​യി​രി​ക്കു​മ്പോ​ൾ ഭ​ർ​ത്താ​വി​ന്റെ പേ​രു​പ​യോ​ഗി​ച്ച് ക​ച്ച​വ​ടം ന​ട​ത്താ​ൻ സ്വ​ന്തം ഇ-​മെ​യി​ൽ ഐ.​ഡി​യാ​ണ് മാ​ധ​ബി ഉ​പ​യോ​ഗി​ച്ച​ത്.
• സെ​ബി ചെ​യ​ർ​പേ​ഴ്സ​നാ​യി ര​ണ്ടാ​ഴ്ച ക​ഴി​ഞ്ഞാ​ണ് മാ​ധ​ബി ബു​ച്ച് ‘അ​ഗോ​ഡ പാ​ർ​ട്ണേ​ഴ്സി’​ലെ ഓ​ഹ​രി​ക​ളെ​ല്ലാം ഭ​ർ​ത്താ​വ് ധ​വാ​ൽ ബു​ച്ചി​ന്റെ പേ​രി​ലേ​ക്ക് മാ​റ്റി​യ​ത്.
• മാ​ധ​ബി ബു​ച്ച് സെ​ബി മേ​ധാ​വി​യാ​യ ശേ​ഷം 2024 മാ​ർ​ച്ച് 31ന് ​പു​റ​ത്തു​വി​ട്ട ഓ​ഹ​രി പ​ങ്കാ​ളി​ത്ത പ​ട്ടി​ക പ്ര​കാ​രം അ​ഗോ​ഡ അ​ഡ്വൈ​സ​റി ലി​മി​റ്റ​ഡ് -ഇ​ൻ​ഡ്യ​യു​ടെ 99 ശ​ത​മാ​നം ഓ​ഹ​രി​ക​ളും അ​വ​രു​ടെ പേ​രി​ലാ​ണ്. ഭ​ർ​ത്താ​വി​ന്റെ പേ​രി​ല​ല്ല.
• മാ​ധ​ബി ബു​ച്ച് ഇ​​പ്പോ​ഴും 99 ശ​ത​മാ​നം ഓ​ഹ​രി​യും കൈ​വ​ശം വെ​ക്കു​ന്ന ഇ​ന്ത്യ​ൻ സ്ഥാ​പ​നം ക​ഴി​ഞ്ഞ മൂ​ന്ന് സാ​മ്പ​ത്തി​ക വ​ർ​ഷം ​23,985 ദ​ശ​ല​ക്ഷം ഇ​ന്ത്യ​ൻ രൂ​പ വ​രു​മാ​ന​മു​ണ്ടാ​ക്കി​യ​ത് അ​വ​ർ സെ​ബി ചെ​യ​ർ​പേ​ഴ്സ​നാ​യി​രി​ക്കേ​യാ​ണ്.
• മാ​ധ​ബി ബു​ച്ചും ഭ​ർ​ത്താ​വ് ധ​വാ​ൽ ബു​ച്ചും ചേ​ർ​ന്ന് അ​ദാ​നി​യു​ടെ വെ​ൽ​ത്ത് മാ​നേ​ജ്മെ​ന്റ് സ്ഥാ​പ​ന​മാ​യ ‘360 എ​ൻ.​ഇ’​യി​ൽ ന​ട​ത്തി​യ നി​ക്ഷേ​പം ശ​രി​വെ​ച്ച അ​ദാ​നി, ആ​കെ വ​ര​വി​ന്റെ ഒ​ന്ന​ര ശ​ത​മാ​നം മാ​ത്ര​മാ​ണി​തെ​ന്നാ​ണ് ന്യാ​യീ​ക​രി​ച്ച​ത്.
• സെ​ബി മേ​ധാ​വി വ്യ​ക്തി​പ​ര​മാ​യി ന​ട​ത്തി​യ നി​ക്ഷേ​പം ഉ​ൾ​പ്പെ​ടെ അ​ദാ​നി​യു​ടെ നി​ക്ഷേ​പ​ത്തെ​ക്കു​റി​ച്ചു​ള്ള അ​ന്വേ​ഷ​ണ​ത്തി​നാ​ണ് സു​പ്രീം​കോ​ട​തി സെ​ബി​യെ ചു​മ​ത​ല​പ്പെ​ടു​ത്തി​യ​ത്. ഇ​തി​ൽ താ​ൽ​പ​ര്യ​ങ്ങ​ളു​ടെ ഏ​റ്റു​മു​ട്ട​ൽ വ്യ​ക്ത​മാ​ണ്.