ഹിന്ദുസ്​ഥാൻ ഹിന്ദുക്കളുടെ രാജ്യം; മറ്റുള്ളവരെ പുറംതള്ളില്ലെന്ന്​ മോഹൻ ഭാഗവത്​

ഇൻഡോർ: ഹിന്ദുസ്​ഥാൻ ഹിന്ദുക്കളുടെ രാജ്യമാണെന്ന്​ ആർ.എസ്​.എസ്​ മേധാവി മോഹൻ ഭാഗവത്​. എന്നാൽ ഹിന്ദുക്കളുടെ രാജ്യം എന്നതിനർഥം മറ്റുള്ളവരെ ഉൾക്കൊള്ളില്ല എന്നല്ലെന്നും ഭാഗവത്​ പറഞ്ഞു. ആർ.എസ്​.എസ്​ പ്രവർത്തകരെ അഭിസംബോധന ചെയ്​ത്​ സംസാരിക്കുകയായിരുന്നു അദ്ദേഹം.  

ജർമനി ആരുടെ രാജ്യമാണ്​? ജർമൻകാരു​െട. ബ്രിട്ടൻ ബ്രിട്ടീഷുകാരുടെ, അ​േമരിക്ക അമേരിക്കക്കാരുടെ എന്നതുപോലെ ഹിന്ദുസ്​ഥാൻ ഹിന്ദുക്കളു​െട രാജ്യമാണ്​. ഹിന്ദുസ്​ഥാൻ മറ്റ്​ ആളുകളുടെതല്ല എന്ന്​ അതിനർഥമില്ലെന്നും ഭാഗവത്​ പറഞ്ഞു. 

ഹിന്ദു എന്നതുകൊണ്ട്​ ഉദ്ദേശിക്കുന്നത്​ ഭാരത മാതാവി​​െൻറ മക്കൾ എന്ന അർഥത്തിലാണ്​. ഇന്ത്യൻ പൂർവ്വികരുടെ പിന്തുടർച്ചക്കാരും ഇന്ത്യൻ സംസ്​കാരവുമായി പൊരുത്തപ്പെട്ട്​ ജീവിക്കുന്നവരുമായ ആളുകളാണ്​ ഹിന്ദുക്കൾ. ഒരു നേതാവോ ഒരു പാർട്ടിയോ മാത്രം വിചാരിച്ചാൽ രാജ്യത്തെ ഉന്നതിയിലെത്തിക്കാനാകില്ല. അതിന്​ മാറ്റം ആവശ്യമാണ്​. സമൂഹത്തെ അതിനു വേണ്ടി നാം ഒരുക്കിയെടുക്കണമെന്നും മോഹൻ ഭാഗവത്​ പറഞ്ഞു. 

പുരാതന യുഗത്തിൽ വികസനത്തിനായി ജനങ്ങൾ ദൈവത്തെയായിരുന്നു ആശ്രയിച്ചിരുന്നത്​. കലിയുഗത്തിൽ വികസനത്തിനായി സർക്കാറിലാണ്​ പ്രതീക്ഷ അർപ്പിക്കുന്നത്​. എന്നാൽ സമൂഹം നീങ്ങുന്നതിനനുസരിച്ച്​ മാത്രമേ സർക്കാറിന്​ മുന്നോട്ടു പോകാനാകൂ. സമൂഹം സർക്കാറി​​െൻറ പിതാവാണ്​. സർക്കാർ സമൂഹത്തെ സേവിക്കുകയാണ്​ ചെയ്യുന്നത്​. സർക്കാറിന്​ സമൂഹത്തെ മാറ്റാനാകില്ല. സമൂഹം സ്വയം മാറു​േമ്പാൾ അത്​ സർക്കാറിലും പ്രതിഫലിക്കുമെന്നും അദ്ദേഹം പറഞ്ഞു.