ഹിസ്​ബുൽ മുജാഹിദ്ദീൻ തലവ​െൻറ മകൻ അറസ്​റ്റിൽ 

ശ്രീനഗർ: ഹിസ്​ബുൽ മുജാഹിദ്ദീൻ കമാൻഡർ സയിദ്​ സലാഹുദ്ദീ​​​െൻറ  മകനെ ദേശീയ സുരക്ഷാ ഏജൻസി അറസ്​റ്റു ചെയ്​തു. തീവ്രവാദത്തിനായി ഫണ്ട്​ സ്വരൂപിച്ച കേസിലാണ്​ സലാഹുദ്ദീ​​​െൻറ  മകൻ ഷക്കീൽ അഹമ്മദ്​ അറസ്​റ്റിലായത്​. ശ്രീനഗറിലെ രാംബാഗ്​ ഏരിയയിൽ എൻ.​​െഎ.എ നടത്തിയ റെയ്​ഡിലാണ്​ ഷക്കീലിനെ പിടികൂടിയത്​. എൻ.​െഎ.എയും സി.ആർ.പി.എഫും പൊലീസും സംയുക്തമായാണ്​ റെയ്​ഡ്​ നടത്തിയത്​. 

സലാഹുദ്ദീ​​​െൻറ രണ്ടാമത്തെ മകനാണ്​ ഷക്കീൽ അഹമ്മദ്​. ഇയാൾ സൗരയിലുള്ള ഷേരി കശ്​മീർ ഇൻസ്​റ്റിറ്റ്യൂറ്റ്​ ഒാഫ്​ മെഡിക്കൽ സയൻസിൽ ലാബ്​ ടെക്​നീഷ്യനായി ജോലിചെയ്​തു വരികയാണ്​. 

തീവ്രവാദ ഫണ്ട്​ സ്വരൂപിക്കൽ കേസിൽ സലാഹുദ്ദീ​​​െൻറ മ​റ്റൊരു മകനായ ഷാഹിദ്​ യൂസഫിനെ 2017 ഒക്​ടോബറിൽ എൻ.​െഎ.എ അറസ്​റ്റ്​ ചെയ്​തിരുന്നു. ജമ്മു കശ്​മീരിലെ കാർഷിക വകുപ്പ്​ ജീവനക്കാരനായിരുന്നു ഷാഹിദ്​ യൂസഫ്​. അറസ്​റ്റിനെ തുടർന്ന്​ ഇയാളെ ജോലിയിൽ നിന്നും സസ്​പെൻഡ്​ ചെയ്​തിരുന്നു.