ആറ്​ വയസുകാരിയെ ബലാത്സംഗത്തിനിരയാക്കി കൊലപ്പെടുത്തിയ കേസ്​; അതിവേഗം കുറ്റപത്രം സമർപ്പിച്ച്​ പഞ്ചാബ്​ പൊലീസ്​

ചണ്ഡിഗഢ്​: ആറ്​ വയസുകാരിയെ ബലാത്സംഗത്തിനിരയാക്കി കൊലപ്പെടുത്തിയ കേസിൽ അതിവേഗം കുറ്റപത്രം സമർപ്പിച്ച്​ പഞ്ചാബ്​ പൊലീസ്​. 10 ദിവസത്തിനകം കേസിൽ അന്വേഷണം പൂർത്തിയാക്കി പൊലീസ്​ കുറ്റപത്രം സമർപ്പിച്ചു. പഞ്ചാബിലെ ഹോഷിർപൂരിലാണ്​ ദലിത്​ പെൺകുട്ടി കൊല്ലപ്പെട്ടത്​.

കേസി​െൻറ വിചാരണക്കായി ഫാസ്​റ്റ്​ ട്രാക്ക്​ കോടതി വേണമെന്നും പഞ്ചാബ്​ സർക്കാർ ആവശ്യപ്പെട്ടിട്ടുണ്ട്​. സ്​പെഷ്യൽ പ്രോസിക്യൂട്ടറേയും നിയമിച്ചു. ബലാത്സംഗത്തിനിരയാക്കിയ ശേഷം പെൺകുട്ടി​യെ തീകൊളുത്തി കൊല്ലുകയായിരുന്നു. പെൺകുട്ടിയുടെ പാതിവെന്ത ശരീരം ഒരു വീട്ടിൽ നിന്നാണ്​ കണ്ടെത്തിയത്​.

ഗുർപ്രീത്​ സിങ്​, സുർജിത്​ എന്നിവരാണ്​ കേസിലെ പ്രതികളെന്ന്​ പൊലീസ്​ കണ്ടെത്തിയിരുന്നു. കേസിൽ 10 ദിവസത്തിനകം ​അന്വേഷണം പൂർത്തിയാക്കി കുറ്റപത്രം സമർപ്പിക്കാൻ പഞ്ചാബ്​ മുഖ്യമന്ത്രി അമരീന്ദർ സിങ്​ നിർദേശം നൽകിയിരുന്നു.