ബുദ്ധദേവി​െൻറ ചിത്രം പങ്കുവച്ച്​ ബംഗാൾ ഗവർണർ; വേദനിപ്പിച്ചെന്നും ഒഴിവാക്കണമെന്നും സി.പി.എം

കൊൽക്കത്ത: ബംഗാൾ മുൻ മുഖ്യമന്ത്രി ബുദ്ധദേവ്​ ഭട്ടാചാര്യയുടെ ചിത്രം പങ്കുവച്ച ഗവർണർ ജഗദീപ് ധന്‍കറുടെ നടപടിയെ വിമർശിച്ച്​ സി.പി.എം. കഴിഞ്ഞ ദിവസമാണ്​ ഗവർണറും ഭാര്യയും ബുദ്ധദേവിനെ കാണാൻ അദ്ദേഹത്തി​െൻറ വീട്ടിലെത്തിയത്​. തുടർന്ന്​ ചിത്രങ്ങൾ ട്വിറ്ററിൽ പങ്കുവയ്​ക്കുകയായിരുന്നു. 'മുതിർന്ന കമ്യൂണിസ്റ്റ് നേതാവും മുൻ മുഖ്യമന്ത്രിയുമായ ബുദ്ധദേബ് ഭട്ടാചാര്യയെയും ഭാര്യ മീരയെയും സന്ദർശിച്ചു. അവർക്ക്​ അഷ്ടമി ദിനാശംസയും സൗഖ്യവും നേരാനാണ്​ എത്തിയത്'എന്നാണ്​ സന്ദർശനം സംബന്ധിച്ച്​ ഗവർണർ ട്വിറ്ററിൽ കുറിച്ചത്​.

Alongwith Mrs Sudesh Dhankhar today called on veteran communist leader and former Chief Minister Buddhadeb Bhattacharya and his wife Meera ji and wished them subhoy Asthami and good health. pic.twitter.com/Q4splPkccc

— Governor West Bengal Jagdeep Dhankhar (@jdhankhar1) October 24, 2020

കുറിപ്പിനൊപ്പം നിരവധി ചിത്രങ്ങളും ഉണ്ടായിരുന്നു. ചിത്രങ്ങളിൽ അവശനായി കട്ടിലിൽ കിടക്കുന്ന ബുദ്ധദേവിനേയും കാണാമായിരുന്നു. ഗവർണറുടെ സന്ദർശനത്തെ സ്വാഗതംചെയ്​തും ഫോ​േട്ടാ പ്രദർശിപ്പിച്ചതിനെ വിമർശിച്ചുമാണ്​ നിലവിൽ ബംഗാൾ സി.പി.എം ര​​​​ംഗത്തുവന്നിരിക്കുന്നത്​.'പതിറ്റാണ്ടുകളായി അർപ്പണബോധത്തോടെ നമ്മുടെ സംസ്​ഥാനത്തെ സേവിച്ച അന്താരാഷ്ട്രതലത്തിൽ അറിയപ്പെടുന്ന രാഷ്ട്രീയക്കാരനാണ് ബുദ്ധദേവ്​ ഭട്ടാചാര്യ. ബംഗാളി​െൻറ വികസനത്തിന് അദ്ദേഹം നൽകിയ സംഭാവനയെ രാഷ്ട്രീയ എതിരാളികൾ പോലും അംഗീകരിക്കുന്നു. ഏറ്റവും പ്രിയപ്പെട്ട മുഖ്യമന്ത്രിമാരിൽ ഒരാളാണ് അദ്ദേഹം'സി.പി.എം ഒൗദ്യോഗിക ട്വിറ്റർ ഹാൻഡിലിൽ കുറിച്ചു.

Photographing him when he is most vulnerable and then publishing them on social media has deeply hurt the sentiments of not only @cpimspeak sympathizers spread all across the globe but also general people at large. We would be appreciative if those pictures were taken down.

— CPI(M) WEST BENGAL (@CPIM_WESTBENGAL) October 25, 2020

'അദ്ദേഹത്തി​െൻറ ഫോട്ടോ എടുക്കുകയും അവ സോഷ്യൽ മീഡിയയിൽ പ്രസിദ്ധീകരിക്കുകയും ചെയ്​തത് പാർട്ടി പ്രവർത്തകരെ മാത്രമല്ല സാധാരണക്കാരേയും ​വേദനിപ്പിച്ചു. ആ ചിത്രങ്ങൾ ഒഴിവാക്കുന്നതാണ്​ നല്ലത്​'-മറ്റൊരു കുറിപ്പിൽ പറയുന്നു.ഗവർണറുടെ സന്ദർശനത്തെ സ്വാഗതംചെയ്യുകയും​ ഫോ​േട്ടാ പ്രദർശിപ്പിച്ചതിനെ വിമർശിക്കുകയുമാണ്​ സി.പി.എം ചെയ്യുന്നത്​.