ലോകത്ത് ഏറ്റവും വേഗം വികസിച്ചുകൊണ്ടിരിക്കുന്ന നഗരങ്ങളുടെ പട്ടികയിൽ നാല് ഇന്ത്യൻ സിറ്റികൾ
text_fieldsന്യൂഡൽഹി: ലോകത്തിൽ ഏറ്റവും വേഗം വികസിച്ചുകൊണ്ടിരിക്കുന്ന 10 നഗരങ്ങളുടെ പട്ടികയിൽ ഇന്ത്യൻ നഗരങ്ങളും. നാല് ഇന്ത്യൻ നഗരങ്ങളാണ് പട്ടികയിൽ ഇടംനേടിയത്.
ലണ്ടൻ ആസ്ഥാനമായി പ്രവർത്തിക്കുന്ന ബ്രിട്ടീഷ് റിയൽ എസ്റ്റേറ്റ് സേവന കമ്പനിയായ സാവിൽസ് ആണ് ഗ്രോത്ത് ഹബ്സ് ഇൻഡക്സ് റാങ്ക് പട്ടിക പുറത്തുവിട്ടത്.
നഗരങ്ങളുടെ ജി.ഡി.പി വളർച്ച നിരക്ക്, വ്യക്തികളുടെ സമ്പത്ത്, ജനസംഖ്യ, കുടിയേറ്റം എന്നിവയനുസരിച്ചാണ് പട്ടിക തയാറാക്കിയത്. പട്ടികയിൽ ഒന്നാംസ്ഥാനത്ത് ബംഗളൂരു ആണ്. വിയറ്റ്നാം നഗരമായ ഹെ ചി മിൻഹ് സിറ്റിയാണ് രണ്ടാമത്. മൂന്നും അഞ്ചും എട്ടും സ്ഥാനങ്ങളിൽ യഥാക്രമം ഡൽഹി, ഹൈദരാബാദ്, മുംബൈ നഗരങ്ങളാണ്. ചൈനയിലെ ഷെൻഷെൻ, വിയറ്റ്നാമിലെ ഹാനോയ്, ഗ്യാങ്ഷോ, മനില, റിയാദ് എന്നിവയാണ് പട്ടികയിലെ മറ്റ് നഗരങ്ങൾ.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.