'ഐ ലവ് ഹിജാബ്' കാമ്പയിന് തുടക്കമിട്ട് കർണാടക, താലിബാനിസമെന്ന് ബി.ജെ.പി

ബംഗളൂരു: കർണാടകയിലെ സർക്കാർ പി.യു കോളേജിൽ ആരംഭിച്ച ഹിജാബ് വിവാദം സംസ്ഥാനത്തെ മറ്റു ജില്ലകളിലേക്കും വ്യാപിക്കുന്നു. ഹിജാബ് ധരിച്ചതിന്‍റെ പേരിൽ സ്കൂളുകളിലും കോളേജുകളിലും പ്രവേശനം നിഷേധിക്കുന്ന സാഹചര്യത്തിൽ കർണാടകയിലെ മുസ്ലീം വിദ്യാർഥികൾ 'ഐ ലവ് ഹിജാബ്' കാമ്പയിന് തുടക്കമിട്ടിരിക്കയാണ്. ഹിജാബ് ധരിച്ച് തന്നെ ക്ലാസുകളിൽ പങ്കെടുക്കുമെന്നുള്ള ഉഡുപ്പി ജില്ലയിലെ വിദ്യാർഥികളുടെ പ്രതിഷേധത്തിന് കാമ്പയിൻ പ്രവർത്തകർ പൂർണ പിന്തുണ പ്ര‍ഖ്യാപിച്ചിട്ടുണ്ട്.

ഭരണകക്ഷിയായ ബി.ജെ.പി കാമ്പയിനെ താലിബാനിസമെന്ന് ആക്ഷേപിച്ച് ഗതി തിരിച്ചു വിടാനാണ് ശ്രമിക്കുന്നത്. സംസ്ഥാനത്ത് രൂക്ഷമായികൊണ്ടിരിക്കുന്ന ഹിജാബ് വിവാദത്തെക്കുറിച്ച് ചർച്ച ചെയ്യാന്‍ ഇന്നലെ മുഖ്യമന്ത്രി ബസവരാജ് ബൊമ്മൈയുടെ നേതൃത്വത്തിൽ യോഗം ചേർന്നിരുന്നു. മുസ്ലീം വിദ്യാർഥികൾ വിദ്യാഭ്യാസ സ്ഥാപനങ്ങളിൽ നിഷ്കർഷിച്ച യൂണിഫോം കോഡിൽ തന്നെ വരണമെന്ന് മുഖ്യമന്ത്രി ബൊമ്മൈയുമായുള്ള കൂടിക്കാഴ്ചയ്ക്ക് ശേഷം വിദ്യാഭ്യാസ മന്ത്രി നാഗേഷ് പറഞ്ഞു.

ഹിജാബ് വി​വാ​ദം അ​ന്താ​രാ​ഷ്ട്ര ത​ല​ത്തി​ൽ ച​ർ​ച്ച​യാ​ക്കി​യ​തി​ന് പി​ന്നി​ൽ രാ​ജ്യ​ത്തി​നെ​തി​രാ​യ ചി​ല​രു​ടെ പ്രൊ​പ്പ​ഗ​ണ്ട​യാ​ണെന്നും​ വി​ദ്യാ​ഭ്യാ​സ മ​ന്ത്രി ബി.​സി. നാ​ഗേ​ഷ്​ ആ​രോ​പി​ച്ചു. സ്വ​കാ​ര്യ​വും മ​ത​പ​ര​വു​മാ​യ കാ​ര്യ​ങ്ങ​ൾ വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ൽ ന​ട​പ്പാ​ക്കാ​നാ​കി​ല്ലെ​ന്നും അ​ദ്ദേ​ഹം വ്യ​ക്ത​മാ​ക്കി. ശി​രോ​വ​സ്ത്ര​ത്തി​നെ​തി​രെ പ്ര​തി​ഷേ​ധ​വു​മാ​യി കാ​വി ഷാ​ൾ ധ​രി​ച്ച് ധ​രി​ച്ച്​ ചി​ല വി​ദ്യാ​ർ​ഥി​ക​ൾ കാ​മ്പ​സു​ക​ളി​ൽ വ​രു​ന്ന​ത്​ സ്വാ​ഭാവികമാണെന്നും അദ്ദേഹം കുട്ടിച്ചേർത്തു.

ഇന്നലെ പ്രതിപക്ഷ നേതാവായ സിദ്ധരാമയ്യ ഹിജാബ് ധരിച്ചെത്തിയ പെൺകുട്ടികൾക്ക് കോളജിൽ പ്രവേശനം നിഷേധിക്കുന്നത് മനുഷ്യത്വരഹിതവും മൗലികാവകാശങ്ങളുടെ ലംഘനവുമാണെന്ന് അഭിപ്രായപ്പെട്ടിരുന്നു. എന്നാൽ ഭരണകക്ഷിയായ ബി.ജെ.പി സംഭവവികാസങ്ങൾ നിരീക്ഷിച്ചു വരികയാണെന്നും ഹിജാബ് വിഷയത്തിൽ ഉചിതമായ തീരുമാനം കൈക്കൊള്ളുമെന്നും മുൻ മുഖ്യമന്ത്രി ബി.എസ് യെദിയൂരപ്പ അഭിപ്രായപ്പെട്ടത്. ഹിജാബ് വി​വാ​ദത്തിൽ വിദ്യാർഥികൾ പരസ്യമായി രംഗത്തിറങ്ങിയാൽ സർക്കാറിന് അത് താങ്ങാനാകില്ലെന്ന് മുൻ കോൺഗ്രസ് മന്ത്രിയായിരുന്ന യു.ടി ഖാദർ ബി.ജെ.പിക്ക് മുന്നറിയിപ്പ് നൽകിയിട്ടുണ്ട്.