നിതീഷിനെ മുഖ്യമന്ത്രിയാക്കിയത്​ താനാണെന്ന്​ ലാലു പ്രസാദ്​ യാദവ്​

പാട്​ന: ബിഹാർ മുഖ്യമന്ത്രി നിതീഷ്​ കുമാർ ഉപമുഖ്യമന്ത്രി തേജസ്വിയാദവി​​െൻറ രാജി ആവശ്യപ്പെട്ടിട്ടല്ലെന്ന്​ ആർ.ജെ.ഡി നേതാവ്​ ലാലുപ്രസാദ്​ യാദവ്​. ഭാര്യ റാബ്രി ദേവിക്കൊപ്പം നടത്തിയ വാർത്താസ​േ​മ്മളനത്തിലാണ്​ അദ്ദേഹം ഇക്കാര്യം വ്യക്​തമാക്കിയത്​. നിതീഷുമായി താൻ ഇന്നലെ സംസാരിച്ചിരുന്നു. നിതീഷിനെ മുഖ്യമന്ത്രിയാക്കിയത്​ താനാണ്​. പിന്നെ നിതീഷിനെ താൻ വീഴ്​ത്തുന്നത്​ എന്തിനാണെന്നും അദ്ദേഹം ​േചാദിച്ചു. ലാലു പ്രസാദ്​ യാദവി​​െൻറ പാർട്ടിയായ ആർ.ജെ.ഡിക്കാണ്​ നിയമസഭയിൽ കൂടുതൽ സാമാജികർ ഉള്ളത്​. 

നാളെ തുടങ്ങുന്ന നിയമസഭാ സമ്മേളനത്തിൽ തേജസ്വിയും റാബ്രിയും സജീവമായി പ​െങ്കടുക്കു​െമന്നും അദ്ദേഹം കൂട്ടിച്ചേർത്തു. 

ലാലു പ്രസാദ്​ യാദവി​​െൻറ മകൻ തേജസ്വി യാദവ്​ ഉപമുഖ്യമന്ത്രി സ്​ഥാനം രാജി വെക്കണോ എന്നു ചർച്ചചെയ്യാൻ രണ്ടു നേതാക്കളും അതാത്​ പാർട്ടിയി​െല നിയമസഭാ സാമാജികരുടെ യോഗം വിളിച്ചു ചേർത്തിരുന്നു. 

രാജി അനിവാര്യമാണെന്നതായിരുന്നു നിതീഷ്​ കുമാറി​​െൻറ പക്ഷം. എന്നാൽ, നിതീഷിനെ തനിക്ക്​ 40 വർഷമായിട്ട്​ അറിയാമെന്നും അയാൾ പുണ്യവാളനല്ലെന്നും ആർ.ജെ.ഡി യു​െട മുതിർന്ന നേതാവ്​ ​ശിവാനന്ദ്​ തിവാരി തിരിച്ചടിച്ചരുന്നു. 

ലാലു പ്രസാദ്​ യാദവ്​ അധികാരത്തിലിരിക്കെ റെയിൽവേ കാറ്ററിംഗ്​ സ്വകാര്യ കമ്പനിക്ക്​ നൽകി എന്ന ആരോപണം ലാലുവിനും മകനുമെതിരെ നിലനിൽക്കുന്നുണ്ട്​. അഴിമതിയുമായി ബന്ധപ്പെട്ട്​ ജൂലൈ ഏഴിന്​ ലാലുവി​​െൻറയും മക​ൻ തേജസ്വിയുടെയും വീട്ടിൽ സി.ബി.​െഎ പരിശോധന നടത്തിയതോടെയാണ്​ വിഷയം വീണ്ടും വഷളായത്​. ​ഉപമുഖ്യമന്ത്രി സ്​ഥാനം ​േതജസ്വി രാജിവെക്കണമെന്ന നിലപാടിലാണ്​  ബിഹാർ മുഖ്യമന്ത്രി നിതീഷ്​ കുമാർ. എന്നാൽ അതുവേണ്ടെന്ന നിലപാടാണ്​ ലാലുവിനും ആർ.ജെ.ഡിക്കും. 

നേരത്തെ, ലാലുവിനെ പിന്തുണച്ച സഖ്യത്തിലെ മൂന്നാം കക്ഷി കോൺഗ്രസ്​ പിന്നീട്​ പിന്നാക്കം പോയത്​ നിതീഷി​​െൻറ ഇടപെടലാണെന്നും റിപ്പോർട്ടുകളുണ്ട്​.