പഞ്ചാബിൽ മിഗ്​-29 ജെറ്റ്​ വിമാനം തകർന്നുവീണു

ചണ്ഡീഗഡ്​: പഞ്ചാബിലെ ഹോഷിയാർപൂരിൽ വ്യോമസേനയുടെ മിഗ്​ 29 ജെറ്റ്​വിമാനം തകർന്നുവീണു പൈലറ്റ്​ സാഹസികമായി രക്ഷപ്പെട്ടു. 

പരിശീലന പറക്കലിനിടെ ചുഹാൻപുരിലെ കൃഷിയിടത്തിലേക്ക്​​ ജെറ്റ്​ വിമാനം തകർന്നുവീഴുകയായിരുന്നു​. രാവിലെ 10.30 ഓടെ ജലന്ധർ എയർ ബേസിൽ നിന്നും പരിശീലനത്തിനായി പറന്നുയർന്ന മിഗ്​ വിമാനമാണ്​ തകർന്നത്​. വിമാനത്തി​​​െൻറ നിയന്ത്രണം നഷ്​ടമായതോടെ പാരച്യൂട്ട്​ ഉപയോഗിച്ച്​ പുറത്തേക്ക്​ ചാടിയ പൈലറ്റിനെ വ്യോമസേനാ ഹെലികോപ്​ടറിലെത്തി രക്ഷപ്പെടുത്തി. 

വിമാനം വീണത്​ ജനവാസ മേഖലയിൽ അല്ലാത്തതിനാൽ മറ്റ്​ അപായങ്ങളില്ല. സംഭവത്തിൽ ആഭ്യന്തര അന്വേഷണം നടത്തുമെന്ന്​ വ്യോമസേന അധികൃതർ അറിയിച്ചു.