സാങ്കേതിക തകരാർ: വ്യോമസേനയുടെ മിഗ്-17 ഹെലികോപ്ടർ ഇടിച്ചിറക്കി
text_fieldsബംഗളൂരു: സാങ്കേതിക തകരാറിനെ തുടർന്ന് വ്യോമസേനയുടെ ഹെലികോപ്ടർ ശ്രീരംഗപട്ടണയിൽ ഇടിച്ചിറക്കി. മൈസൂരു ദസറ ആഘോഷത്തിെൻറ ഭാഗമായി ബുധനാഴ്ച നടന്ന വ്യോമയാന പ്രദർശനത്തിന് പോകുകയായിരുന്ന ഇന്ത്യൻ വ്യോമസേനയുടെ മിഗ്-17 വിഭാഗത്തിൽപ്പെട്ട പരിശീലന ഹെലികോപ്ടറാണ് മാണ്ഡ്യ ശ്രീരംഗപട്ടണയിലെ വയൽ പ്രദേശത്ത് എമർജെൻസി ലാൻഡിങ് നടത്തിയത്. ബംഗളൂരു യെലഹങ്ക വ്യോമതാവളത്തിൽനിന്നും മൈസൂരുവിലേക്ക് പുറപ്പെട്ട ഹെലികോപ്ടറിനാണ് ബുധനാഴ്ച രാവിലെയോടെ ചന്നഹള്ളിയിലെത്തിയപ്പോൾ സാങ്കേതിക തകരാറുണ്ടായത്.
കഴിഞ്ഞദിവസം മധ്യപ്രദേശിലെ ഗോളിയോറിൽ മിഗ് -21 വിഭാഗത്തിലെ പരിശീലന ഹെലികോപ്ടർ തകർന്നുവീണതിന് പിന്നാലെയാണ് മിഗ്-17 വിഭാഗത്തിലെ ഹെലികോപ്ടർ സാങ്കേതിക തകരാറിനെതുടർന്ന് ഇടിച്ചിറക്കുന്നത്. സാങ്കേതിക തകരാറിനെ തുടർന്നാണ് മാനദണ്ഡപ്രകാരം അടിയന്തരമായി ശ്രീരംഗപട്ടണയിൽ ഇറക്കിയതെന്നും തകരാർ പരിഹരിക്കുമെന്നും പ്രതിരോധ വക്താവ് അറിയിച്ചു. ഹെലികോപ്ടറിലുണ്ടായിരുന്ന പൈലറ്റുമാർ സുരക്ഷിതരാണ്. ആളില്ലാത്ത സ്ഥലത്ത് ഇടിച്ചിറക്കിയതിനാൽ മറ്റു അപകടങ്ങളൊന്നുമുണ്ടായില്ല.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.