ആർ.എസ്.എസ്, ബി.ജെ.പി പ്രത്യയശാസ്ത്രം വെറുപ്പും അക്രമവും പടർത്തുന്നു -രാഹുൽ

കി​ഷ​ൻ​ഗ​ഞ്ച് (ബി​ഹാ​ർ): ആ​ർ.​എ​സ്.​എ​സും ബി.​ജെ.​പി​യും മു​ന്നോ​ട്ടു​വെ​ക്കു​ന്ന പ്ര​ത്യ​യ​ശാ​സ്ത്രം രാ​ജ്യ​ത്ത് വെ​റു​പ്പും അ​ക്ര​മ​വും പ​ട​ർ​ത്തു​ക​യാ​ണെ​ന്ന് കോ​ൺ​ഗ്ര​സ് നേ​താ​വ് രാ​ഹു​ൽ ഗാ​ന്ധി. മ​ത​ത്തി​ന്റെ​യും ജാ​തി​യു​ടെ​യും ഭാ​ഷ​യു​ടെ​യും പേ​രി​ൽ ആ​ളു​ക​ളെ ത​മ്മി​ൽ​ത്ത​ല്ലി​ക്കു​ക​യാ​ണ​വ​രെന്നും രാഹുൽ പറഞ്ഞു.

സഹോദരന്മാർ പരസ്പരം പോരടിക്കുന്നു. ഇതാണ് ആർ.എസ്.എസും ബി.ജെ.പിയും രാജ്യത്ത് സൃഷ്ടിച്ച അന്തരീക്ഷം. ജനങ്ങളെ ഒന്നിപ്പിക്കാനാണ് ഞങ്ങൾ പ്രവർത്തിക്കുന്നത്. വെ​റു​പ്പി​ന്റെ ക​മ്പോ​ള​ത്തി​ൽ സ്നേ​ഹ​ക്ക​ട തു​റ​ന്ന് ജ​ന​ങ്ങ​ളെ ഒ​ന്നി​പ്പി​ക്കാ​നാ​ണ് കോ​ൺ​ഗ്ര​സ് ശ്ര​മ​മെ​ന്നും രാ​ഹു​ൽ പ​റ​ഞ്ഞു.

ഭാ​ര​ത് ജോ​ഡോ ന്യാ​യ് യാ​ത്ര​യു​ടെ ഭാ​ഗ​മാ​യി ബി​ഹാ​റി​ലെ കി​ഷ​ൻ​ഗ​ഞ്ചി​ൽ പൊ​തു​സ​മ്മേ​ള​ന​ത്തി​ൽ സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം. പാ​ർ​ട്ടി​ക്ക് ഏ​റെ സ്വാ​ധീ​ന​മു​ള്ള മു​സ്‍ലിം ഭൂ​രി​പ​ക്ഷ പ്ര​ദേ​ശ​മാ​ണി​ത്.

ഇന്ന് പു​ർ​നി​യ​യി​ലും നാളെ ക​ടി​ഹാ​റി​ലും രാ​ഹു​ൽ പൊ​തു​സ​മ്മേ​ള​ന​ത്തി​ൽ സം​സാ​രി​ക്കും. വ്യാ​ഴാ​ഴ്ച അ​റാ​റി​യ വ​ഴി വീ​ണ്ടും പ​ശ്ചി​മ​ബം​ഗാ​ളി​ലേ​ക്ക് ക​ട​ക്കു​ന്ന യാ​ത്ര ദി​വ​സ​ങ്ങ​ൾ​ക്കു​ശേ​ഷം ഝാ​ർ​ഖ​ണ്ഡ് വ​ഴി ബി​ഹാ​റി​ലേ​ക്ക് തി​രി​ച്ചെ​ത്തും.

ഇ​ൻ​ഡ്യ സ​ഖ്യം വി​ട്ട് ബി.​ജെ.​പി​ക്കൊ​പ്പം ചേ​ർ​ന്ന് നി​തീ​ഷ് കു​മാ​ർ വീ​ണ്ടും ബി​ഹാ​ർ മു​ഖ്യ​മ​ന്ത്രി​യാ​യി സ​ത്യ​പ്ര​തി​ജ്ഞ ചെ​യ്ത​തി​ന്റെ തൊ​ട്ട​ടു​ത്ത ദി​വ​സ​മാ​ണ് രാ​ഹു​ലി​ന്റെ യാ​ത്ര സം​സ്ഥാ​ന​ത്ത് പ്ര​വേ​ശി​ച്ച​ത്. കി​ഷ​ൻ​ഗ​ഞ്ജ് വ​ഴി ബി​ഹാ​റി​ലെ​ത്തി​യ പ​ദ​യാ​ത്ര​യെ സ്വീ​ക​രി​ക്കാ​ൻ പി.​സി.​സി പ്ര​സി​ഡ​ന്റ് അ​ഖി​ലേ​ഷ് പ്ര​സാ​ദ് സി​ങ്ങി​ന്റെ​ നേ​തൃ​ത്വ​ത്തി​ൽ ആ​യി​ര​ങ്ങ​ളാ​ണെ​ത്തി​യ​ത്.