ബംഗാളിൽ അക്രമം നടത്തിയത്​ തൃണമൂൽ, സി.ആർ.പി.എഫ്​ ഉള്ളതുകൊണ്ട്​ ജീവൻ തിരിച്ചു കിട്ടി - അമിത്​ഷാ

ന്യൂഡൽഹി: പശ്​ചിമ ബംഗാളിലെ റോഡ്​ഷോക്കിടെയുണ്ടായ അക്രമ സംഭവങ്ങൾക്ക്​ പിന്നിൽ തൃണമൂൽ കോൺഗ്രസാണെന്ന്​ ബി.ജ െ.പി ദേശീയാധ്യക്ഷൻ അമിത്​ഷാ. ബി.ജെ.പി പുറത്തു നിന്ന്​ ആളെയിറക്കി അക്രമങ്ങൾ നടത്തിയെന്നാണ്​ തൃണമൂൽ ആരോപിക്കുന ്നത്​. എന്നാൽ അക്രമം നടത്തിയത്​ ബി.​െജ.പിയല്ലെന്നും അമിത്​ ഷാ വ്യക്​തമാക്കി.

ബി.ജെ.പിയാണ്​ അക്രമങ്ങൾ നടത്ത ിയതെന്നാണ്​​ മമതാ ബാനർജി പറയുന്നത്​. തൃണമൂലിനെ പോലെ പശ്​ചിമ ബംഗാളിലെ 42 സീറ്റുകളിൽ മാത്രമല്ല, ഞങ്ങൾ രാജ്യത്തെ എല്ലാ സംസ്​ഥാനങ്ങളിലും മത്​സരിക്കുന്നുണ്ട്​. തെരഞ്ഞെടുപ്പിൻെറ ആറു ഘട്ടങ്ങളിലും ബംഗാളിലൊഴികെ മറ്റെവിടെയും ഒരു അ​ക്രമസംഭവങ്ങളും നടന്നിട്ടില്ല. അതിനർഥം ബംഗാളിലെ ആക്രമണങ്ങൾക്കുത്തരവാദി തൃണമൂലാണെന്നാണ്​ - അമിത്​ ഷാ വിമർശിച്ചു.

ബംഗാളിലേത്​ കലാപമല്ല, ആക്രമണമാണ്​. മമതാ ബാനർജിക്ക്​ ഒന്നും ഒളിക്കാനില്ലെങ്കിൽ സംഭവത്തിൽ അന്വേഷണം പ്രഖ്യാപിക്കണം. സി.ആർ.പി.എഫ്​ ഇല്ലായിരുന്നുവെങ്കിൽ, ജീവനോടെ തിരിച്ചെത്തില്ലായിരുന്നുവെന്നും അമിത്​ ഷാ പറഞ്ഞു.

പ്രതിപക്ഷ പാർട്ടികൾ മുന്നണിയുണ്ടാക്കി ഒരു പ്രതിപക്ഷ നേതാവിനെ തെരഞ്ഞെടുക്കുന്നതിൽ ഞങ്ങൾക്ക്​ ഒരു പ്രശ്​നവുമില്ലെന്നും അമിത്​ഷാ പറഞ്ഞു.

ബംഗാളിൽ തെരഞ്ഞെടുപ്പ്​ കമ്മീഷണർ നിശബ്​ദ സാക്ഷിയായിരിക്കുകയാണ്​. അവർ സജീവമായി ഇടപെടണം. ബംഗാളിലെ പഞ്ചായത്ത്​ തെരഞ്ഞെടുപ്പുകളിൽ 60 രാഷ്​ട്രീയ പ്രവർത്തകരാണ്​ കൊല്ലപ്പെട്ടത്​. വേറെ എവിടെയെങ്കിലും ഇത്തരം സംഭവങ്ങൾ ഉണ്ടാകുമോ എന്നും അമിത്​ഷാ ചോദിച്ചു.

വി​ദ്യാ​സാ​ഗ​ർ കോ​ള​ജി​നകത്ത്​ കടന്ന്​ ഇൗ​ശ്വ​ർ ച​ന്ദ്ര വി​ദ്യാ​സാ​ഗ​റി​​​െൻറ പ്രതിമ നശിപ്പിച്ചത്​ ആരാണ്​. തൃണമൂൽ പ്രവർത്തകരായിരുന്നു കോളജിനുള്ളിലുണ്ടായിരുന്നത്​. അവർ തന്നെയാകും തകർത്തതും. ബംഗാളിൽ മാത്രമാണ്​ ആക്രമണങ്ങൾ നടക്കുന്നത്​. അതിന്​​ ഉത്തരവാദി തൃണമൂലാണെന്നും അമിത്​ ഷാ ആരോപിച്ചു.