ഞാൻ ആ പേരുകൾ വെളിപ്പെടുത്തിയാൽ ബി.ജെ.പി കുഴപ്പത്തിലാകും -ശിവസേന നേതാവ്​ സഞ്​ജയ്​ റാവത്ത്​

മുംബൈ: സാമ്പത്തിക ​ക്രമക്കേടുകൾ നടത്തിയ 120 ബി.ജെ.പി നേതാക്കളുടെ ലിസ്റ്റ്​ തന്‍റെ കൈവശമുണ്ടെന്ന്​ ശിവസേന നേതാവ്​ സഞ്​ജയ്​ റാവത്ത്​. താൻ വാ തുറന്നാൽ ബി.ജെ.പി കു​​ഴപ്പത്തിലാകുമെന്നും അദ്ദേഹം പറഞ്ഞു.​ തന്‍റെ ഭാര്യക്ക്​ എൻഫോഴ്​സ്​മെന്‍റ്​ ഡയറക്​ടറേറ്റിന്​ (ഇ.ഡി) മുമ്പാകെ ഹാജരാകാൻ വീണ്ടും നോട്ടീസ്​ ലഭിച്ചതിനുപിന്നാലെയാണ്​ റാവത്ത്​ ശക്​തമായ ഭാഷയിൽ പ്രതികരിച്ചത്​. പഞ്ചാബ്​ മഹാരാഷ്​ട്ര കോഓപറേറ്റിവ്​ ബാങ്ക്​ (പി.എം.സി) ഇടപാടുകളുമായി ബന്ധപ്പെട്ടാണ്​ റാവത്തിന്‍റെ ഭാര്യ വർഷ റാവത്തിന്​ ഇ.ഡി നോട്ടിസ്​ നൽകിയത്​.

രാഷ്​ട്രീയ എതിരാളികളെ തളക്കാൻ ഇ.ഡിയെ ആയുധമാക്കുന്നുവെന്ന്​ ആരോപിച്ച്​ ശിവസേന ശക്​തമായ ​പ്രതിരോധമൊരുക്കുകയാണ്​. ശിവസേനയുടെ ​പ്രമുഖ നേതാവായ റാവത്ത്​ ബി.ജെ.പിക്കെതിരെ ഉറച്ച നിലപാടുകളുമായി മുന്നോട്ടുപോകുന്നതിനിടയിലാണ്​ പുതിയ വിവാദം. അന്വേഷണത്തിൽനിന്ന്​ റാവത്ത്​ കുടുംബം എന്തിനാണ്​ ഒളിച്ചോടുന്നതെന്ന്​ ബിജെ.പി നേതാവ്​ കിരിത്​ സോമയ്യ കുറ്റപ്പെടുത്തിയതിനു പിന്നാലെയാണ്​ വിശദീകരണവുമായി സഞ്​ജയ്​ റാവത്ത്​ രംഗത്തുവന്നത്​.

'എന്‍റെ കുടുംബത്തിന്‍റെ പേര്​ ഗൂഢോദ്ദേശ്യത്തോടെ പി.എം.സി, എച്ച്​.ഡി.ഐ.എൽ വിവാദങ്ങളി​േലക്ക്​ വലിച്ചിഴക്കുകയാണ്​. ആ​േരാപണം തെളിയിക്കാൻ അവരെ ഞാൻ വെല്ലുവിളിക്കുന്നു​. അല്ലെങ്കിൽ നിയമനടപടി സ്വീകരിക്കും. ചില ബി.ജെ.പി നേതാക്കന്മാർ എങ്ങനെയാണ്​ പി.എം.സിയെക്കുറിച്ചും എച്ച്​.ഡി.ഐ.എല്ലിനെക്കുറിച്ചുമൊക്കെ അറിയുന്നത്​? അവരുടെ ചില നേതാക്കൾ ഇ.ഡി ഓഫിസിലെത്തി വിവരങ്ങൾ ശേഖരിക്കുകയാണ്​. ഞങ്ങളുടെ കുടുംബങ്ങളെ വേട്ടയാടാൻ അവർ ഇ.ഡിയെ ഉപയോഗിക്കുന്നു. ഞാൻ വാ തുറന്നാൽ, ബി.ജെ.പിക്ക്​ അത്​ വലിയ പ്രശ്​നമായി മാറും. തട്ടിപ്പ്​ നടത്തിയ ബി.ജെ.പി നേതാക്കളുടെ പേരുകൾ പറഞ്ഞപ്പോൾ, എന്‍റെ നേതാവ്​ മുഖ്യമന്ത്രി ഉദ്ധവ്​ താക്കറെ ആവശ്യപ്പെട്ടത്​ അവരുടെ കുടുംബങ്ങളെ ഇതിലേക്ക്​ വലിച്ചിഴക്കരുതെന്നാണ്​. ഇത്​ രാഷ്​​്ട്രീയ പോരാട്ടമാണ്​. ബിജെ.പിക്ക്​ അതേ നാണയത്തിൽ തിരിച്ചടി നൽകും'-വാർത്തസമ്മേളനത്തിൽ റാവത്ത്​ പറഞ്ഞു.

ഡെവലപർ കമ്പനിയായ എച്ച്​.ഡി.ഐ.എൽ 20 കോടി രൂപ ബി.ജെ.പിക്ക്​ സംഭാവന നൽകിയിട്ടു​ണ്ടെന്ന്​ അദ്ദേഹം ആരോപിച്ചു. മഹാരാഷ്​ട്രയിലെ ഒരു തുറമുഖത്തിന്‍റെ വികസനത്തിനായി ബി.ജെ.പി എം.പിയുമായി എച്ച്​.ഡി.ഐ.എല്ലിന്​ പങ്കാളിത്തമുണ്ടെന്ന്​ തനിക്ക്​ സൂചന ലഭിച്ചിട്ടുണ്ടെന്നും റാവത്ത്​ പറഞ്ഞു. 'അതെന്തുകൊണ്ടാണ്​ അന്വേഷിക്കാത്തത്​? എന്‍റെ ഭാര്യ അവരുടെ സുഹൃത്തിന്‍റെ പക്കൽനിന്ന്​ ഒരു വായ്​പയെടുത്ത്​​ പത്തുവർഷത്തിനുശേഷം ഇ.ഡി ഇപ്പോഴാണ്​ ഉണർന്നെണീറ്റത്​. ഈ വായ്​പയുടെ കാര്യം എന്‍റെ തെരഞ്ഞെടുപ്പ്​ സത്യവാങ്​മൂലത്തിൽ സൂചിപ്പിച്ചിട്ടുണ്ട്​'-റാവത്ത്​ പറഞ്ഞു. മഹാരാഷ്​ട്രയിലെ സർക്കാറിനെ താഴെയിറക്കാനുള്ള ഗൂഢ പദ്ധതികൾ വിജയം കാണാത്തതിലുള്ള അരിശം കൊണ്ടാണ്​ പാർട്ടിയ​ുടെ മുതിർന്ന നേതാക്ക​െള ഇ.ഡി വഴി വേട്ടയാടുന്നതെന്നും അദ്ദേഹം ആരോപിച്ചു.